Read Original Shona Union Bible 1949 Baiberi Magwaro Matȿene aMŋari Danieri 11 Bible Online

Danieri 11 - Original Shona Union Bible 1949 Baiberi Magwaro Matȿene aMŋari bible

Danieri 11

¹Kana ndiri’ni, negore rokutaŋga raDariusi muMedia, ini ndakasimuka kundomutsigira nokumusimbisa.

²Ɀino ndicakuziʋisa ɀokwaɗi. Tarira, paPersia pacamuka ɀe madzimambo matatu; wecinna ucaʋa mufumi kupfuʋura iʋaʋo ʋose; ɀino kana asimba kwaɀo nefuma yake, ucamutsa ʋamŋe ʋose kuzorwa noʋushe bgeGirisi.

³Ɀino mambo unesimba ucamuka, ucaɓata ʋushe nesimba guru, aciita seɀaanoɗa.

⁴Kana amuka, ʋushe bgake ʋucaputswa, ndokuparadzirwa kumhepo inna dzokuɗeŋga, asi haʋuŋgaendi kuʋazukuru ʋake, ʋuye haʋuŋgaenzani nesimba raakaɓata naro iye; nokuti ʋushe bgake ʋucadzurwa, ndokupiwa ʋamŋe kunze kwaiʋaʋo.

⁵Mambo wezasi ucaʋa nesimba, nomumŋe wamacinda ake; ɀino iye ucamupfuʋura nesimba, ndokuɓata ʋushe; ʋushe bgake ʋucaʋa ʋushe ʋukuru.

⁶Kana mamŋe makore apfuʋura, ʋacaita suŋgano; mukunda wamambo wezasi ucaenda kunamambo wokumsoro kuzotȿaka suŋgano, asi iye mukunda haaŋgarambi anesimba roruʋoko rwake; kunyaŋge naiye mambo haaŋgamiri, nesimba roruʋoko rwake; asi mukunda, naʋakaʋuya naye, naiye wakamuɓereka, naiye wakamusimbisa neŋguʋa idzo ʋacaiswa kukuparadzwa.

⁷Asi paɓukira remidzi yake mumŋe ucamuka panɀimbo yake; iye ucarwa nehondo, ndokupinda munhare yamambo wokumsoro, ucarwa naʋo nokuʋakunda.

⁸Ucatapa ʋo ʋamŋari ʋaʋo, pamŋe cete nemifananidzo yaʋo yakaʋumbga, nemidziyo yaʋo yakanaka yesirveri nendarama, acindoɀiisa Egipita; ipapo ucarega mambo wokumsoro mamŋe makore.

⁹Ucapinda ʋo muʋushe bgamambo wezasi, asi ucazodzokera kunyika yake.

¹⁰Ʋanakomana ʋake ʋacandorwa, ʋacaʋuŋganidza ɓoka guru raʋarwi, ricaʋuya, nokupararira, ndokupfuʋura neseri; ipapo ricadzoka ndokuzorwa kuȿikira panhare yake.

¹¹Ɀino mambo wezasi ucatsamŋa, ucandorwa naye, naiye mambo wokumsoro; asi iye ucakokera ɓoka guru, ɓoka iro ricaiswa mumaʋoko ake.

¹²Ƃoka iro ricatapxa, ɀino mŋoyo wake ucaɀikudza; ucaparadza ʋanamakumi eɀuru, asi haaŋgakundi.

¹³Ɀino mambo wokumsoro ucadzoka, ndokukokera ɓoka guru kunerokutaŋga; ucaʋuya pakupera kweŋguʋa dziya, dziya dzamakore, anehondo huru nenhumbi zhinji.

¹⁴Neŋguʋa idzo ʋazhinji ʋacamukira mambo wezasi; ʋuye ʋana ʋaʋanopeŋga pakati paʋanhu ʋako ʋacaɀikudza, kuti ʋasimbise ɀawakaratidzwa; asi ʋacaparadzwa.

