Read Original Shona Union Bible 1949 Baiberi Magwaro Matȿene aMŋari Ezekieri 46 Bible Online

Ezekieri 46 - Original Shona Union Bible 1949 Baiberi Magwaro Matȿene aMŋari bible

Ezekieri 46

¹Ɀanzi naShe Jehova: Suʋo roruʋazhe rwomukati rakatarira kumabvazuʋa rinofanira kugara rakapfigwa mazuʋa matanhatu anoɓatwa nawo; asi nezuʋa resaɓata rinofanira kuzarurwa, ʋuye nezuʋa rokugara kwomŋedzi rinofanira kuzarurwa.

²Mucinda unofanira kupinda napanzira yeɓiraʋira resuʋo rokunze, ndokumira pambiru yesuʋo; ɀino ʋaprista ʋanofanira kumugadzirira cipiriso cake cinopiswa neɀipiriso ɀake ɀokuyananisa, iye agonamata pacikumbaridzo cesuʋo; ipapo unofanira kuɓuɗa; asi suʋo harifaniri kupfigwa kuȿikira maɗekwana.

³Ʋanhu ʋenyika ʋanofanira kunamata pamukoʋa wesuʋo iro pamberi paJehova pamasaɓata napakugara kwomŋedzi.

⁴Cipiriso cinopiswa, cinoʋigirwa Jehova nomucinda nomusi wesaɓata cinofanira kuita makwaiana matanhatu asinemhoȿa negondobge risinemhoȿa;

⁵ʋuye cipiriso coʋupfu cinofanira kuita efa imŋe pagondobge, ʋuye cipiriso coʋupfu pamakwaiana seɀaanogona kupa, nehini[6] yamafuta paefa[7] imŋe neimŋe.

⁶Nezuʋa rokugara kwomŋedzi ɀinofanira kuita nzombe ɗuku isinemhoȿa, namakwaiana matanhatu, negondobge; ɀinofanira kuʋa ɀisinemhoȿa.

⁷Ɀino iye unofanira kugadzira cipiriso coʋupfu, efa imŋe panzombe, neefa imŋe pagondobge, napamakwaiana seɀaanogona, nehini yamafuta paefa imŋe neimŋe.

⁸Kana mucinda acipinda, unofanira kupinda nenzira yeɓiraʋira resuʋo, ʋuye unofanira kuɓuɗa nenzira iyo.

⁹Asi kana ʋanhu ʋenyika ʋaciʋuya pamberi paJehova pamitambo yakatarwa, unopinda nenzira yesuʋo rokurutiʋi rwokumsoro kuzonamata, unofanira kuɓuɗa nenzira yesuʋo rokurutiʋi rwezasi; unopinda napanzira yesuʋo rokurutiʋi rwezasi, unofanira kuɓuɗa nenzira yesuʋo rokurutiʋi rwokumsoro; haafaniri kudzoka nenzira yaakaʋuya nayo, asi unofanira kufamba akatarira mberi.

¹⁰Kana ʋacipinda, mucinda unofanira kupinda ari pakati paʋo; kana ʋaciɓuɗa ʋanofanira kuɓuɗa pamŋe cete.

¹¹Pamitambo napaŋguʋa dzemitambo cipiriso coʋupfu cinofanira kuita efa imŋe panzombe, neefa imŋe pagondobge, napamakwaiana seɀaanogona kupa, nehini yamafuta paefa imŋe neimŋe.

¹²Kana mucinda acigadzira cipiriso cokuŋgopa nokuɀiɗira, kana cipiriso cinopiswa, kana ɀipiriso ɀokuyananisa, ciʋe cipiriso cokuŋgopa Jehova nokuɀiɗira, mumŋe unofanira kumuzarurira suʋo rakatarira kurutiʋi rwamabvazuʋa; unofanira kugadzira cipiriso cake cinopiswa neɀipiriso ɀake ɀokuyananisa, seɀaanoita nomusi wesaɓata; ipapo unofanira kuɓuɗa; kana aɓuɗa mumŋe unofanira kupfiga suʋo.

¹³Unofanira kugadzira ʋo zuʋa rimŋe nerimŋe gwaiana regore rimŋe risinemhoȿa, ciʋe cipiriso cinopisirwa Jehova; unofanira kurigadzira maŋgwanani ose.

¹⁴Pamŋe cete naro unofanira kugadzira maŋgwanani ose cipiriso coʋupfu, cinoti mugoʋe wecitanhatu weefa, nomugoʋe wecitatu wehini yamafuta kunyoroʋesa nawo ʋupfu bgakatsetseka; ciʋe cipiriso coʋupfu kunaJehova ŋguʋa dzose nomutemo usiŋgaperi.

¹⁵Saiɀoɀo ʋanofanira kugadzira gwaiana, necipiriso coʋupfu, namafuta, maŋgwanani ose, ciʋe cipiriso cinopiswa ŋguʋa dzose.

¹⁶Ɀanzi naShe Jehova: Kana mucinda akapa mumŋe waʋanakomana ʋake cipo, yaʋa nhaka yake, cicaʋa caʋanakomana ʋake; caʋa caʋo nokugara nhaka.

¹⁷Asi kana akapa mumŋe waʋaranda ʋake cipo cinobva panhaka yake, cicaʋa cake kuȿikira pagore rokusunuŋgurwa; ipapo cinofanira kudzokera kumucinda; asi kana iri nhaka yake icaʋa yaʋanakomana ʋake.

¹⁸Ʋuye mucinda haafaniri kutorera ʋanhu nhaka yaʋo, kuti aʋadziŋge panyika yaʋo; unofanira kupa ʋanakomana ʋake nhaka inobva paneɀake, kuti ʋanhu ʋaŋgu ʋarege kuparadzirwa mumŋe nomumŋe abve paneɀake.

¹⁹Ɀino wakapinda neni napamukoʋa, wakaŋga uri parutiʋi rwesuʋo, mumakamuri matȿene aʋaprista, akatarira kurutiʋi rwokumsoro; ɀino tarira, kwakaŋga kunenɀimbo necemberi kurutiʋi rwamaʋirazuʋa.

²⁰Akati kwandiri: Iyi ndiyo nɀimbo panofanira kuɓika ʋaprista cipiriso cemhoȿa necipiriso ceɀiʋi, ʋuye paʋanofanira kuɓika cipiriso coʋupfu; kuti ʋarege kuɓuɗa naɀo kuruʋazhe rwokunze, kuzonatsa ʋanhu naɀo.

²¹Ɀino akaenda neni kuruʋazhe rwokunze, akandifambisa napamakona manna oruʋazhe; ɀino tarira, pakona rimŋe nerimŋe roruʋazhe pakaŋga panoruʋazhe.

²²Pamakona manna oruʋazhe pakaŋga panamaʋazhe akakomberedzwa, akaita makubiti makumi manna pakureɓa, namakumi matatu pakufara; awa manna pamakona akaŋga akaenzana.

²³Mukati mawo makaŋga munecidziro kumatiʋi ose, cakaŋga cakakomberedza iwo manna, ʋuye pakaŋga paneɀoto ɀokuɓikira munyasi mecidziro kumatiʋi ose.

²⁴Ɀino akati kwandiri: Idzi ndidzo dzimba dzokuɓikira, panofanira kuɓikirwa ɀiɓayiro ɀaʋanhu naʋanoshumira paimba.