Read Original Shona Union Bible 1949 Baiberi Magwaro Matȿene aMŋari Danieri 1 Bible Online

Danieri 1 - Original Shona Union Bible 1949 Baiberi Magwaro Matȿene aMŋari bible

Danieri 1

¹Negore recitatata ʋushe kwaJehoiakimo waJuda, Nebukadnezari mambo weBabironi, wakaȿika Jerusarema, akarikomba.

²Ishe akaisa Jehoiakimi mambo waJuda muruʋoko rwake, pamŋe cete nedzimŋe nhumbi dzeimba yaMŋari, iye akaenda nadzo kunyika yeShinari, kuimba yamŋari wake, akaisa nhumbi muimba yokuceŋgeta fuma yamŋari wake.

³Mambo akaʋudza Ashpenazi, mutariri waʋaranda ʋake, kuti aʋuye naʋamŋe ʋana ʋaIsraeri, ʋorudzi rwamambo norwamacinda;

⁴majaya akaŋga asinemhoȿa, asi akaŋga akanaka pameso, akacenjera panjere dzose, akaŋgwara pakuziʋa, nokunzwisisa ʋucenjeri bgose, akaŋga akakwana kumira mumba mamambo; ʋuye kuti aʋadzidzise magwaro norurimi rwaʋaKardea.

⁵Mambo akaraira kuti ʋapiwe mumŋe mugoʋe weɀokudya ɀamambo zuʋa rimŋe nerimŋe, nowewaini yaainwa, ʋuye kuti ʋaceŋgetwe makore matatu, kuti kana apera ʋagomira pamberi pamambo.

⁶Ɀino pakati paʋo pakaŋga panaDanieri naHanania naMishaeri naAzaria, ʋari ʋana ʋaJuda.

⁷Mucinda waʋaranda akaʋatumidza mazita, Danieri akamutumidza zita rinonzi Berteshazari, naHanania rinonzi Shadraki, naMishaeri rinonzi Meshaki, naAzaria rinonzi Abedi‐nego.

⁸Asi Danieri wakaɀisuŋga mumŋoyo make kuti haaŋgaɀiȿiɓisi neɀokudya ɀamambo kana newaini yaainwa; saka wakakumbira kunomucinda waʋaranda kuti arege kuɀiȿiɓisa.

⁹Ɀino Mŋari wakanzwisa Danieri ʋunyoro netsitsi pamberi pomucinda waʋaranda.

¹⁰Mucinda waʋaranda akati kunaDanieri: Ndinotya ishe waŋgu mambo, wakaraira ɀamunofanira kudya nokunwa; nokuti ucaʋonereiko ɀiso ɀenyu ɀakawonda kupfuʋura ɀamajaya ezero renyu? Kana ɀakaɗaro mucaparisa musoro waŋgu mhoȿa kunamambo.

¹¹Ipapo Danieri akati kumutariri wakaŋga arairwa nomucinda waʋaranda kuceŋgeta Danieri naHanania naMishaeri naAzaria:

¹²Ƌoidzai henyu ʋaranda ʋenyu mazuʋa anegumi; ŋgaʋatipei miriʋo tidye, nemvura tinwe.

¹³Ipapo muŋgacerekedza ɀiso ɀeɗu neɀiso ɀamajaya anodya ɀokudya ɀamambo, mugoita naʋaranda ʋenyu seɀamunoʋona.

¹⁴Naiɀoɀo wakatenda shoko raʋo pamsoro pecinhu ici, akaʋaidza mazuʋa anegumi.

¹⁵Mazuʋa anegumi akati apera ɀiso ɀaʋo ɀikaʋonekwa kuti ɀakanaka, nemiʋiri yaʋo yakakura, ʋacipfuʋura majaya ose aidya ɀokudya ɀamambo.

¹⁶Naiɀoɀo mutariri wakabvisa ɀokudya ɀaʋo ɀamambo, newaini yaʋakanzi ʋanwe, akaʋapa miriʋo.

¹⁷Ɀino kana ari majaya awa manna, Mŋari wakaʋapa ziʋo nokuŋgwara pamagwaro ose noʋucenjeri bgose; asi Danieri wakaŋga acigona kunzwisisa ɀose ɀairatidzwa naMŋari neɀairotwa.

¹⁸Ɀino mazuʋa akati apera akaŋga atarwa namambo okuti ʋaʋuyiswe nawo, mucinda waʋaranda akapinda naʋo pamberi paNebukadnezari.

¹⁹Mambo akataurirana naʋo, pakati paʋose kukasawanikwa ʋakaŋga ʋakafanana naDanieri naHanania naMishaeri naAzaria; saka iʋo ʋakamira pamberi pamambo.

²⁰Pamashoko ose oʋucenjeri nookunzwisisa, aʋaivunzwa namambo, wakawana kuti iʋo ʋaipfuʋura kagumi ʋacenjeri ʋose neŋaŋga dzose dzaiʋa paʋushe bgake.

²¹Danieri akaramba ari’po kuȿikira pagore rokutaŋga ramambo Koreshi.