Read Original Shona Union Bible 1949 Baiberi Magwaro Matȿene aMŋari Ezekieri 40 Bible Online

Ezekieri 40 - Original Shona Union Bible 1949 Baiberi Magwaro Matȿene aMŋari bible

Ezekieri 40

¹Ɀino negore ramakumi maʋiri namashanu rokutapxa kweɗu, pakutaŋga kwegore, nezuʋa regumi romŋedzi, negore regumi namanna rakateʋera kurobga kweguta, nezuʋa irero, ruʋoko rwaJehova rwakaŋga ruri pamsoro paŋgu, akandiisa’ko.

²Paneɀandakaratidzwa naMŋari, wakandiȿitsa munyika yaIsraeri, akandiisa pagomo refu‐refu, pakaŋga panecinhu cakaŋga cakafanana neguta kurutiʋi rwezasi.

³Akandiisa’ko; ɀino tarira, kwakaŋga kunomurume, pakuʋonekwa kwake wakaŋga akaita sendarira, anorwonzi rwecinda muruʋoko rwake, norutsaŋga rwokuyeresa narwo; akamira pasuʋo.

⁴Murume uyo akati kwandiri: Mŋanakomana womunhu, tarira nameso ako, inzwa nenzeʋe dzako, uraŋgarire nomŋoyo wako ɀose ɀandicakuratidza; nokuti wakaȿitswa pano kuti ndikuratidze iɀoɀo; paridzira imba yaIsraeri ɀose ɀaunoʋona.

⁵Ɀino tarira, kwakaŋga kunoruȿiŋgo rwakapoteredza imba necokunze; muruʋoko rwomurume uyo makaŋga munorutsaŋga rwokuyeresa narwo, rwakaȿika makubiti[3] matanhatu pakureɓa kwarwo, rimŋe nerimŋe riciita ʋo kubiti rimŋe noʋupamhi bgecanza; ipapo akayera ʋukobvu bgoruȿiŋgo, ʋukaita rutsaŋga rumŋe, nokureɓa rutsaŋga rumŋe.

⁶Ɀino wakaȿika pasuʋo rakatarira kurutiʋi rwamabvazuʋa, akakwira neɀikwiriso ɀaro, akayera cikumbaridzo cesuʋo, ɀikaita rutsaŋga rumŋe, necimŋe cikumbaridzo ɀe, ɀikaita rutsaŋga rumŋe.

⁷Kamuri imŋe neimŋe yaʋarindi yakaŋga yakaita rutsaŋga rumŋe pakureɓa, norutsaŋga rumŋe paʋupamhi; pakati pamakamuri pakaŋga panamakubiti mashanu; ʋuye cikumbaridzo cesuʋo paɓiraʋira resuʋo kurutiʋi rweimba cakaita rutsaŋga rumŋe.

⁸Wakayera ʋo ɓiraʋira resuʋo kurutiʋi rweimba, ɀikaita rutsaŋga rumŋe.

⁹Ipapo akayera ɓiraʋira resuʋo, ɀikaita makubiti masere, nembiru dzaro, makubiti maʋiri; ɓiraʋira resuʋo rakaŋga riri kurutiʋi rweimba.

¹⁰Makamuri esuʋo rokumabvazuʋa aiʋa matatu necoʋuno namatatu neceseri, ose matatu aiʋa neciyero cimŋe, nembiru dzaiʋa neciyero cimŋe necoʋuno neceseri.

¹¹Akayera ʋupamhi bgomukoʋa wesuʋo, ɀikaita makubiti anegumi; nokureɓa kwesuʋo, makubiti anegumi namatatu.

¹²Kawkaŋga kunorumhanda pamberi pamakamuri, rwakaita kubiti rimŋe necoʋuno, norumhanda rwakaita kubiti rimŋe neceseri.

¹³Akayera suʋo kubva paɗeŋga rekamuri imŋe kuȿikira paɗeŋga reimŋe, ɀikaita makubiti makumi maʋiri namashanu pakufara; mukoʋa mumŋe wakatarisana nomumŋe mukoʋa.

¹⁴Akaita ʋo mbiru, dzakaȿika makubiti makumi matanhatu; ruʋazhe rwakaŋga rwakapoteredza suʋo kuȿikira pambiru.

¹⁵Ɀino kubva pamberi pesuʋo, paʋanopinda napo, kuȿikira pamberi peɓiraʋira resuʋo romukati, ɀakaita makubiti makumi mashanu.

