Read Original Shona Union Bible 1949 Baiberi Magwaro Matȿene aMŋari Ezekieri 44 Bible Online

Ezekieri 44 - Original Shona Union Bible 1949 Baiberi Magwaro Matȿene aMŋari bible

Ezekieri 44

¹Ɀino wakandidzosa nenzira yesuʋo rokunze renɀimbo tȿene, rakaŋga rakatarira kurutiʋi rwamabvazuʋa; asi rakaŋga rakapfigwa.

²Jehova akati kwandiri: Suʋo iri rinofanira kugara rakapfigwa, harifaniri kuzarurwa, ʋuye hakunomunhu unofanira kupinda naro, nokuti Jehova Mŋari waIsraeri wapinda naro; saka rinofanira kuramba rakapfigwa.

³Kana ari mucinda, iye unofanira kugara’mo ari mucinda, adye ɀokudya pamberi paJehova; unofanira kupinda nenzira yeɓiraʋira resuʋo, ndokuɓuɗa ɀe nenzira iyeyo.

⁴Ipapo akaenda neni nenzira yesuʋo rokurutiʋi rwokumsoro pamberi peimba; ndikatarira, ndikaʋona kubginya kwaJehova kucizadza imba yaJehova; ndikawira pasi neciso caŋgu.

⁵Jehova akati kwandiri: Mŋanakomana womunhu, cerekedza ɀakanaka, utarire nameso ako, unzwe nenzeʋe dzako ɀose ɀandinokuʋudza pamsoro pemitemo yose yeimba yaJehova, nemirairo yayo yose; cerekedza ɀakanaka panopindwa napo paimba, napanoɓuɗiwa napo pose panɀimbo tȿene.

⁶Ɀino uti kunaʋakandimukira, kuimba yaIsraeri: Ɀanzi naShe Jehova: Nhai, imi imba yaIsraeri, ciriŋganiswai neɀinonyaŋgadza ɀenyu,

⁷iɀo ɀokupinza kwenyu ʋatorwa, ʋanemŋoyo isino‐kudziŋgiswa nenyama isino‐kudziŋgiswa, kuti ʋaʋe munɀimbo yaŋgu, mucimhura iyo imba yaŋgu, kana mucindiʋigira ɀokudya, namafuta neropa; ʋakaputsa suŋgano yaŋgu, ʋacinyanyisa ɀinonyaŋgadza ɀenyu.

⁸Hamuna‐kuceŋgeta ɀinhu ɀaŋgu ɀitȿene, asi makagadza ʋatariri ʋanokuceŋgeterai imi ɀinhu ɀaŋgu munɀimbo yaŋgu tȿene.

⁹Ɀanzi naShe Jehova: Mutorwa unomŋoyo usino‐kudziŋgiswa nenyama isino‐kudziŋgiswa ŋgaarege kupinda munɀimbo yaŋgu tȿene, aninani waʋatorwa ʋari pakati paʋana ʋaIsraeri.

¹⁰Asi ʋaRevi, ʋakaenda kure neni paŋguʋa yokutsauka kwaIsraeri, ʋakatsauka kwandiri ʋaciteʋera ɀifananidzo ɀaʋo, iʋo ʋacaʋa nemhoȿa yeɀakaipa ɀaʋo.

¹¹Asi ʋanofanira kuʋa ʋashumiri munɀimbo yaŋgu tȿene, naʋatariri pamasuʋo eimba, naʋanoshumira mumba; iʋo ʋanofanira kuɓayira cipiriso cinopiswa, neɀinoɓayirwa ʋanhu, nokumira pamberi paʋo kuʋashumirira.

¹²Ɀaʋakaʋashumirira pamberi peɀifananidzo ɀaʋo, ʋakazoʋa cigumbuso ceɀakaipa kuimba yaIsraeri; naiɀoɀo ndakaʋasimudzira ruʋoko rwaŋgu — ndiɀo ɀinotaura Jehova — ʋacaʋa nemhoȿa yeɀakaipa ɀaʋo.

¹³Haʋaŋgasweɗeri kwandiri, kundiitira ɓasa roʋuprista, kana kusweɗera kucinhu cipi necipi ceɀinhu ɀaŋgu ɀitȿene, kuɀinhu ɀitȿene kwaɀo; asi ʋacaʋa nemhoȿa yokunyadziswa kwaʋo, neyeɀinonyadzisa ɀaʋo ɀaʋakaita.

¹⁴Asi ndicaʋaita ʋatariri ʋanoceŋgeta imba, ʋaite ɓasa rayo rose, neɀose ɀinofanira kuitwa’mo.

