Read Original Shona Union Bible 1949 Baiberi Magwaro Matȿene aMŋari Hosea 10 Bible Online

Hosea 10 - Original Shona Union Bible 1949 Baiberi Magwaro Matȿene aMŋari bible

Hosea 10

¹ƲaIsraeri muzambiriŋga unotanda ɀakanaka, unoɓereka ɀiɓereko ɀawo; ɀiɓereko ɀaʋo ɀakati ɀiciwanda, ʋakawanza ʋo maartari aʋo; nyika yaʋo yakati icifara, iʋo ʋakaɀiitira ʋo shoŋgwe dzakanaka.

²Mŋoyo yaʋo inonyeŋgera, ɀino ʋacapiwa mhaka; ucaroʋa maartari aʋo, ucaparadza shoŋgwe dzaʋo.

³Ɀirokwaɀo, ɀino ʋacati: Hatinamambo, nokuti hatityi Jehova; kana ari mambo uŋgatiitireiko?

⁴Ʋanotaura mashoko asinamaturo, ʋanopika nhema pakuita kwaʋo suŋgano; naiɀoɀo kutoŋgwa kwaʋo kunomera somuti unoʋuraya mumihoroŋga yomunda.

⁵Ʋagere Samaria ʋacatya mhuru dzeBeti‐aveni; nokuti ʋanhu ʋaro ʋacaicema, naʋaprista ʋaro ʋaiifarira, nokuɗa kwokukudzwa kwayo, nokuti kwabva kwairi.

⁶Icaiswa ʋo Asiria, ciʋe cipo camambo Jarebi; Efraimi ʋacanyadziswa, Israeri ʋacanyadziswa namano aʋo.

⁷Kana riri Samaria, mambo waro waparadzwa secipande pamsoro pemvura.

⁸Nɀimbo dzakakwirira dzeAveni ʋo, iɀo ɀiʋi ɀaIsraeri, dzicaparadzwa; munzwa norukato ɀicamera pamaartari aʋo; ɀino ʋacati kumakomo: Tifukidzei, nokuɀikomo: Wirai pamsoro peɗu.

⁹Haiwa, Israeri, makatadza kubva pamazuʋa eGibea; ndi’po paʋakamira; ko ʋacakundwa nehondo inorwa naʋana ʋeɀakaipa paGibea here?

¹⁰Ŋguʋa yandinoɗa ndicaʋaraŋga; marudzi aʋanhu acaʋaʋuŋganira kana ʋakasuŋgirwa paɀisakarurama ɀaʋo ɀiʋiri.

¹¹Efraimi itsiru rakapiŋgudzwa, rinofarira kupura ɀiyo; asi ini ndimene ndaȿika pamutsipa waro wakanaka, ndaisa mutaȿi pamsoro paEfraimi; Juda ʋacarima, Jakobo ucaputsa maviŋga ake.

¹²Ɀidɀarirei mukururama, mugoceka ɀoruɗo; ʋundai makombo enyu, nokuti iŋguʋa yokutȿaka Jehova, kuȿikira aciʋuya acikunisirai ɀakarurama.

¹³Makarima ɀakashata, makaceka ɀakaipa, makadya ɀiɓereko ɀenhema, nokuti makaŋga muciʋimba nenzira yenyu, ʋuye nokuwanda kwemhare dzenyu.

¹⁴Naiɀoɀo ɓope ricamuka pakati paʋanhu ʋenyu, nhare dzenyu dzose dzicaparadzwa, Sharmani seɀaakaparadza Beti‐arberi nezuʋa rokurwa; mai ʋakaputsanyiwa pamŋe cete naʋana ʋaʋo.

¹⁵Ndiɀo ɀamucaitirwa neBeti‐eri nemhaka yokushata kwenyu kukuru; mambo waIsraeri ucaparadzwa cose mambakwedza.