Read Original Shona Union Bible 1949 Baiberi Magwaro Matȿene aMŋari Danieri 9 Bible Online

Danieri 9 - Original Shona Union Bible 1949 Baiberi Magwaro Matȿene aMŋari bible

Danieri 9

¹Ɀino negore rokutaŋga raDariusi mŋanakomana waAhasuerosi, worudzi rwaʋaMedia, wakaŋga aitwa mambo woʋushe bgaʋaKardea,

²negore rokutaŋga rokuɓata kwake ʋushe, ini Danieri ndakanzwisisa paɓuku kuti makore maŋgani akaŋga aʋudzwa muprofita Jeremia neshoko raJehova kuȿikira pakupera kwokuparadzwa kweJerusarema, kuti aiʋa makore makumi manomŋe.

³Ndikarinzira ciso caŋgu kunaShe Mŋari, ndikamutȿaka nokunyeŋgetera nokukumbira, nokuɀinyima ɀokudya, namasaga namaɗota.

⁴Ndikanyeŋgetera kunaJehova Mŋari waŋgu, ndikaɀireʋurura ɀiʋi, ndikati: Haiwa, Ishe, Mŋari mukuru unotyisa, unosimbisa suŋgano yake nenyasha dzake kunaʋanomuɗa, ʋanoceŋgeta mirairo yake,

⁵takatadza, takaita ɀisakarurama neɀakashata, takakumukirai, tikatsauka paɀireʋo ɀenyu neɀamakaraira;

⁶hatina‐kuterera ʋo ʋaranda ʋenyu ʋaprofita, ʋakataura nezita renyu kunamadzimambo eɗu, namacinda eɗu, namadziɓaɓa eɗu nokuʋanhu ʋose ʋenyika.

⁷Haiwa, Ishe, kururama kuri kwamuri, asi kwatiri isu kunyara kweɀiso ɀeɗu, sapazuʋa ranhasi; kuʋanhu ʋaJuda, nokunaʋagere Jerusarema, nokuʋaIsraeri ʋose, ʋari pedyo naʋari kure, panyika dzose kwamakaʋadziŋgira, nemhaka yokuɗarika kwaʋakakuɗarikirai imi.

⁸Haiwa, Ishe, kunyara kweɀiso kuri kwatiri isu, kumadzimambo eɗu, namacinda eɗu, namadziɓaɓa eɗu, nokuti takakutadzirai.

⁹KunaShe Mŋari weɗu ndi’ko kunenyasha nokukaŋganwira, nokuti takamumukira;

¹⁰ʋuye hatina‐kuterera inzwi raJehova Mŋari weɗu, kuti tifambe nemirairo yake yaakaisa pamberi peɗu naʋaranda ʋake ʋaprofita.

¹¹Ɀirokwaɀo ʋaIsraeri ʋose ʋakaɗarika murairo wenyu, ʋacitsauka, kuti ʋarege kuterera inzwi renyu; nemhaka iyo kutuka kwenyu kwakaɗururirwa pamsoro peɗu, nokupika kwakanyorwa mumurairo waMosesi muranda waMŋari; nokuti takamutadzira.

¹²Wakasimbisa mashoko ake aakatitaurira isu naʋatoŋgi ʋeɗu ʋaititoŋga, aciʋuyisa pamsoro peɗu cinhu cikuru cakaipa; nokuti pasi peɗeŋga rose hakuna‐kumboitwa cinhu cakaɗai cakaitirwa Jerusarema.

¹³Seɀaɀakanyorwa pamurairo waMosesi, ɀakaipa iɀi ɀose ɀakatiwira; kunyaŋge ɀakaɗaro hatina‐kukumbira tsitsi kunaJehova Mŋari weɗu, kuti titsauke paɀakaipa ɀeɗu nokuŋgwarira ɀokwaɗi yenyu.

¹⁴Naiɀoɀo Jehova wakarindira ɀakaipa, akaɀiʋuyisa pamsoro peɗu; nokuti Jehova Mŋari weɗu wakarurama pamaɓasa ake ose aanoita, asi isu hatina‐kuterera inzwi rake.

¹⁵Ɀino imi Ishe Mŋari weɗu, makaɓuɗisa ʋanhu ʋenyu panyika yeEgipita noruʋoko runesimba, mukaɀiwanira mukurumbira, sapazuʋa ranhasi; takatadza, takaita ɀakashata.

¹⁶Haiwa Ishe, nokuɗa kwokururama kwenyu kwose, ndinokunyeŋgeterai kuti kutsamŋa kwenyu nehasha dzenyu ɀidzorwe paguta renyu reJerusarema, iro gomo renyu dɀene; nemhaka yeɀiʋi ɀeɗu, ʋuye nemhaka yeɀakaipa ɀamadziɓaɓa eɗu, Jerusarema naʋanhu ʋenyu ʋakaitwa cinhu cinoshoʋorwa pakati paʋose ʋanotipoteredza.

¹⁷Naiɀoɀo ɀino, imi Mŋari weɗu, inzwai kunyeŋgetera kwomuranda wenyu, neɀaanokumbira, muvenekere neciso cenyu panɀimbo yenyu tȿene, yaʋa ɗoŋgo, nokuɗa kwaShe.

¹⁸Haiwa, Mŋari waŋgu, rerekerai nzeʋe yenyu, munzwe; ȿinudzai meso enyu, muʋone kuparadzwa kweɗu, neguta rakatumidzwa zita renyu; nokuti hatiȿitsi mikumbiro yeɗu pamberi penyu nokuɗa kweɀakarurama ɀeɗu, asi nokuɗa kwenyasha dzenyu huru.

¹⁹Haiwa, Ishe, inzwai; Ishe, kaŋganwirai; Ishe, tererai, muite; regai kunonoka, nokuɗa kwenyu, imi Mŋari waŋgu, nokuɗa kweguta renyu naʋanhu ʋenyu ʋakatumidzwa zita renyu.

²⁰Ɀino ndakati ndicataura nokunyeŋgetera nokuɀireʋurura ɀiʋi ɀaŋgu neɀiʋi ɀaʋanhu ʋaŋgu ʋaIsraeri, nokuisa kukumbira kwaŋgu pamberi paJehova Mŋari waŋgu pamsoro pegomo dɀene raMŋari waŋgu;

²¹ndakati ndicataura pakunyeŋgetera, uya murume Gabrieri, wandakaŋga ndaʋona paneɀandakaratidzwa pakutaŋga, ndaneta kwaɀo, wakaȿika kwandiri neŋguʋa ineŋge yecipo camaɗekwana.

²²Akandiɗudzira, akataura neni, akati: Danieri, ndaʋuya ɀino kukuʋigira njere nokunzwisisa.

²³Cireʋo cakatemŋa, ucaŋgotaŋga kukumbira, ɀino ndaʋuya kuzokuʋudza; nokuti uri murume unoɗikanwa kwaɀo; naiɀoɀo fuŋga shoko iri, unzwisise ɀawakaratidzwa.

²⁴Viki dzinamakumi manomŋe dzakatemerwa ʋanhu ʋako neguta rako dɀene, kupedzisa kuɗarika nokugumisa ɀiʋi, nokuyananisira ɀakaipa, nokuʋuyisa kururama kusiŋgaperi, nokusimbisa ɀakaratidzwa noʋuprofita, nokuzodza nɀimbo tȿene‐tȿene.

²⁵Naiɀoɀo ciziʋa unzwisise, kuti kubva pakutemŋa kwomurairo wokuʋandudza nokuʋaka Jerusarema kuȿikira kunowakazodzwa, iye mucinda, ɀicaita viki nomŋe; ʋuye viki dzinamakumi matanhatu nembiri dzicaʋa’po dzokuʋakwa kwaro, rinenɀimbo mhamhi nemigero, asi ɀicaitwa neŋguʋa yokutambudzika.

²⁶Ɀino kana viki idzo dzinamakumi matanhatu nembiri dzapera, wakazodzwa ucabviswa, akasara asinecinhu; ʋanhu ʋomucinda, unozoʋuya, ʋacaparadza guta nenɀimbo tȿene; asi kuguma kwaɀo kucaʋuya nokukukurwa, kurwa kucaʋa’po kuȿikira pakuguma; kuparadzwa kwakatemŋa.

²⁷Ɀino iye ucaita suŋgano yakasimba naʋazhinji viki imŋe; pakati peviki ucagumisa ciɓayiro necipo, ɀino muparadzi ucaȿika neɓapiro reɀinonyaŋgadza; kuȿikira pakuguma kwaɀo kwakagara kwatarwa, kutsamŋa kucaɗururirwa pamsoro peɀakaparadzwa.