Read Original Shona Union Bible 1949 Baiberi Magwaro Matȿene aMŋari Hosea 5 Bible Online

Hosea 5 - Original Shona Union Bible 1949 Baiberi Magwaro Matȿene aMŋari bible

Hosea 5

¹Inzwai shoko iri, imi ʋaprista, tererai imi imba yaIsraeri, rerekerai nzeʋe dzenyu, imi imba yamambo; nokuti ndimi munotoŋgwa; nokuti makaŋga muri musuŋgo paMizpa, nomumbure wakadzikwa paRabori.

²Ʋakandimukira ʋakapinda kwaɀo pakuʋora, asi ndicaʋatuka ʋose.

³Ndinoziʋa Efraimi, Israeri haʋana‐kuʋanzika pamberi paŋgu; nokuti ɀino, iwe Efraimi, wakapata, Israeri ʋakaȿiɓiswa.

⁴Ɀaʋakaita haɀiʋatenderi kudzokera kunaMŋari waʋo; nokuti mŋeya wokufeʋa uri mukati maʋo, haʋaziʋi Jehova.

⁵Kuɀikudza kwaIsraeri kunoʋapupurira pacena; saka Israeri naEfraimi ʋacagumburwa paɀakaipa ɀaʋo, Juda ʋacagumburwa ʋo pamŋe cete naʋo.

⁶Ʋacaenda namakwai aʋo neŋombe dzaʋo kundotȿaka Jehova, asi haʋaŋgamuwani; wakaenda kure naʋo.

⁷Ʋakanyeŋgera Jehova, nokuti ʋakaɓereka ʋana ʋasati ʋari ʋaʋo; ɀino mutambo wokugara kwomŋedzi ucaʋapedza pamŋe cete neminda yaʋo.

⁸Ridzai mumanzi paGibea, nehwamanda paRama; ridzai mhere paBeti‐aveni: Ʋari shure kwako, iwe Benjamini!

⁹Nyika yaEfraimi icaitwa matoŋgo nezuʋa rokutukwa; ndakaziʋisa pakati paIsraeri ɀicazoʋa’po ɀirokwaɀo.

¹⁰Macinda aJuda akafanana naʋanobvisa ciratidzo cemiganho; ndicaɗurura kutsamŋa kwaŋgu pamsoro paʋo semvura.

¹¹Efraimi wakamanikidzwa, wakapxanyiwa nokutoŋgwa, nokuti wakaŋga acitenda kuteʋera murairo waʋanhu.

¹²Naiɀoɀo ndicaʋa kunaEfraimi secipfunho, ʋuye sokuʋora kuimba yaJuda.

¹³Efraimi wakati aciʋona kurwara kwake, naJuda ʋaŋga rake, Efraimi akaenda Asiria, akatuma nhume kunamambo Jarebi; asi iye haagoni kukuporesai, kana kuporesa ʋaŋga renyu.

¹⁴Nokuti ndicaʋa seshumba kunaEfraimi, ʋuye seshumba ɗuku kuimba yaJuda; ini, iyeni, ndicabvambura ndokuenda; ndicaʋatapa, hakuna‐uŋgaʋarwira.

¹⁵Ndicaenda ndicidzokera kunɀimbo yaŋgu, kuȿikira ʋatenda kutadza kwaʋo, ʋakatȿaka ciso caŋgu; pakutambudzika kwaʋo ʋacanditȿaka nomŋoyo wose.