Read Original Shona Union Bible 1949 Baiberi Magwaro Matȿene aMŋari Ezekieri 41 Bible Online

Ezekieri 41 - Original Shona Union Bible 1949 Baiberi Magwaro Matȿene aMŋari bible

Ezekieri 41

¹Ɀino wakandiisa kutembere, akayera mbiru, ɀikaita makubiti matanhatu paʋupamhi kurutiʋi rumŋe, namakubiti matanhatu paʋupamhi kunorumŋe rutiʋi, ndibgo ʋupamhi bgetabernakeri.

²Ʋupamhi bgomukoʋa bgakaita makubiti anegumi; matiʋi omukoʋa akaita makubiti mashanu kurutiʋi rumŋe, namakubiti mashanu kunorumŋe rutiʋi; akayera kureɓa kwaɀo, ɀikaita makubiti makumi manna, noʋupamhi makubiti makumi maʋiri.

³Ɀino akapinda mukati, akayera mbiru imŋe neimŋe yomukoʋa, ɀikaita makubiti maʋiri, nomukoʋa makubiti matanhatu, noʋupamhi bgomukoʋa makubiti manomŋe.

⁴Akayera kureɓa kwawo ɀikaita makubiti makumi maʋiri, noʋupamhi, makubiti makumi maʋiri pamberi petembere; akati kwandiri: Iyi ndiyo nɀimbo tȿene‐tȿene.

⁵Ipapo akayera madziro eimba, ɀikaita makubiti matanhatu, ʋuye ʋupamhi bgekamuri rimŋe nerimŋe rokumatiʋi, ɀikaita makubiti manna, ɀicipoteredza imba kumatiʋi ose.

⁶Makamuri okumatiʋi akaŋga akaturikidzwa akaita matatu, rimŋe riri pamsoro perimŋe, ɀikaitwa runamakumi matatu; akaŋga akaʋakirwa mukati mamadziro eimba aiʋa kurutiʋi rwamakamuri okumatiʋi, kuti atsigirwe nawo; haana‐kutsigirwa namadziro eimba.

⁷Makamuri okumatiʋi akawedzera ʋupamhi pakupoteredza kwawo imba, acikwirira nokukwirira; nokuti kupoteredzwa kweimba kwakaramba kucikwirira kumatiʋi ose eimba; naiɀoɀo imba yakawedzera ʋupamhi pakukwirira kwayo; naiɀoɀo munhu waikwira acibva pakamuri rezasi kuȿikira kunerokumsoro, acipfuʋura napakamuri rapakati.

⁸Ndakaʋona ʋo kuti paimba pakaŋga panapamŋe pakakwirira kumatiʋi ose; nheyo dzamakamuri okumatiʋi dzakaȿika rutsaŋga rwose, makubiti matanhatu kuȿikira pakusoŋgana kwamadziro.

⁹Ʋukobvu bgecidziro camakamuri okumatiʋi necokunze, bgakaita makubiti mashanu; saiɀoɀo ʋo nɀimbo, yakasiyiwa, yaiʋa yamakamuri okumatiʋi eimba.

¹⁰Pakati pamakamuri paiʋa nenɀimbo yakaita makubiti anamakumi maʋiri yaipoteredza imba kumatiʋi ose.

¹¹Mikoʋa yamakamuri okumatiʋi yakaŋga icitarira kurutiʋi rwenɀimbo yaiʋa yoga, mumŋe mukoʋa kurutiʋi rwokumsoro, mumŋe mukoʋa kurutiʋi rwezasi, ʋupamhi bgenɀimbo yaiʋa yoga bgakaita makubiti mashanu kumatiʋi ose.

¹²Imba yakaŋga iri pamberi penɀimbo, yaiʋa yoga kurutiʋi rwamaʋirazuʋa, yakaita makubiti makumi manomŋe paʋupamhi bgayo; cidziro ceimba kumatiʋi ose cakaita makubiti mashanu paʋukobvu, namakubiti makumi mapfumbamŋe pakureɓa.

¹³Saiɀoɀo akayera imba, ikaita makubiti anezana pakureɓa; ʋuye nɀimbo yaiʋa yoga, neimba namadziro ayo, ɀikaita makubiti anezana pakureɓa;

¹⁴ʋuye ʋupamhi bgeimba necemberi kwayo, nokwenɀimbo yaiʋa yoga kurutiʋi rwamabvazuʋa, ɀikaita makubiti anezana.

¹⁵Ɀino wakayera kureɓa kweimba pamberi penɀimbo yaiʋa yoga, yakaŋga iri shure kwayo, namaɓiraʋira ayo kunorutiʋi rumŋe nokunorumŋe rutiʋi, ɀikaita makubiti anezana; ʋuye tembere yomukati, namaɓiraʋira oruʋazhe;

¹⁶neɀikumbaridzo, namawindi akaŋga akapfigwa, namaɓiraʋira akapoteredza makamuri matatu akaturikidzwa, akatarisana necikumbaridzo, akaŋga akaroʋerwa matanda kumatiʋi ose, kubva pasi kuȿikira kumawindi, (asi mawindi akaŋga akafukidzwa),

¹⁷kuȿikira kumsoro kwomukoʋa, kuȿikira kuimba yomukati nokunze, nokucidziro cose kumatiʋi ose mukati nokunze, neɀiyero ɀaɀo.

¹⁸Ɀakaŋga ɀakaitwa ɀinamakerubi nemicindwe; kwakaŋga kunomucindwe pakati pekerubi rimŋe nerimŋe kerubi, ʋuye kerubi rimŋe nerimŋe rakaŋga rineɀiso ɀiʋiri;

¹⁹naiɀoɀo kwakaŋga kuneciso comunhu cakatarira kumucindwe kurutiʋi rumŋe, neciso ceshumba ɗuku cakatarira kumucindwe kunorumŋe rutiʋi; ndiɀo ɀaɀakaŋga ɀakaitwa paimba yose kumatiʋi ose;

²⁰kubva pasi kuȿikira kumsoro kwomukoʋa kwakaŋga kunamakerubi nemicindwe; saiɀoɀo ʋo pacidziro cetembere.

²¹Kana iri tembere, mbiru dzemikoʋa dzakaŋga dzinamatiʋi manna akaenzana; kana iri nɀimbo tȿene pamberi payo yakaŋga yakafanana netembere.

²²Artari yakaŋga yakaʋezwa namatanda, yakaȿika makubiti matatu pakukwirira kwayo, nokureɓa kwayo makubiti maʋiri; makona ayo, nokureɓa kwayo, namadziro ayo, ɀakaŋga ɀakaʋezwa namatanda; akati kwandiri: Iri ndiro tafura riri pamberi paJehova.

²³Tembere nenɀimbo tȿene ɀakaŋga ɀinemikoʋa miʋiri.

²⁴Mukoʋa mumŋe nomumŋe wakaŋga unamasasa maʋiri, masasa maʋiri aitendereka; masasa maʋiri pamukoʋa mumŋe, ʋuye masasa maʋiri panomumŋe.

²⁵Paari, ipo pamasasa etembere, pakaŋga pakaʋezwa makerubi nemicindwe, ɀakafanana neɀakaitwa pamadziro; pakaŋga panecikumbaridzo camatanda necapamberi peɓiraʋira necokunze.

²⁶Kwakaŋga kunamawindi akapfigwa nemicindwe kurutiʋi rumŋe nokunorumŋe rutiʋi, kumatiʋi eɓiraʋira; ndiɀo ɀakaŋga ɀakaita makamuri okumatiʋi eimba neɀikumbaridzo.