¹⁶Mumakamuri makaŋga munamawindi akapfigwa, nomumbiru dzawo mukati mesuʋo kumatiʋi ose, saiɀoɀo ʋo pamaɓiraʋira; mawindi akaŋga ari’po ʋo kumatiʋi ose necomukati; pambiru imŋe neimŋe pakaŋga panemiti yemicindwe.

¹⁷Ɀino wakandiisa muruʋazhe rwokunze, ndikaʋona makamuri neguʋa rakaroŋgwa namabge, ɀakaitirwa ruʋazhe kumatiʋi ose; kwakaŋga kunamakamuri makumi matatu paguʋa rakaroŋgwa.

¹⁸Guʋa rakaroŋgwa rakaŋga riri kurutiʋi rwamasuʋo, rakaenzana pakureɓa kwaro namasuʋo, iro guʋa rakaroŋgwa rapasi.

¹⁹Ɀino wakayera ʋupamhi kubva pamberi pesuʋo rapazasi kuȿikira kunze pamberi poruʋazhe rwomukati, ɀikaita makubiti aneɀana, kurutiʋi rwamabvazuʋa nokurutiʋi rwokumsoro.

²⁰Wakayera ʋo kureɓa noʋupamhi bgesuʋo roruʋazhe rwokunze rakatarira kurutiʋi rwokumsoro.

²¹Makamuri aro aiʋa matatu necoʋuno, namatatu neceseri; mbiru dzaro namaɓiraʋira aro ɀakaŋga ɀakaenzana neciyero cesuʋo rokutaŋga; kureɓa kwaro kwakaȿika makubiti makumi mashanu noʋupamhi makubiti makumi maʋiri namashanu.

²²Mawindi aro, namaɓiraʋira aro, nemicindwe yaro ɀakaŋga ɀakaenzana neciyero cesuʋo rakatarira kurutiʋi rwamabvazuʋa; ʋanhu ʋaikwira’ko neɀikwiriso ɀinomŋe; maɓiraʋira aro akaŋga ari pamberi paro.

²³Muruʋazhe rwomukati makaŋga munesuʋo rakatarisana nerimŋe suʋo, kurutiʋi rwokumsoro nokurutiʋi rwamabvazuʋa; akayera kubva kunerimŋe suʋo kuȿikira kunerimŋe suʋo ɀikaita makubiti anezana.

²⁴Ɀino akaenda neni kurutiʋi rwezasi, ndikaʋona suʋo kurutiʋi rwezasi; akayera mbiru dzaro namaɓiraʋira aro neɀiyero iɀeɀo.

²⁵Mawindi aiʋa’po mukati maro nomumaɓiraʋira aro kumatiʋi ose, akafanana namawindi iwayo; pakureɓa kwaɀo ɀakaita makubiti makumi mashanu, nokufara kwaɀo makubiti makumi maʋiri namashanu.

²⁶Kwakaŋga kuneɀikwiriso ɀinomŋe ɀokukwira naɀo kwariri; maɓiraʋira aro akaŋga ari pamberi paro; ʋuye rakaŋga rinemicindwe pambiru dzaro, mumŋe necoʋuno nomumŋe neceseri.

²⁷Kwakaŋga kunesuʋo paruʋazhe rwomukati kurutiʋi rwezasi; akayera kubva kunerimŋe suʋo kuȿikira kunerimŋe suʋo kurutiʋi rwezasi ɀikaita makubiti anezana.

²⁸Ɀino wakandiisa kuruʋazhe rwomukati kusuʋo rezasi; akayera suʋo rezasi neɀiyero iɀeɀi;

²⁹namakamuri aro, nembiru dzaro, namaɓiraʋira aro neɀiyero iɀeɀi; kwakaŋga kunamawindi mukati maro nomumaɓiraʋira aro kumatiʋi ose; ɀakaŋga ɀakaita makubiti makumi mashanu pakureɓa, namakubiti makumi maʋiri namashanu paʋupamhi.

³⁰Kwakaŋga kunamaɓiraʋira kumatiʋi ose, akaita makubiti makumi maʋiri namashanu pakureɓa, namakubiti mashanu paʋupamhi.

³¹Maɓiraʋira aro akaŋga akatarira kuruʋazhe rwokunze; kwakaŋga kunemicindwe pambiru dzaro; cikwiriso caro cakaŋga cineɀikwiriso ɀisere.

³²Ɀino wakandiisa muruʋazhe rwomukati kurutiʋi rwamabvazuʋa, akayera suʋo neɀiyero iɀeɀi;

³³namakamuri aro, nembiru dzaro, namaɓiraʋira aro neɀiyero iɀeɀi; makaŋga munamawindi mukati maro nomumaɓiraʋira aro kumatiʋi ose; ɀakaita makubiti makumi mashanu pakureɓa, namakubiti makumi maʋiri namashanu paʋupamhi.

