Read Original Shona Union Bible 1949 Baiberi Magwaro Matȿene aMŋari Hosea 4 Bible Online

Hosea 4 - Original Shona Union Bible 1949 Baiberi Magwaro Matȿene aMŋari bible

Hosea 4

¹Inzwai shoko raJehova, imi ʋana ʋaIsraeri, nokuti Jehova unegakaʋa naʋanhu ʋagere munyika ino, nokuti hakuneɀokwaɗi, kana ʋunyoro, kana kuziʋa Mŋari munyika ino.

²Hakuneɀimŋe asi kupika, nokunyeŋgera, nokuʋuraya, nokuɓa, nokuita ʋupombge; ʋanopaza dzimba, kuteʋura ropa kunoramba kuciteʋera kuteʋura ropa.

³Saka nyika icacema, mumŋe nomumŋe ugere’mo ucapera simba, pamŋe cete nemhuka dzesaŋgo neshiri dzokuɗeŋga; naidzo hoʋe dzeguŋgwa dzicabviswa.

⁴Ŋgakurege kuʋa nomunhu unokakaʋara kana munhu unotuka; nokuti ʋanhu ʋako ʋakaita saʋanokakaʋara nomuprista.

⁵Iwe ucagumburwa masikati, nomuprofita ucagumburwa ʋo pamŋe cete newe ʋusiku; ndicaparadza mai ʋako.

⁶Ʋanhu ʋaŋgu ʋaparadzwa nokushaiwa ziʋo; ɀawaramba ziʋo, neni ndicakuramba ʋo, kuti urege kuʋa muprista waŋgu; ɀawakaŋganwa murairo waMŋari wako, neni ʋo ndicakaŋganwa ʋana ʋako.

⁷Ʋakati ʋaciwanda, kunditadzira kwaʋo kukawanda ʋo, ndicashandura kukudzwa kwaʋo ndikuite kunyadziswa.

⁸Ʋakaguta neɀinobva paɀiʋi ɀaʋanhu ʋaŋgu, ʋanopaŋga nemŋoyo yaʋo ɀakaipa ɀaʋo.

⁹Saka ɀakaita ʋanhu, ndiɀo ɀicaita muprista ʋo; ndicaʋaroʋa pamsoro penzira dzaʋo, ndicaʋaripidzira ɀaʋanoɓata.

¹⁰Ʋacadya, asi haʋaŋgaguti; ʋacapata, asi haʋaŋgawandi, nokuti ʋakarega kuʋa nehanya naJehova.

¹¹Kufeʋa newaini newaini itȿa ɀinobvisa njere.

¹²Ʋanhu ʋaŋgu ʋanobvunza mano paɗanda raʋo, ʋanoziʋiswa netȿimbo yaʋo; nokuti mŋeya wokufeʋa wakaʋatadzisa, ʋakapata, ndokurasha Mŋari waʋo.

¹³Ʋanoɓayira pamsoro pamakomo, ʋanopisira ɀinonhuwira paɀikomo, napasi pemiouki, nemipoprari, nemiterebini, nokuti mimvuri yayo yakanaka; naiɀoɀo ʋakunda ʋenyu ʋanopata, mŋeŋga yenyu inofeʋa.

¹⁴Handiŋgaroʋi ʋakunda ʋenyu kana ʋacipata, nemŋeŋga yenyu kana icifeʋa; nokuti ʋarume ʋanoenda ʋari ʋoga neɀifeʋe, ʋanoɓayira naʋakadzi ʋanofeʋa; ʋanhu ʋasiŋganzwisisi ʋacaparadzwa.

¹⁵Kunyaŋge imi, Israeri, mucipata, Juda ŋgaʋarege kupara mhaka; musaȿika Girgari, musakwira Beti‐aveni, ʋuye musapika, muciti: NaJehova mupenyu!

¹⁶Nokuti Israeri ʋanokoma, setsiru rinokoma; ɀino Jehova ucaʋafudza segwaiana panɀimbo mhamhi.

¹⁷Efraimi unonamatirana neɀifananidzo, muregei.

¹⁸Ɀaʋanonwa ɀinoʋaʋa; ʋanoramba ʋacipata; ʋaɓati ʋaʋo ʋanofarira ɀikuru ɀinonyadzisa.

¹⁹Mhepo yakaʋaputira namapapiro ayo; ʋacanyadziswa nokuɗa kweɀiɓayiro ɀaʋo.