Read Original Shona Union Bible 1949 Baiberi Magwaro Matȿene aMŋari Ezekieri 45 Bible Online

Ezekieri 45 - Original Shona Union Bible 1949 Baiberi Magwaro Matȿene aMŋari bible

Ezekieri 45

¹Ɀino kana muciganhura nyika nemijenya, kuti iʋe nhaka yenyu, munofanira kuʋigira Jehova cipo, uʋe mugoʋe mutȿene panyika; kureɓa kwawo kunofanira kuita tsaŋga dzineɀuru ɀinamakumi maʋiri neɀishanu, noʋupamhi tsaŋga dzineɀuru ɀinegumi, unofanira kuʋa mutȿene kuȿikira kumiganho yawo yose kumatiʋi ose.

²Ipapo panofanira kuʋa nɀimbo tȿene yakaita tsaŋga dzinamazana mashanu pakureɓa ʋuye tsaŋga dzinamazana mashanu paʋupamhi matiʋi ose manna akaenzana; ʋuye panofanira kuʋa noruwa rwakapoteredza kumatiʋi ose runoȿika makubiti makumi mashanu.

³Ɀino pamugoʋe wakaganhurwa unofanira kuyera nɀimbo inoȿika ɀiyero ɀineɀuru ɀinamakumi maʋiri neɀishanu pakureɓa, neɀiyero ɀineɀuru ɀinegumi paʋupamhi; imomo ndi’mo munofanira kuʋa nenɀimbo tȿene, iyo nɀimbo tȿene‐tȿene.

⁴Uyu unofanira kuʋa mugoʋe mutȿene wenyika; unofanira kuʋa waʋaprista, iʋo ʋanoshumira panɀimbo tȿene, ʋanosweɗera kunaJehova kumushumira; inofanira kuʋa nɀimbo yedzimba dzaʋo, nenɀimbo tȿene yenɀimbo tȿene.

⁵Nɀimbo inoȿika ɀiyero ɀineɀuru ɀinamakumi maʋiri neɀishanu pakureɓa, neɀuru ɀinegumi paʋupamhi, inofanira kuʋa yaʋaRevi, iʋo ʋanoshumira paimba, iʋe nhaka yaʋo, paʋaŋgaʋaka maguta okugara’mo.

⁶Nhaka yaʋo paguta munofanira kuiganhura, iite ɀiyero ɀineɀuru ɀishanu paʋupamhi, neɀuru ɀinamakumi maʋiri neɀishanu pakureɓa, parutiʋi rwecipo comugoʋe mutȿene; iyo inofanira kuʋa yeimba yose yaIsraeri.

⁷Mugoʋe womucinda unofanira kuʋa kurutiʋi rumŋe nokunorumŋe rutiʋi rwecipo citȿene, nokwenhaka iri muguta, pamberi pecipo citȿene, napamberi penhaka iri muguta, kurutiʋi rwamaʋirazuʋa ɀicienda kumaʋirazuʋa, nokurutiʋi rwamabvazuʋa ɀicienda kumabvazuʋa; pakureɓa unofanira kuenzana nomugoʋe mumŋe, kubva kumuganho wokumaʋirazuʋa kuȿikira kumuganho wokumabvazuʋa.

⁸Nyika iyo inofanira kuʋa nhaka yake pakati paIsraeri; macinda aŋgu haaŋgazomanikidzi ʋanhu ʋaŋgu, asi acapa imba yaIsraeri nyika ʋacienzanisa namarudzi aʋo.

⁹Ɀanzi naShe Jehova: Ciriŋganiswai naɀo, imi macinda aIsraeri; bvisai kuita nesimba nokupamba, toŋgai ɀakarurama neɀakatendeka; bvisai kumanikidza kwenyu pakati paʋanhu ʋaŋgu — ndiɀo ɀinotaura Ishe Jehova.

¹⁰Munofanira kuʋa neɀiyero ɀakarurama, neefa yakarurama, nebati rakarurama.

¹¹Efa nebati ɀinofanira kuʋa neciyero cimŋe, kuti bati riite cegumi cimŋe cehomeri,[4] ʋuye efa iite cegumi cimŋe cehomeri; ciyero caɀo cinofanira kuyerwa nehomeri.

¹²Shekeri[5] rinofanira kuita magera makumi maʋiri; mane yenyu inofanira kuʋa mashekeri anamakumi maʋiri, namashekeri anamakumi maʋiri namashanu, namashekeri anegumi namashanu.

¹³Ici ndico cipo camunofanira kuʋuya naco: Mugoʋe wecitanhatu weefa pahomeri imŋe yeɀiyo; ʋuye munofanira kupa mugoʋe wecitanhatu ceefa pahomeri yebari;

¹⁴ʋuye mugoʋe wakatarwa wamafuta, webati ramafuta, unofanira kuʋa mugoʋe wegumi webati wakatorwa pakori, ndiwo mabati anegumi, ndiyo homeri imŋe (nokuti mabati anegumi anoita homeri imŋe);

¹⁵ʋuye gwaiana rimŋe paɓoka ramakwai anamazana maʋiri, ari pamafuro akanatso‐ɗiridzwa aʋaIsraeri; ɀiʋe cipiriso coʋupfu, necipiriso cinopiswa, necipiriso cokuyananisa, kuʋayananisira — ndiɀo ɀinotaura Ishe Jehova.

¹⁶Ʋanhu ʋose ʋenyika ʋanofanira kuʋigira mucinda waIsraeri cipo ici.

¹⁷Mucinda ndiye unofanira kuisa ɀipiriso ɀinopiswa, neɀipiriso ɀoʋupfu, neɀipiriso ɀinonwiwa pamitambo napakugara kwomŋedzi, napamasaɓata, pamitambo yose yakatarwa yeimba yaIsraeri; iye unofanira kugadzira cipiriso ceɀiʋi, necipiriso coʋupfu, necipiriso cinopiswa, necipiriso cokuyananisa, kuti ayananisire imba yaIsraeri.

¹⁸Ɀanzi naShe Jehova: Nomŋedzi wokutaŋga, nezuʋa rokutaŋga romŋedzi, munofanira kutora nzombe ɗuku isinemhoȿa, ndokunatsa nɀimbo tȿene.

¹⁹Ɀino muprista unofanira kutora ropa recipiriso ceɀiʋi, ndokuriisa pambiru dzemikoʋa yeimba, napamakona manna omusara weartari, napambiru dzesuʋo roruʋazhe rwomukati.

²⁰Munofanira kuita ʋo saiɀoɀo nezuʋa recinomŋe romŋedzi, pamsoro pomumŋe nomumŋe unotadza, napamsoro peɓenzi; saiɀoɀo munofanira kuyananisira imba.

²¹Nomŋedzi wokutaŋga nezuʋa regumi namanna romŋedzi, munofanira kuita paseka, uʋe mutambo wamazuʋa manomŋe; ciŋgwa cisinembiriso cinofanira kudyiwa.

²²Nezuʋa iro mucinda unofanira kuɀigadzirira iye, naʋanhu ʋose ʋenyika, nzombe ciʋe cipiriso ceɀiʋi.

²³Namazuʋa manomŋe omutambo unofanira kugadzirira Jehova cipiriso cinopiswa, ɀinoti nzombe nomŋe namakondobge manomŋe ɀisinemhoȿa, zuʋa rimŋe nerimŋe pamazuʋa iwayo manomŋe; ʋuye nhoŋgo imŋe zuʋa rimŋe nerimŋe, ciʋe cipiriso ceɀiʋi.

²⁴Ʋuye unofanira kugadzira cipiriso coʋupfu, efa imŋe panzombe imŋe neimŋe, neefa imŋe pagondobge rimŋe nerimŋe, nehini yamafuta paefa imŋe neimŋe.

²⁵Nomŋedzi wecinomŋe, nezuʋa regumi namashanu romŋedzi, pamutambo, unofanira kuita saiɀoɀo namazuʋa iwayo manomŋe, seɀaakarairwa pamsoro pecipiriso ceɀiʋi, napamsoro pecipiriso cinopiswa, napamsoro pecipiriso coʋupfu, napamsoro pamafuta.