Read Original Shona Union Bible 1949 Baiberi Magwaro Matȿene aMŋari Hosea 11 Bible Online

Hosea 11 - Original Shona Union Bible 1949 Baiberi Magwaro Matȿene aMŋari bible

Hosea 11

¹Israeri aciri mŋana muɗuku, ndaimuɗa, ndikaɗana mŋanakomana waŋgu abve Egipita.

²Ʋaprofita ʋacinyanya kuʋaɗana, iʋo ʋakanyanya kuʋatiza; ʋakaɓayira ʋaBaari, nokupisira ɀifananidzo ɀakaʋezwa ɀinonhuwira.

³Kunyaŋge ɀakaɗaro ini ndakadzidzisa Efraimi kufamba; ndakaʋatakura mumaʋoko aŋgu, asi haʋana‐kuziʋa kuti ndini ndakaʋaporesa.

⁴Ndakaʋakakata namaɓote omunhu, neɀisuŋgo ɀoruɗo; ndakaʋa kwaʋari somunhu unobvisa joko pashaya dzaʋo, ndikagadza ɀokudya pamberi paʋo.

⁵Haʋaŋgadzokeri kunyika yeEgipita, asi muAsiria ndiye ucaʋa mambo waʋo, nokuti ʋakaramba kudzokera kwandiri.

⁶Munondo ucaʋa nehasha pakati pamaguta aʋo, ucapedza ɀipfigiso ɀaʋo nokuɀiparadza, nemhaka yamano aʋo.

⁷Ʋanhu ʋaŋgu ʋanoramba ʋaciɗa kudzokera shure ʋacindisiya; kunyaŋge ʋaciɗanwa kunoWokumsoro, haʋatoŋgosimuki.

⁸Ndiŋgakuregedza seiko, iwe Efraimi? Ndiŋgakurasha seiko, iwe Israeri? Ndiŋgakuita seiko seAdma? Ndiŋgakuenzanisa seiko neZeboimi? Mŋoyo waŋgu washandukurwa mukati maŋgu, tsitsi dzaŋgu dzamutswa pamŋe cete.

⁹Handiŋgaiti nokutsamŋa kwaŋgu kukuru, handiŋgadzoki ndiciti ndiparadze Efraimi; nokuti ndiri Mŋari, handizi munhu, ndini Mutȿene pakati penyu, handiŋgaʋuyi ndakatsamŋa.

¹⁰Ʋacateʋera Jehova, aciʋomba seshumba; nokuti ucaʋomba, ʋana ʋacaʋuya ʋaciɗeɗera ʋacibva maʋirazuʋa.

¹¹Ʋacaʋuya ʋaciɗeɗera seshiri ʋacibva Egipita, senjiʋa ʋacibva panyika yeAsiria; ini ndicaʋagarisa mudzimba dzaʋo — ndiɀo ɀinotaura Jehova.

¹²Efraimi ʋakandikombera nenhema, ʋuye imba yaIsraeri nokunyeŋgera; Juda ʋanoŋgoramba ʋacipeŋga pamberi paMŋari, pamberi paiye Mutȿene wakatendeka.