¹⁵Asi ʋaprista ʋaRevi, iʋo ʋanakomana ʋaZadoki, ʋaiceŋgeta ɓasa renɀimbo yaŋgu tȿene paŋguʋa yokutsauka kwaʋana ʋaIsraeri ʋacibva kwandiri, ndiʋo ʋacasweɗera kwandiri kuzondishumira; iʋo ʋacamira pamberi paŋgu kuzondiɓayira mafuta neropa — ndiɀo ɀinotaura Ishe Jehova;

¹⁶ʋacapinda munɀimbo yaŋgu tȿene, ʋacasweɗera kutafura yaŋgu, kuti ʋandishumire, ʋuye ʋacaceŋgeta ɓasa raŋgu.

¹⁷Ɀino kana ʋacipinda pamasuʋo oruʋazhe rwomukati, ʋacafanira kufuka ŋguʋo dzemiceka; makushe ŋgaarege kuʋa pamiʋiri yaʋo, kana ʋacishumira mumasuʋo oruʋazhe rwomukati, nomukati meimba.

¹⁸Ʋacafanira kufuka ŋgowani dzemiceka pamisoro yaʋo, ʋuye ʋacafanira kuʋa namaburuku emiceka paɀiʋuno ɀaʋo; ŋgaʋarege kuɀisuŋga ciʋuno necinhu cinoɓuɗisa ziya.

¹⁹Kana ʋaciɓuɗira kuruʋazhe rwokunze, iko kuruʋazhe rwokunze kuʋanhu, ʋanofanira kubvisa ŋguʋo dzaʋo dzaʋanoshumira nadzo, ndokudziisa mumakamuri matȿene; ʋanofanira kufuka dzimŋe ŋguʋo, kuti ʋarege kuita ʋanhu ʋatȿene neŋguʋo dzaʋo.

²⁰Ŋgaʋarege kuʋeʋura misoro yaʋo, kana kurega vudzi raʋo ricireɓa; ŋgaʋagunde cete misoro yaʋo.

²¹Muprista upi noupi ŋgaarege kunwa waini, kana acipinda muruʋazhe rwomukati.

²²Haʋafaniri kuwana cirikadzi, kana mukadzi wakarambga nomurume; asi ʋanofanira kuwana mhandara pakati paʋana ʋeimba yaIsraeri, kana cirikadzi, iri cirikadzi yomuprista.

²³Ʋanofanira kudzidzisa ʋanhu ʋaŋgu kusiyana kweɀitȿene neɀisi ɀitȿene, nokuʋadzidzisa kutsaura pakati peɀisino‐kunaka neɀakanaka.

²⁴Kana panegakaʋa ʋanofanira kuʋa ʋatoŋgi; ʋanofanira kutoŋga nemitemo yaŋgu; ʋacafanira kuceŋgeta mirairo yaŋgu nemitemo yaŋgu pamitambo yaŋgu yose yakatarwa; masaɓata aŋgu ŋgaaʋe matȿene kwaʋari.

²⁵Ŋgaʋarege kupinda kuneɀitunha, kuti ʋarege kuɀiȿiɓisa; asi ʋaŋgaɀiȿiɓisa nokuɗa kwaɓaɓa, kana mai, kana mŋanakomana, kana mŋanasikana, kana mukoma nomunuŋuna, kana hanɀadzi yakaŋga icigere kuwanikwa.

²⁶Ɀino kana iye apera kunatswa, unofanira kutarirwa mazuʋa manomŋe.

²⁷Nezuʋa raanozopinda munɀimbo tȿene, muruʋazhe rwomukati, kundoshumira munɀimbo tȿene, ucafanira kuɓayira cipiriso cake ceɀiʋi — ndiɀo ɀinotaura Ishe Jehova.

²⁸Ʋacaʋa nenhaka; ini ndini nhaka yaʋo; hamufaniri kuʋapa fuma pakati paIsraeri, ini ndini fuma yaʋo.

²⁹Ʋanofanira kudya cipiriso coʋupfu, necipiriso ceɀiʋi, necipiriso cemhoȿa; cinhu cipi necipi cakatsaurirwa Jehova pakati paIsraeri cicaʋa caʋo.

³⁰Cakaiȿo‐naka paɀiɓereko ɀokutaŋga ɀeɀose, neɀipiriso ɀakatsaurwa ɀeɀose, ɀeɀipo ɀenyu ɀose, ɀinofanira kuʋa ɀaʋaprista; munofanira kupa ʋo ʋaprista ɀokutaŋga ɀoʋupfu bgenyu bgakakuyiwa, kuti mugarise ropafadzo paimba yenyu.

³¹Ʋaprista ŋgaʋarege kudya cinhu cipi necipi cakaŋgofa coga, kana cakabvamburanyiwa, kana iri shiri kana cipfuwo.