Read Original Shona Union Bible 1949 Baiberi Magwaro Matȿene aMŋari Danieri 7 Bible Online

Danieri 7 - Original Shona Union Bible 1949 Baiberi Magwaro Matȿene aMŋari bible

Danieri 7

¹Negore rokutaŋga raBershazari mambo weBabironi Danieri akarota, akaratidzwa ɀimŋe mumusoro make ari panhoʋo dzake; akanyora ɀaakarota, akaʋudza ʋanhu mashoko makuru aɀo.

²Danieri akataura, akati: Ndakaʋona paneɀandakaratidzwa ʋusiku, tarirai, mhepo inna dzokuɗeŋga dzakamutsa guŋgwa guru.

³Mhuka huru inna dzikakwira dziciɓuɗa muguŋgwa, dzisina‐kufanana.

⁴Yokutaŋga yakaŋga yakafanana neshumba, inamapapiro egondo; ndikaramba ndakatarira kuȿikira mapapiro ayo ataʋurwa, ikasimudzwa icibva panyika, ikamiswa namakumbo maʋiri somunhu, ikapiwa mŋoyo womunhu.

⁵Ndikaʋona ɀe imŋe mhuka, yecipiri, yakafanana neɓere; iyo yakaŋga yakasimudza rumŋe rutiʋi rwayo, ʋuye mumuromo mayo yakaŋga yakaruma mbabvu nhatu pakati pameno ayo; ʋakati kwariri: Simuka, upedze nyama zhinji.

⁶Shure kwaiɀoɀo ndakatarira, ndikaʋona imŋe ɀe, yakafanana neŋgwe, yakaŋga inamapapiro manna pamusana wayo akafanana neeshiri; mhuka iyi yakaŋga inemisoro minna ʋo; ikapiwa simba.

⁷Shure kwaiɀoɀo ndakaʋona paneɀandakaratidzwa ʋusiku, ndikaʋona mhuka yecinna, yaityisa nokuvundusa, inesimba guru kwaɀo; yakaŋga inameno makuru oʋutare; ikapedza, nokuvuna‐vuna, nokupxanya ɀakaŋga ɀasara netsoka dzayo; iyi yakaŋga yakasiyana nemhuka dzose dzakaitaŋgira; yakaŋga inenyaŋga gumi.

⁸Ndikacerekedza nyaŋga, ndikaʋona rumŋe runyaŋga ruciɓuɗa pakati pedzimŋe, ruri ruɗuku, dzimŋe nyaŋga nhatu panedzokutaŋga dzikadzurwa nemidzi yadzo pamberi parwo; ndikaʋona kuti parunyaŋga urwo pakaŋga panameso omunhu, nomuromo wakaŋga ucitaura ɀinhu ɀikuru.

⁹Ndikaramba ndakatarira kuȿikira ɀigaro ɀoʋushe ɀagadzwa’po, mumŋe wakakwegura pamazuʋa ake akagara’po; ŋguʋo yake yakaŋga yakacena secando, ʋuye vudzi romusoro wake rakaŋga rakaita samakushe akanatswa; cigaro cake coʋushe yakaŋga iri miraɀo yomŋoto, makumbo aco uri mŋoto unopfuta.

¹⁰Rwizi rwomŋoto rwakaŋga ruciɓuɗa rucibva pamberi pake; ɀuru neɀuru ɀakaŋga ɀicimuɓatira, ʋuye pamberi pake pakaŋga pamire ɀuru ɀinegumi ɀeɀuru ɀinegumi; kutoŋga kukataŋga, buku dzikazarurwa.

¹¹Ndikaramba ndakatarira neŋguʋa iyo nemhaka yokuɗana kwamashoko makuru akaŋga acitaurwa norunyaŋga; ndikaramba ndakatarira kuȿikira mhuka yaʋurawa, muʋiri wayo uciparadzwa, uciiswa kumŋoto kuti upiswe.

¹²Kana dziri dzimŋe mhuka, dzakatorerwa ʋushe bgadzo, asi ʋupenyu bgadzo bgakawedzerwa kuȿikira nhambo neŋguʋa.

