Read Original Shona Union Bible 1949 Baiberi Magwaro Matȿene aMŋari Hosea 9 Bible Online

Hosea 9 - Original Shona Union Bible 1949 Baiberi Magwaro Matȿene aMŋari bible

Hosea 9

¹Regai kufara, imi Israeri, mucifarisisa samarudzi aʋanhu; nokuti makapata, mucisiya Mŋari wenyu; makaɗa muɓairo wokufeʋa pamapuriro ose eɀiyo.

²Ƃuriro neciȿiniro cewaini haɀiŋgaʋagutsi, waini itȿa icaʋanyeŋgera.

³Haʋaŋgagari munyika yaJehova; asi Efraimi ʋacadzokera Egipita, ʋacadya ɀokudya ɀinetȿina paAsiria.

⁴Haʋaŋgaɗiriri Jehova waini, ɀiɓayiro ɀaʋo haɀiŋgamufadzi; ɀiɓayiro ɀaʋo ɀicaita kwaʋari seɀokudya ɀaʋanocema; ʋose, ʋanoɀidya, ʋacaȿiɓiswa, nokuti ɀokudya ɀaʋo ndeɀaʋo ɀoga, haɀiŋgaȿiki muimba yaJehova.

⁵Mucaɓateiko nezuʋa reʋuŋgano dzakatarwa, nezuʋa remitambo yaJehova?

⁶Nokuti tarirai, ʋakabva nokuɗa kwokuparadzwa, asi ʋaEgipita ʋacaʋaʋuŋganidza, ