Read Original Shona Union Bible 1949 Baiberi Magwaro Matȿene aMŋari Danieri 5 Bible Online

Danieri 5 - Original Shona Union Bible 1949 Baiberi Magwaro Matȿene aMŋari bible

Danieri 5

¹Ɀino mambo Bershazari wakaitira madzishe ake anecuru cezana mutambo mukuru, akanwa waini pamberi paiʋo ʋanecuru cezana.

²Ɀino Bershazari, wakati aɓatwa newaini, akaraira kuti ʋaʋuye nemidziyo yendarama nesirveri, yakaŋga yabviswa naɓaɓa ʋake Nebukadnezari patembere yaiʋa paJerusarema, kuti iye mambo namadzishe ake naʋakadzi ʋake naʋaroŋgo ʋake ʋanwe nayo.

³Ipapo ʋakaʋuya nemidziyo yendarama yakaŋga yabviswa patembere yeimba yaMŋari yaiʋa paJerusarema; iye mambo namadzishe ake naʋakadzi ʋake naʋaroŋgo ʋake ʋakanwa nayo.

⁴Ʋakanwa waini, ʋakarumbidza ʋamŋari ʋendarama nesirveri nendarira neɗare namatanda namabge.

⁵Ɀino neŋguʋa iyeyo minwe yoruʋoko rwomunhu yakaʋuya ikanyora pakatarisana necigadziko comŋenje pasuko ramadziro eimba yamambo, mambo akaʋona canza coruʋoko rwakaŋga rucinyora.

⁶Ipapo ciso camambo cakashanduka maari, pfuŋgwa dzake dzikatambudzwa, ɀifundo ɀeciʋuno cake ɀikasunuŋguka, mabvi ake akaroʋana.

⁷Mambo akaɗanidzira aciti ʋaʋuye neŋaŋga naʋaKardea naʋafemberi. Mambo akataura akati kunaʋakacenjera ʋeBabironi: Aninani uŋgaraʋa iɀi ɀakanyorwa, akandiziʋisa kuɗudzirwa kwaɀo, ucafukidzwa ŋguʋo tȿuku, nokushoŋgedzwa ʋuketani bgendarama pamutsipa wake, ʋuye ucaʋa muɓati wecitatu paʋushe bgaŋgu.

⁸Ipapo ʋakacenjera ʋose ʋamambo ʋakapinda, asi ʋakaŋga ʋasiŋgagoni kuraʋa ɀakanyorwa, kana kuziʋisa mambo kuɗudzirwa kwaɀo.

⁹Ɀino mambo Bershazari akatambudzika kwaɀo, ciso cake cikashanduka maari, namadzishe ake akakaŋganiswa.

¹⁰Ipapo ʋahosi ʋakapinda muimba yomutambo, nokuɗa kwamashoko amambo naamadzishe ake; ʋahosi ʋakataura, ʋakati: Imi mambo, raramai nokusiŋgaperi; pfuŋgwa dzenyu ŋgadzirege kukutambudzai, ciso cenyu ŋgacirege kushanduka.

¹¹Muʋushe bgenyu munomurume, unomŋeya waʋamŋari ʋatȿene mukati make; pamazuʋa aɓaɓa ʋenyu ciedza neziʋo nenjere, ɀakafanana nenjere dzaʋamŋari, ɀakawanikwa maari; mambo Nebukadnezari, ɓaɓa ʋenyu, iʋo mambo, ɓaɓa ʋenyu, ʋakamuita mukuru waʋacenjeri neŋaŋga naʋaKardea naʋafemberi;

¹²nokuti kunaDanieri, wakatumidzwa Berteshazari namambo, kwakawanikwa mŋeya wakanaka kwaɀo, neziʋo, nokunzwisisa, nokuɗudzira kurota, nokuɓuɗisa mashoko akaʋanzika, nokusunuŋgura fundo. Ɀino Danieri ŋgaaɗanwe, iye ucakuziʋisai kuɗudzirwa kwaɀo.

¹³Ipapo Danieri akaʋuyiswa pamberi pamambo. Mambo akataura, akati kunaDanieri: Ndiwe uya Danieri, waʋana ʋaJuda ʋakatapxa, wakandotapxa kuʋaJuda naɓaɓa ʋaŋgu here?

¹⁴Ndakanzwa ɀako, kuti mŋeya waʋamŋari uri mukati mako, ʋuye kuti ciedza neziʋo nenjere kwadzo ɀinowanikwa mauri.

