Read Original Shona Union Bible 1949 Baiberi Magwaro Matȿene aMŋari Ezekieri 7 Bible Online

Ezekieri 7 - Original Shona Union Bible 1949 Baiberi Magwaro Matȿene aMŋari bible

Ezekieri 7

¹Ɀino shoko raJehova rakaȿika kwandiri, riciti:

²Iwe, mŋanakomana womunhu, ɀanzi naShe Jehova kunyika yaIsraeri: Kuguma, kuguma kwaȿika pamakona manna enyika.

³Ɀino kuguma kwaȿika kwauri, ini ndicatuma kutsamŋa kwaŋgu pamsoro pako, ndicakutoŋga ɀakafanira nzira dzako; ndicaʋuyisa pamsoro pako ɀinonyaŋgadza ɀako ɀose.

⁴Ziso raŋgu hariŋgakupembedzi, handiŋgaʋi netsitsi ʋo; asi ndicaʋuyisa nzira dzako pamsoro pako, neɀinonyaŋgadza ɀako ɀicaʋa pakati pako; ɀino mucaziʋa kuti ndini Jehova.

⁵Ɀanzi naShe Jehova: Njodzi, njodzi imŋe cete, tarirai, inoʋuya.

⁶Kuguma kwaȿika, kuguma kwaȿika; kunokumukira maŋgwanani; tarirai, kwaȿika.

⁷Dzoro rako raȿika, iwe ugere panyika; ŋguʋa yaȿika, zuʋa raʋa pedyo, zuʋa reɓope, risati riri rokupururudza pamsoro pamakomo.

⁸Ɀino ndobva ndoɗururira hasha dzaŋgu pamsoro pako, ndicapedza kutsamŋa kwaŋgu pamsoro pako, nokukutoŋga ɀakafanira nzira dzako; ndicaʋuyisa ɀinonyaŋgadza ɀako ɀose pamsoro pako.

⁹Ziso raŋgu hariŋgapembedzi, handiŋgaʋi netsitsi ʋo; ndicaʋuyisa pamsoro pako ɀakafanira nzira dzako; ɀinonyaŋgadza ɀako ɀicaʋa pakati pako; ɀino mucaziʋa kuti ini Jehova ndinoroʋa.

¹⁰Tarirai zuʋa, tarirai roȿika; dzoro rako raɓuɗa; shamhu yatumbuka, kuɀikudza kwaɓukira.

¹¹Kuita nesimba kwamuka, kwaita shamhu yeɀakashata; hakunacicasara kwaʋari, kana paʋanhu ʋaʋo ʋazhinji, kana pafuma yaʋo; hakuŋgaʋi necinhu cakanaka pakati paʋo.

¹²Ŋguʋa yaȿika, zuʋa raʋa pedyo; muteŋgi ŋgaarege kufara, muteŋgesi ŋgaarege kucema; nokuti kutsamŋa kuri pamsoro paʋanhu ʋose ʋenyika.

¹³Nokuti muteŋgesi haaŋgadzokeri kunecakateŋgeswa, kunyaŋge ʋaciri ʋapenyu; nokuti ɀakaʋonekwa pamsoro paʋazhinji ʋose ʋenyika haɀiŋgadzoswi; hakuna‐uŋgaɀisimbisa neɀakaipa ɀiri pamugarire wake.

¹⁴Ʋakaridza hwamanda, ʋakagadzira ɀose, asi hakunaunoenda kundorwa; nokuti kutsamŋa kwaŋgu kuri pamsoro paʋazhinji ʋose ʋenyika.

¹⁵Munondo uri kunze, hosha yakaipa nenzara ɀiri mukati; uri kusaŋgo ucaʋurawa nomunondo; uri muguta ucapedzwa nenzara nehosha yakaipa.

¹⁶Asi ʋanopukunyuka pakati paʋo ʋacapukunyuka; ʋacaʋa pamakomo senjiʋa dzemipata, ʋacicema ʋose, mumŋe nomumŋe pamsoro peɀakaipa ɀake.

¹⁷Maʋoko ose acashaiwa simba, mabvi ose acati rukutu semvura.

¹⁸Ʋacaɀisuŋga ɀiʋuno namasaga, ʋacafukidzwa nokutya kukuru, kunyara kucaʋa paɀiso ɀose, nemhazha pamisoro yaʋo yose.

¹⁹Ʋacarasha sirveri yaʋo panzira dzomumusha, nendarama yaʋo icaʋa secinhu cisino‐kunaka; sirveri yaʋo nendarama yaʋo haɀiŋgagoni kuʋarwira nezuʋa rokutsamŋa kwaJehova; haɀiŋgagutisi mŋeya yaʋo kana kuzadza ʋura bgaʋo, nokuti ndico caiʋa cigumbuso ceɀakaipa ɀaʋo.

²⁰Kana ʋuri ʋukomba bgaʋo bgakanaka, ʋakaita manyawi naɀo; asi ʋakaita naɀo ɀifananidzo ɀeɀinonyaŋgadza ɀaʋo neɀeɀinosemesa ɀaʋo; naiɀoɀo ndakaciita kwaʋari secinhu cisino‐kunaka.

²¹Ndicaciisa mumaʋoko aʋatorwa ciʋe cinhu cakatapxa, nokunaʋakaipa ʋenyika ciʋe cinhu cakapambga, iʋo ʋacaciȿiɓisa.

²²Ndicaramba ʋo kuʋatarira neciso caŋgu, ʋacaȿiɓisa fuma yaŋgu; mbava dzicapinda’mo, dziciiȿiɓisa.

²³Itai ketani, nokuti nyika izere nemhaka dzeropa, guta rizere nokuita nesimba.

²⁴Naiɀoɀo ndicaʋuyisa marudzi akanyanya kuipa kwaɀo, iʋo ʋacatora dzimba dzaʋo; ndicagumisa ʋo manyawi aʋanesimba, nenɀimbo dzaʋo tȿene dzicaȿiɓiswa.

²⁵Njodzi inoʋuya; ʋacatȿaka rugare, asi haruŋgaʋi’po.

²⁶Njodzi icateʋerwa nenjodzi, guhu ricateʋerwa neguhu; ʋacandotȿaka kumuprofita ɀaakaʋona, asi murairo ucanyaŋgarikira muprista, namano acashaikwa kuʋakuru.

²⁷Mambo ucacema, mucinda ucafuka kuparadza, namaʋoko aʋanhu ʋenyika acakaŋganiswa; ndicaʋaitira ɀakafanira nzira dzaʋo, ndicaʋatoŋga seɀaʋakafanira; ɀino ʋacaziʋa kuti ndini Jehova.