Read Original Shona Union Bible 1949 Baiberi Magwaro Matȿene aMŋari Danieri 10 Bible Online

Danieri 10 - Original Shona Union Bible 1949 Baiberi Magwaro Matȿene aMŋari bible

Danieri 10

¹Negore recitatu raKoreshi mambo wePersia, cimŋe cinhu cakaratidzwa Danieri, wainzi Berteshazari; cinhu ico cakaŋga ciri caɀokwaɗi, ciri cokurwa kukuru; akanzwisisa cinhu ico, nokuziʋa kuɗudzirwa kweɀaakaratidzwa.

²Namazuʋa iwayo ini Danieri ndakaŋga ndicicema viki nhatu dzose.

³Ndakaŋga ndisiŋgadyi ɀokudya ɀinozipa, kunyaŋge nenyama newaini haɀina‐kupinda mumuromo maŋgu, ʋuye handina‐kutoŋgozora mafuta kuȿikira viki nhatu dzose dzapera.

⁴Ɀino nezuʋa ramakumi maʋiri namanna romŋedzi wokutaŋga, ndakati ndiri pamhenderekedzo yorwizi rukuru, irwo Hidekeri,

⁵ndikarinzira meso aŋgu, ndikatarira, ndikaʋona murume akapfeka muceka, akasuŋgwa ciʋuno cake nendarama yakaiȿo‐naka yeUfazi;

⁶muʋiri wake wakaŋga wakaita seberiri, ciso cake cakapenya semheni, meso ake akapfuta samazhenje, maʋoko ake netsoka dzake ɀakaŋga ɀakafanana nendarira yakakweshwa, ʋuye kutinhira kwamashoko ake kwakaita sokutinhira kwaʋazhinji.

⁷Ɀino ini Danieri ndakaʋona iɀo ɀakaratidzwa ini ndoga; nokuti ʋarume ʋakaŋga ʋaneni haʋana‐kuʋona ɀakaratidzwa; asi ʋakaɓatwa nokuɗeɗera kukuru, ʋakatiza kundoʋanda.

⁸Ini ndikasiyiwa ndiri ndoga, ndikaʋona cinhu ici cikuru candakaratidzwa, ndikapererwa nesimba; nokuti kunaka kweciso caŋgu kwakashanduka kuipa mukati maŋgu, ndikasazoʋa nesimba.

⁹Kunyaŋge ɀakaɗaro ndakanzwa kutinhira kwamashoko ake; ɀino ndakati ndicinzwa kutinhira kwamashoko ake, ndikaɓatwa nehope kwaɀo ndiʋete paciso caŋgu, ciso caŋgu cakatarira pasi.

¹⁰Ipapo tarira, ruʋoko rwakandiɓata, rukandimisa namabvi aŋgu neɀanza ɀamaʋoko aŋgu ndicidzedzereka.

¹¹Akati kwandiri: Iwe Danieri, murume unoɗikanwa kwaɀo, cinzwisisa mashoko andinotaura kwauri, umire kwaɀo; nokuti ndatumŋa kwauri iwe ɀino. Wakati ataura shoko iro kwandiri, ndikamira ndiciɗeɗera.

¹²Ipapo akati kwandiri: Usatya Danieri, nokuti kubva pazuʋa rokutaŋga rawakafuŋga nomŋoyo wako wose kunzwisisa nokuɀininipisa pamberi paMŋari wako, mashoko ako akanzwika; ndaʋuya nokuɗa kwamashoko ako.

¹³Asi mucinda woʋushe bgaʋaPersia wakandidziʋisa mazuʋa anamakumi maʋiri nerimŋe; asi tarira, Mikaeri, mumŋe wamacinda makuru, wakaʋuya kuzondiɓatsira, ndikasara’ko kunamadzimambo aʋaPersia.

¹⁴Ɀino ndaʋuya kuzokuziʋisa ɀicaitirwa ʋanhu ʋako namazuʋa okupedzisira; nokuti ɀawakaratidzwa ndeɀamazuʋa mazhinji aci’ko.

¹⁵Ɀino wakati ataura neni namashoko iwayo, ndikaramba ndakatarira pasi neciso caŋgu, ndikashaiwa shoko.

¹⁶Ipapo tarira, mumŋe wakafanana naʋanakomana ʋaʋanhu akagunɀa miromo yaŋgu; ɀino ndikashamisa muromo waŋgu, ndikataura, ndikati kunaiye wakaŋga amire pamberi paŋgu: Haiwa, ishe waŋgu, ndaɓatwa nokutya kukuru, handicinesimba nokuɗa kweɀandakaratidzwa.

¹⁷Nokuti muranda washe waŋgu uyu uŋgataura seiko nashe waŋgu uyu? Nokuti kana ndiri’ni, pakarepo ndakasara ndisinesimba, ʋuye ndakaŋga ndisisina‐mŋeya mukati maŋgu.

¹⁸Ipapo mumŋe wakafanana nomunhu wakandiɓata ɀe, akandisimbisa.

¹⁹Akati: Iwe murume unoɗikanwa kwaɀo, usatya hako; rugare ruʋe newe, iʋa nesimba, iʋa nesimba. Ɀino wakati acitaura neni, ndikasimbiswa, ndikati: Ishe waŋgu ŋgaataure hake, nokuti makandisimbisa.

²⁰Ɀino akati: Unoziʋa candakaʋuyira kwauri here? Ɀino ndicadzokera kundorwa nomucinda wePersia; kana ndabva’po, tarira, mucinda weGirisi ucaʋuya.

²¹Asi ndicakuʋudza ɀakanyorwa murugwaro rwaɀokwaɗi; asi hakuna‐unoɀisimbisa kundorwa naʋaʋa pamŋe cete neni, asi Mikaeri mucinda wenyu.