Read Original Shona Union Bible 1949 Baiberi Magwaro Matȿene aMŋari Ezekieri 9 Bible Online

Ezekieri 9 - Original Shona Union Bible 1949 Baiberi Magwaro Matȿene aMŋari bible

Ezekieri 9

¹Ipapo akaɗanidzira munzeʋe dzaŋgu nenzwi guru, aciti: Sweɗedzai ʋatariri ʋeguta, mumŋe nomumŋe anenhumbi yake yokuparadza muruʋoko rwake.

²Ɀino tarira, ʋarume ʋatanhatu ʋakabva nenzira yesuʋo rokumsoro, riri kurutiʋi rwokumsoro, mumŋe nomumŋe anehubga yake muruʋoko rwake, nomumŋe murume pakati paʋo akafuka muceka, anorunyaŋga rweiŋgi rwomunyori paciʋuno cake. Ʋakapinda, ʋakandomira parutiʋi rweartari yendarira.

³Ɀino kubginya kwaMŋari waIsraeri kwakaŋga kwakwira kucibva pakerubi, pakwakaŋga kuri, kukaȿika kucikumbaridzo ceimba; akaɗana murume wakaŋga akafuka muceka, wakaŋga anorunyaŋga rweiŋgi rwomunyori paciʋuno cake.

⁴Jehova akati kwaari: Pfuʋura napakati peguta, napakati peJerusarema, uise ciratidzo pahuma dzaʋanhu ʋanogomera nokucema pamsoro peɀinonyaŋgadza ɀose ɀinoitwa mukati maro.

⁵Asi kunaʋamŋe wakati, ini ndiciɀinzwa: Pfuʋurai nomuguta mucimuteʋera, muʋuraye; ziso renyu ŋgarirege kupembedza, musaʋa netsitsi;

⁶ʋurayai cose ʋatana namajaya nemhandara naʋanana naʋakadzi; asi regai kusweɗera kunomumŋe uneciratidzo; mutaŋge panɀimbo yaŋgu tȿene. Ipapo ʋakataŋga naʋatana ʋakaŋga ʋari pamberi peimba.

⁷Akati kwaʋari: Ȿiɓisai imba, muzadze maʋazhe naʋakaʋurawa; ciɓuɗai. Ʋakaɓuɗa, ʋakaʋuraya muguta.

⁸Ɀino ʋakati ʋaciʋuraya, ini ndasiyiwa ndiri ndoga, ndikawira pasi neciso caŋgu, ndikacema, ndiciti: Haiwa, Ishe Jehova! Ko moparadza ʋose ʋakasara ʋaIsraeri pakuɗurura kwenyu hasha dzenyu pamsoro peJerusarema here?

⁹Ipapo akati kwandiri: Ɀakaipa ɀeimba yaIsraeri naJuda ɀakakura kwaɀo, nyika izere neropa, neguta rizere neɀisakarurama; nokuti ʋanoti: Jehova wakabva panyika, Jehova haaʋoni.

¹⁰Neni, kana ndirini, ziso raŋgu hariŋgapembedzi, handiŋgaʋi netsitsi, asi ndicaʋuyisa ɀaʋakaita pamisoro yaʋo.

¹¹Ɀino tarira, murume wakaŋga akafuka muceka, wakaŋga anorunyaŋga rweiŋgi paciʋuno cake, wakadzoka neshoko, akati: Ndaita seɀamakandiraira.