¹⁵Ɀino mambo wokumsoro ucaȿika, ndokuʋatutira murwi wokurwa, ndokukunda guta rakaʋakirwa kwaɀo; hondo dzezasi hadziŋgagoni kumira, kunyaŋge naʋanhu ʋake ʋakatsaurwa, ʋuye ʋacashaiwa simba rokumira naro.

¹⁶Asi uyo unoʋuya kuzorwa naye ucaita seɀaanoɗa, hakuna‐uŋgamira pamberi pake; ɀino iye ucamira panyika yakaiȿo‐naka, akaɓata kuparadza muruʋoko rwake.

¹⁷Ipapo ucashiŋgaira kuʋuya nesimba roʋushe bgake bgose, anesuŋgano yake; ucaita iɀoɀo, ucamupa mŋanasikana waʋakadzi, kuti amuparadze; asi ɀicakona, haana‐caacawana.

¹⁸Shure kwaiɀoɀo ucarinzira ciso cake kuɀiwi, ndokukunda ɀizhinji; asi mumŋe mukuru wehondo ucagumisa kushoʋora kwake; ucadzosera kushoʋora kwake kunaiye amene.

¹⁹Ipapo ucarinzira ciso cake kunhare dzenyika yake; asi ucagumburwa nokuwa, ndokushaikwa.

²⁰Ɀino panɀimbo yake kucamuka mumŋe ucatuma muteresi kupfuʋura napakaiȿo‐naka paʋushe bgake, asi kana mazuʋa mashoma apera ucaparadzwa, ɀisiŋgaitwi nokutsamŋa kana nokurwa.

²¹Panɀimbo yake kucamuka munhu unofanira kuɀidzwa, wakaŋga asinokupiwa kukudzwa kwoʋushe; asi iye ucaȿika neŋguʋa yokufara kwaʋanhu, ndokutora ʋushe nokuɓata kumeso.

²²Hondo dzinokukura dzicakukurwa pamberi pake, dzicaparadzwa; ɀirokwaɀo, naiye mucinda wesuŋgano ʋo.

²³Kana apedza kuita suŋgano naʋo, ucaʋanyeŋgera; nokuti ucakwirira, nokuʋanesimba naʋanhu ʋashoma.

²⁴Neŋguʋa yokufara kwaʋanhu ucapinda pamatiʋi akaʋorera enyika; ucaita ɀisino‐kumboitwa namadziɓaɓa ake, kunyaŋge namadziɓaɓa amadziɓaɓa ake; ucaparadzira pakati paʋo ɀaakatapa neɀaakapamba nenhumbi; ucatanda mano ake pamsoro penhare, asi neŋguʋa ɓedzi.

²⁵Ipapo ucamutsira mambo wezasi simba rake nomŋoyo wake, anehondo huru; mambo wezasi ucarwa anehondo huru kwaɀo inesimba; asi haaŋgamiri, nokuti ʋacamutandira mano.

²⁶Ʋanodya ɀokudya ɀake, ndiʋo ʋacamuparadza; hondo yake icapararira, ʋazhinji ʋacawira pasi ʋaʋurawa.

²⁷Kana ari madzimambo awo maʋiri, mŋoyo yaʋo icaɗa kuita ɀakashata, ʋacareʋa nhema ʋari patafura rimŋe; asi haɀiŋgaɓatsiri, nokuti kuguma kucaȿika neŋguʋa yakatarwa.

²⁸Ipapo ucadzokera kunyika yake nenhumbi zhinji; mŋoyo wake ucaʋeŋga suŋgano, ucaita seɀaanoɗa, ndokudzokera kunyika yake.

²⁹Neŋguʋa yakatarwa ucadzoka, ndokuȿika kunyika yezasi; asi neŋguʋa yokupedzisira haɀiŋgaiti sapakutaŋga.

³⁰Nokuti ɀikepe ɀeKitimi ɀicaʋuya kuzorwa naye; naiɀoɀo ucaʋora mŋoyo, ndokudzoka akatsamŋa pamsoro pesuŋgano, ndokuita seɀaanoɗa; ucadzoka, ndokuʋa nehanya naʋakaramba suŋgano tȿene.