³⁴Maɓiraʋira aro akaŋga akatarira kuruʋazhe rwokunze; kwakaŋga kunemicindwe pambiru dzaro, necoʋuno neceseri; cikwiriso caro cakaŋga cineɀikwiriso ɀisere.

³⁵Ɀino wakandiisa kusuʋo rokumsoro, akariyera neɀiyero iɀi;

³⁶makamuri aro, nembiru dzaro, namaɓiraʋira aro; makaŋga munamawindi mukati maro kumatiʋi ose; pakureɓa ɀakaita makubiti makumi mashanu, napaʋupamhi makubiti makumi maʋiri namashanu.

³⁷Mbiru dzaro dzakaŋga dzakatarira kuruʋazhe rwokunze; kwakaŋga kunemicindwe pambiru dzaro, necoʋuno neceseri; cikwiriso caro cakaŋga cineɀikwiriso ɀisere.

³⁸Pambiru pamasuʋo pakaŋga panekamuri yaiʋa nomukoʋa wayo; ndi’po paʋaisuka ɀipiriso ɀinopiswa.

³⁹Muɓiraʋira resuʋo makaŋga munamatafura maʋiri necoʋuno, namatafura maʋiri neceseri, pokuɓayira ɀipiriso ɀinopiswa neɀiɓayiro ɀeɀiʋi neɀiɓayiro ɀemhoȿa.

⁴⁰Kurutiʋi rwokunze, kana munhu acikwira kundopinda pasuʋo kurutiʋi rwokumsoro, kwakaŋga kunamatafura maʋiri, ʋuye kunorumŋe rutiʋi rweɓiraʋira resuʋo, kwakaŋga kunamatafura maʋiri.

⁴¹Kwakaŋga kunamatafura manna kurutiʋi rwoʋuno, namatafura manna kurutiʋi rweseri, kurutiʋi rwesuʋo, matafura masere paiɓayirwa ɀiɓayiro.

⁴²Kwakaŋga kunamatafura manna amabge akaʋezwa, eɀipiriso ɀinopiswa; pakureɓa akaȿika kubiti nehafu, paʋupamhi kubiti nehafu, pakukwirira kubiti nehafu; ndi’po paʋakaisa nhumbi dzaʋaiɓayira nadzo ɀipiriso ɀinopiswa neɀiɓayiro.

⁴³Ɀikokoʋono, ɀakaŋga ɀakaita soʋupamhi bgecanza pakureɓa kwaɀo, ɀakaŋga ɀakasuŋgirwa mukati kumatiʋi ose; pamatafura pakaŋga panenyama yokuʋoŋga.

⁴⁴Kunze kwesuʋo romukati kwakaŋga kunamakamuri aʋaimbi ʋoruʋazhe rwomukati, rwaiʋa kurutiʋi rwesuʋo rokumsoro; iwo akatarira kurutiʋi rwezasi, rimŋe kurutiʋi rwamabvazuʋa ricitarira kurutiʋi rwokumsoro.

⁴⁵Ɀino akati kwandiri: Kamuri iri, rakatarira kurutiʋi rwezasi, nderaʋaprista, iʋo ʋaceŋgeti ʋeɓasa reimba;

⁴⁶kamuri, rakatarira kurutiʋi rwokumsoro, nderaʋaprista, ʋaceŋgeti ʋeɓasa reartari; ndiʋo ʋanakomana ʋaZadoki, ʋanobva pakati paʋanakomana ʋaRevi, ʋacisweɗera kunaJehova kuzomushumira.

⁴⁷Ɀino akayera ruʋazhe, ɀikaita makubiti anezana pakureɓa, namakubiti anezana paʋupamhi, matiʋi manna akaenzana; artari yakaŋga iri pamberi peimba.

⁴⁸Ɀino wakandiisa paɓiraʋira reimba, akayera mbiru imŋe neimŋe yeɓiraʋira, ɀikaita makubiti mashanu kurutiʋi rwoʋuno, namakubiti mashanu kurutiʋi rweseri; ʋupamhi bgesuʋo bgakaita makubiti matatu kurutiʋi rwoʋuno namakubiti matatu kurutiʋi rweseri.

⁴⁹Kureɓa kweɓiraʋira kwakaŋga kuciita makubiti makumi maʋiri, noʋupamhi makubiti anegumi nerimŋe, ipapo paɀikwiriso ɀaʋaikwira naɀo; pambiru dzesuʋo pakaŋga panedzimŋe mbiru, imŋe kurutiʋi rwoʋuno, neimŋe kurutiʋi rweseri.