Read Original Shona Union Bible 1949 Baiberi Magwaro Matȿene aMŋari Hosea 13 Bible Online

Hosea 13 - Original Shona Union Bible 1949 Baiberi Magwaro Matȿene aMŋari bible

Hosea 13

¹Efraimi ʋakati ʋacitaura, kuɗeɗera kukaʋa’po; ʋakaɀikudza pakati paIsraeri; asi wakati apara mhaka naBaari, akafa.

²Asi ɀino ʋanoŋgoramba ʋaciwedzera ɀiʋi ɀaʋo, ʋakaɀiitira ɀifananidzo ɀakaʋumbga nesirveri yaʋo, ɀiri ɀifananidzo ɀenjere dzaʋo, ɀose ɀiri ɓasa remhizha; ɀino ʋanoti pamsoro paɀo: Ʋanoɓayira mhuru ŋgaʋadziȿete.

³Saka ʋacaita semhute yamaŋgwanani, seɗoʋa rinokurumidza kunyaŋgarika, sehundi inopepereswa necampupuri paɓuriro, soʋutsi bgecoto ʋunoɓuɗa napaʋuri.

⁴Kunyaŋge ɀakaɗaro ndini Jehova Mŋari wako kubva panyika yeEgipita; hamuziʋi mumŋe mŋari asi ini, hakunomumŋe muponesi kunze kwaŋgu.

⁵Ndakakuziʋai murenje, munyika yakawoma kwaɀo.

⁶Ɀaʋakapiwa mafuro akanaka, ʋakaguta; ʋakaguta, mŋoyo yaʋo ikaɀikudza, naiɀoɀo ʋakandikaŋganwa.

⁷Saka ndaʋa kwaʋari seshumba, ndicaʋagarira panzira seŋgwe;

⁸ndicarwa naʋo seɓere rakatorerwa ʋana ʋaro, ndicatsemura cifukidziro comŋoyo waʋo; ndicaʋadyira’po seshumbakadzi; ɀikara ɀicaʋabvamburanya.

⁹Ndiɀo ɀicakuparadzai, imi Israeri, ɀamunorwa neni, ini muɓatsiri wenyu.

¹⁰Ko ɀino mambo wenyu uripi, akuponesei mumaguta enyu ose? Ko ʋatoŋgi ʋenyu ʋaripi, ʋamaiti: Tipei mambo namacinda?

¹¹Ndakakupai mambo pakutsamŋa kwaŋgu, ndikamubvisa ɀe nehasha dzaŋgu.

¹²Ɀakaipa ɀaEfraimi ɀakasuŋgwa pamŋe cete, ɀiʋi ɀake ɀakaceŋgetwa.

¹³Kurwadziwa kwomukadzi unosurumuka kucaȿika kwaari; iye mŋanakomana usinenjere; nokuti kana ŋguʋa iciȿika, haasweɗeri pakuɀarwa.

¹⁴Ndicaʋadzikinura pasimba reSheori, ndicaʋadzikinura parufu. Haiwa, rufu, hosha dzako dziripiko? Haiwa, Sheori, kuparadza kwako kuripi? Kuɀiɗemba hakuŋgaʋonekwi nameso aŋgu.

¹⁵Kunyaŋge akaɓereka ɀiɓereko pakati pehama dzake, mhepo yokumabvazuʋa icaȿika, iri mhepo yaJehova inobva kurenje; cituɓu cake cicapxa, tsime rake ricawoma; iye ucapamba fuma yenhumbi dzose dzinoɗikanwa.

¹⁶Samaria ricaʋa nemhoȿa yaro, nokuti ʋakamukira Mŋari waʋo; ʋacaparadzwa nomunondo, ʋacece ʋaʋo ʋacaputsanyiwa, ʋakadzi ʋaʋo ʋanemimba ʋacatumburwa.