¹⁵Ɀino ʋakacenjera, idzo ŋaŋga, ʋakaʋuyiswa pamberi paŋgu, kuti ʋaraʋe ɀakanyorwa iɀi, ʋandiziʋise kuɗudzirwa kwaɀo; asi ʋakakoniwa kundiziʋisa kuɗudzirwa kwecinhu ici.

¹⁶Asi ndakanzwa ɀako, kuti unogona kuɗudzira, nokusunuŋgura fundo; ɀino kana ukagona kuraʋa ɀakanyorwa, nokundiziʋisa kuɗudzirwa kwaɀo, ucafukidzwa ŋguʋo tȿuku, nokushoŋgedzwa ʋuketani bgendarama pamutsipa wako, ʋuye ucaʋa muɓati wecitatu paʋushe bgaŋgu.

¹⁷Ipapo Danieri akapindura, akati pamberi pamambo: Garai henyu neɀipo ɀenyu, ipai henyu mumŋe miɓairo yenyu; kunyaŋge ɀakaɗaro ndicaraʋira mambo ɀakanyorwa, nokumuziʋisa kuɗudzirwa kwaɀo.

¹⁸Imi mambo, Mŋari Wokumsoro‐soro wakapa ɓaɓa ʋenyu Nebukadnezari ʋushe noʋukuru, nembiri noʋumambo;

¹⁹ɀino nokuɗa kwoʋukuru, bgaakamupa, ʋanhu ʋose namarudzi ose namarimi ose ʋakaɗeɗera nokutya pamberi pake; waiʋuraya waaiɗa kuʋuraya, wairaramisa waaiɗa kuraramisa, waikwiridza waaiɗa kukwiridza, nokuɗeredza waaiɗa kuɗeredza.

²⁰Asi mŋoyo wake wakati uciɀikudza, nomŋeya wake uciɀiwomesa, kuȿikira aciita manyawi, wakabviswa pacigaro cake coʋushe, ʋakamutorera kubginya kwake;

²¹akadziŋgwa pakati paʋanakomana ʋaʋanhu, mŋoyo wake ukaitwa sowemhuka, akandogara nembizi, akadyiswa ʋuswa senzombe, muʋiri wake ukanyoroʋeswa neɗoʋa rokuɗeŋga, kuȿikira aziʋa kuti Mŋari Wokumsoro‐soro unoɓata ʋushe pakati paʋanhu, aciʋupa waanoɗa.

²²Asi imi Bershazari mŋanakomana wake, hamuna‐kuɀininipisa nomŋoyo wenyu, kunyaŋge makaŋga muciɀiziʋa ɀose,

²³asi makaɀikudza pamberi paShe wokuɗeŋga; midziyo yeimba yake yakaʋuyiswa pamberi penyu, imi namadzishe enyu naʋakadzi ʋenyu naʋaroŋgo ʋenyu mukanwa waini nayo; makarumbidza ʋamŋari ʋesirveri nendarama neɗare namatanda namabge, ɀisiŋgaʋoni kana kunzwa kana kuziʋa; asi iye Mŋari, wakaɓata mŋeya wenyu muruʋoko rwake, unoziʋa nzira dzenyu dzose, hamuna‐kumukudza iye.

²⁴Naiɀoɀo canza coruʋoko cakatumŋa cicibva kwaari, ɀakanyorwa iɀi ɀikanyorwa.

²⁵Ɀino ɀakanyorwa ndiɀeɀi: MENE, MENE, TEKERE, UFARSINI.

²⁶Kuɗudzirwa kwecinhu ici, ndikoku: MENE, Mŋari wakaʋereŋga mazuʋa oʋushe bgenyu, akaʋugumisa.

²⁷TEKERI, iwe wayerwa paciyero, ukawanikwa wakareruka.

²⁸PERESI, ʋushe bgako bgakamurwa, bgapiwa ʋaMedia naʋaPersia.

²⁹Ipapo Bershazari akaraira, ʋakafukidza Danieri ŋguʋo tȿuku ʋakamushoŋgedza ʋuketani bgendarama pamutsipa wake, akaparidza pamsoro pake kuti aʋe muɓati wecitatu paʋushe bgake.

³⁰Noʋusiku ubgo mambo Bershazari muKardea wakaʋurawa.

³¹Dariusi muMedia akapiwa ʋushe, anamakore aneŋge makumi matanhatu namaʋiri.