Read Original Shona Union Bible 1949 Baiberi Magwaro Matȿene aMŋari Ezekieri 42 Bible Online

Ezekieri 42 - Original Shona Union Bible 1949 Baiberi Magwaro Matȿene aMŋari bible

Ezekieri 42

¹Ɀino wakandiɓuɗisira kuruʋazhe rwokunze, nenzira inoenda kurutiʋi rwokumsoro; akandiisa mukamuri rakatarisana nenɀimbo yaiʋa yoga, yakaŋga yakatarisana neimba kurutiʋi rwokumsoro.

²Pamberi porutiʋi rwakareɓa, rwakaȿika makubiti anezana, kwakaŋga kunomukoʋa worutiʋi rwokumsoro, ʋuye ʋupamhi bgakaita makubiti makumi mashanu.

³Pakatarisana namakubiti makumi maʋiri oruʋazhe rwomukati, ʋuye pakatarisana neguʋa rakaroŋgwa roruʋazhe rwokunze, kwakaŋga kunamaɓiraʋira akatarisana, akaturikidzwa ari matatu.

⁴Pamberi pamakamuri pakaŋga panenɀimbo yokufamba icipinda mukati yakaita makubiti anegumi, iri nzira yakaita makubiti anezana; mikoʋa yaɀo yakaŋga yakatarira kurutiʋi rwokumsoro.

⁵Asi makamuri okumsoro akaŋga ari maɗuku kunamamŋe, nokuti maɓiraʋira akaŋga aciatapudzira, kupfuʋura apasi naapakati mukati meimba.

⁶Nokuti akaŋga akaturikidzwa, ari matatu, asinembiru dzakaita sembiru dzamaʋazhe; naiɀoɀo okumsoro akaŋga akamanikana kupfuʋura apasi naapakati ɀicibva pasi.

⁷Ruȿiŋgo rwakaŋga ruri kunze kurutiʋi rwamakamuri kuruʋazhe rwokunze pamberi pamakamuri, rwakaȿika makubiti makumi mashanu pakureɓa.

⁸Nokuti kureɓa kwamakamuri akaŋga ari muruʋazhe rwokunze kwakaȿika makubiti makumi mashanu, asi tarira, pamberi petembere akaita makubiti anezana.

⁹Pasi pamakamuri awa ndi’po pakaŋga panomukoʋa wokurutiʋi rwamabvazuʋa, kana munhu acipinda kwaari acibva kuruʋazhe rwokunze.

¹⁰Mukati moʋupamhi bgoruȿiŋgo rworuʋazhe kurutiʋi rwamabvazuʋa, pamberi penɀimbo yaiʋa yoga, napamberi peimba, pakaŋga panamakamuri.

¹¹Nzira yakaŋga iri pamberi pawo yakaŋga yakafanana nenzira yamakamuri okurutiʋi rwokumsoro; seɀakaŋga ɀakaita kureɓa kwawo, ndiɀo ɀakaŋga ɀakaita ʋupamhi bgawo; pokuɓuɗa pawo pose pakaŋga pakafanana nokuroŋgerwa kwawo nemikoʋa yawo.

¹²Seɀakaŋga ɀakaita mikoʋa yamakamuri akaŋga ari kurutiʋi rwezasi, saiɀoɀo kwakaŋga kunomukoʋa pakuguma kwenzira, iyo nzira yakaŋga yakaruramira pamberi poruȿiŋgo kurutiʋi rwamabvazuʋa, kana munhu acipinda mukati mawo.

¹³Ɀino akati kwandiri: Makamuri okurutiʋi rwokumsoro namakamuri okurutiʋi rwezasi, ari pamberi penɀimbo iri yoga, ndiwo makamuri matȿene, panofanira kudyiwa ɀinhu ɀitȿene‐tȿene naʋaprista ʋari pedyo naJehova; ndi’po paʋacafanira kuisa ɀinhu ɀitȿene‐tȿene, neɀipiriso ɀoʋupfu, neɀipiriso ɀeɀiʋi, neɀipiriso ɀemhoȿa; nokuti inɀimbo tȿene.

¹⁴Kana ʋaprista ʋapinda, haʋafaniri kuzoɓuɗa panɀimbo tȿene ʋacienda kuruʋazhe rwokunze, asi ʋanofanira kuisa’po ŋguʋo dzaʋo dzaʋanoshumira nadzo, nokuti idzo itȿene; asi ʋanofanira kufuka dzimŋe ŋguʋo, ndokuzosweɗera kuneɀaʋanhu.

¹⁵Ɀino wakati apedza kuyera imba yomukati, akandiɓuɗisa nenzira yesuʋo rakatarira kurutiʋi rwamabvazuʋa, akapayera kumatiʋi ose.

¹⁶Akayera kurutiʋi rwamabvazuʋa norutsaŋga rwokuyera narwo, ɀikaita tsaŋga dzinamazana mashanu, norutsaŋga rwokuyera narwo kumatiʋi ose.

¹⁷Akayera kurutiʋi rwokumsoro norutsaŋga rwokuyera narwo kumatiʋi ose, ɀikaita tsaŋga dzinamazana mashanu.

¹⁸Akayera kurutiʋi rwezasi norutsaŋga rwokuyera narwo, ɀikaita tsaŋga dzinamazana mashanu.

¹⁹Akadzoka kurutiʋi rwamaʋirazuʋa, akayera norutsaŋga rwokuyera narwo, ɀikaita tsaŋga dzinamazana mashanu.

²⁰Akapayera kumatiʋi ose manna; pakaŋga panoruȿiŋgo rwakapoteredza, rwakaŋga rwakaita ɀiyero ɀinamazana mashanu pakureɓa, namazana mashanu paʋupamhi, kuti ruparadzanise pakati peɀitȿene neɀisati ɀiri ɀitȿene.