Read Original Shona Union Bible 1949 Baiberi Magwaro Matȿene aMŋari Hosea 12 Bible Online

Hosea 12 - Original Shona Union Bible 1949 Baiberi Magwaro Matȿene aMŋari bible

Hosea 12

¹Efraimi ʋanoɀigutisa nemhepo, ʋanoteʋerera mhepo yokumabvazuʋa; ʋanoramba ʋaciwedzera nhema nokuparadza; ʋanoita suŋgano neAsiria, ʋuye mafuta anoiswa Egipita.

²Jehova unegakaʋa naJuda ʋo, ucaroʋa Jakobo pamsoro penzira dzake, ucamuripira pamsoro peɀaakaita.

³Muciɀaro wakaɓata cicitsinho comukuru wake, aʋa nesimba romurume wakaita mitsimba naMŋari;

⁴ɀirokwaɀo, wakaita mitsimba nomutumŋa akakunda; wakacema, akamunyeŋgetera; wakamuwana paBeti‐eri, akataura’po nesu,

⁵iye Jehova, Mŋari wehondo; Jehova ndiro zita rokumuraŋgarira naro.

⁶Naiɀoɀo cidzokera kunaMŋari wako; ceŋgeta ruɗo nokururamisa, urambe ucimirira Mŋari wako.

⁷Iye muKanani, ɀiyero ɀinonyeŋgera ɀiri muruʋoko rwake, unofarira kumanikidza.

⁸Asi Efraimi unoti: Ɀirokwaɀo, ndafuma, ndaɀiwanira fuma; pamaɓasa aŋgu ose haʋaŋgawani kwandiri ɀakaipa ɀeɀiʋi.

⁹Asi ndini Jehova Mŋari wako, kubva panyika yeEgipita; ndicakugarisai ɀe mumatente, sapamazuʋa emitambo yakatarwa.

¹⁰Ndakataura ʋo naʋaprofita, ndikawanza ɀandakaʋaratidza; ndakaʋataurira ɀifananidzo nemiromo yaʋaprofita.

¹¹Ko paGireadi paneɀakaipa here? Haʋanamaturo cose; ʋanoɓaya nzombe paGirgari; ɀirokwaɀo maartari aʋo akaita matutu amabge pamihoroŋga yeminda.

¹²Jakobo wakatizira kunyika yeArami, Israeri wakaɓatira mukadzi, wakafudza makwai kuti awane mukadzi.

¹³Jehova wakaɓuɗisa Israeri paEgipita nomuprofita, akazoceŋgetwa nomuprofita.

¹⁴Efraimi ʋakatsamŋisa Jehova ɀikuru; naiɀoɀo mhaka yeropa rake icasiyiwa kwaari, Ishe wake ucadzosera kuɀidzwa kwake kwaari.