³¹Hondo dzicamutswa naye, dzicamhura nɀimbo tȿene, iyo nhare, ʋacabvisa cipiriso cinopiswa ŋguʋa dzose, ndokumutsa cinonyaŋgadza cinoparadza.

³²Ʋanoitira suŋgano ɀakaipa, ucaʋatsausa nokuɓata kumeso; asi ʋanhu ʋanoziʋa Mŋari waʋo, ʋacaʋa nesimba, ʋacaita maɓasa makuru.

³³Ʋakacenjera pakati paʋanhu ʋacadzidzisa ʋazhinji; asi ʋacaparadzwa nomunondo, ʋuye nomuraɀo womŋoto, ʋuye nokutapxa, ʋuye nokupambga mazuʋa mazhinji.

³⁴Ɀino kana ʋoparadzwa ʋacaɓatsirwa nokuɓatsirwa kuɗuku; asi ʋazhinji ʋacaɀiisa kwaʋari nokuɓata kumeso.

³⁵Ʋamŋe ʋaʋo ʋakacenjera ʋacaparadzwa, kuti ʋaidzwe, ʋanatswe, ʋaceneswe, kuȿikira kuŋguʋa yokupedzisira; nokuti ŋguʋa yokupedzisira icigere kuȿika.

³⁶Mambo uyo ucaita seɀaanoɗa; ucaɀiita mukuru, ucaɀikudza aciti ndinopfuʋura ʋamŋari ʋose, ucataura ɀinhu ɀinoshamisa pamsoro paMŋari waʋamŋari; iye ucafara paneɀaanoita kuȿikira kutsamŋa kwapera, nokuti ɀakatemŋa ɀicaitika.

³⁷Ʋuye haaŋgaʋi nehanya naʋamŋari ʋamadziɓaɓa ake, kana noruɗo rwaʋakadzi, haaŋgaʋi nehanya namŋari upi noupi; nokuti ucaɀikudza aciti ndakapfuʋura ʋose.

³⁸Asi panɀimbo yaɀo ucakudza mŋari wenhare; mŋari wakaŋga asiŋgazikanwi namadziɓaɓa ake, ndiye waacakudza nendarama nesirveri namabge anokosha neɀinhu ɀinoɗikanwa.

³⁹Ucarwa nenhare dzakaiȿo‐ɓata aciɓatsirwa namŋari waʋatorwa; aninani unoɗikanwa naye, iye ucakudzwa naye ɀikuru; ucaʋaɓatisa ʋushe pamsoro paʋanhu ʋazhinji, aciʋagoʋera nyika uʋe muɓairo waʋo.

⁴⁰Ɀino neŋguʋa yokupedzisira mambo wezasi ucapesana naye; mambo wokumsoro ucaʋuya kuzorwa naye secampupuri, aneŋgoro naʋataȿi ʋamabiza neɀikepe ɀizhinji; ucapinda munyika idzo, ndokupararira, ndokupfuʋura neseri.

⁴¹Ucapinda ʋo munyika yakaiȿo‐naka, nyika zhinji dzicakundwa, asi idzi dzicarwirwa paruʋoko rwake, dzinoti Edomi, neMoabi norutiʋi rwakanaka rwaʋana ʋaAmoni.

⁴²Ucatambanudzira ʋo ruʋoko rwake kunedzimŋe nyika; nyika yeEgipita haiŋgapukunyuki.

⁴³Asi ucaʋa unesimba pamsoro pefuma yendarama nesirveri, napamsoro peɀinhu ɀose ɀinokosha ɀeEgipita; ʋaRibia naʋaEtiopia ʋacateʋera makwara ake.

⁴⁴Asi mashoko anobva kumabvazuʋa nokumsoro acamuvundusa; ipapo ucaɓuɗa nehasha kwaɀo kundoparadza nokupedza cose ʋazhinji.

⁴⁵Ucadzika matente ake oʋushe pakati peguŋgwa negomo dɀene rakaiȿo‐naka; kunyaŋge ɀakaɗaro ucaȿika pakuguma kwake, ucashaiwa unomuɓatsira.