¹³Ndikaʋona paneɀandakaratidzwa ʋusiku, ndikaʋona mumŋe wakafanana nomŋanakomana womunhu aciʋuya namakore okuɗeŋga, akaȿika kunowakakwegura pamazuʋa ake, ʋakamusweɗedza pamberi pake.

¹⁴Akapiwa simba, nokubginya, noʋushe, kuti ʋanhu ʋose namarudzi ose namarimi ose ʋamushumire; simba rake roʋushe isimba risiŋgaperi, risiŋgazopfuʋuri, ʋuye ʋushe bgake haʋuŋgazoparadzwi.

¹⁵Kana ndiri’ni Danieri, mŋeya waŋgu wakatambudzika mukati momuʋiri waŋgu, ʋuye ɀandakaʋona mumusoro maŋgu ɀakandivundusa.

¹⁶Ndikasweɗera kunomumŋe wakaŋga amire’po, ndikamubvunza kuɗudzirwa kwaɀokwaɗi kweɀinhu iɀo ɀose. Akandiʋudza, akandiziʋisa kuɗudzirwa kweɀinhu iɀo.

¹⁷Mhuka idzi huru, idzo inna, ndiwo madzimambo manna acamuka panyika.

¹⁸Asi ʋatȿene ʋoWokumsoro‐soro ʋacapiwa ʋushe, ʋushe ʋucaʋa bgaʋo nokusiŋgaperi‐peri.

¹⁹Ipapo ndakaɗa kuziʋa kuɗudzirwa kwaɀokwaɗi kwemhuka yecinna, yakaŋga yakasiyana nedzimŋe dzose, yakaŋga icityisa ɀikuru, yakaŋga inameso oʋutare, nzara dzayo dziri dzendarira; iyo, yakaŋga yapedza, nokuputsanya, nokupxanya ɀakasara netsoka dzayo;

²⁰ʋuye pamsoro penyaŋga dzinegumi dzakaŋga dziri pamusoro wayo, norumŋe runyaŋga rwakazoɓuɗa, dzimŋe nyaŋga nhatu dzikaparadzwa pamberi parwo, irwo runyaŋga rwakaŋga runameso nomuromo wakaŋga ucitaura ɀinhu ɀikuru, rwakaŋga rwakapfuʋura dzimŋe shamŋari dzarwo paʋukuru.

²¹Ndakatarira, ndikaʋona runyaŋga urwu rucirwa naʋatȿene, nokuʋakunda;

²²kuȿikira wakakwegura pamazuʋa ake aciȿika, ʋatȿene ʋoWokumsoro‐soro ʋakaruramisirwa, ŋguʋa ikaȿika yokuti ʋatȿene ʋapiwe ʋushe.

²³Akati: Mhuka yecinna ʋucaʋa ʋushe bgecinna panyika, ʋucasiyana noʋumŋe ʋushe bgose, ʋucapedza nyika yose, nokuʋupxanya nokuʋuputsanya.

²⁴Kana dziri nyaŋga dzinegumi, paʋushe ubgu pacamuka madzimambo anegumi, asi mumŋe ɀe ucamuka shure kwaʋo; iye ucasiyana naʋamŋe ʋokutaŋga, ucakunda madzimambo matatu.

²⁵Ucataura mashoko okumhura Wokumsoro‐soro, ucaparadza ʋatȿene, ʋuye ucatȿaka mano okushandura ŋguʋa nemirairo; iʋo ʋacaiswa mumaʋoko ake kuȿikira ŋguʋa imŋe nedzimŋe ŋguʋa, nehafu yeŋguʋa.

²⁶Asi kutoŋga kucataŋga, ʋacabvisa simba rake, kuti ʋaripedze nokuriparadza kuȿikira pakuguma.

²⁷Ipapo ʋushe nesimba noʋukuru bgoʋushe bgose pasi peɗeŋga rose, ɀicapiwa ʋanhu ʋaʋatȿene ʋoWokumsoro‐soro; ʋushe bgake ndobgokusiŋgaperi, masimba ose acamushumira nokumuterera.

²⁸Ndi’ko kuguma kweshoko. Kana ndiri’ni Danieri, pfuŋgwa dzaŋgu dzakandivundusa kwaɀo, ciso caŋgu cikashandurwa mukati maŋgu; asi ndakaceŋgeta shoko iri mumŋoyo maŋgu.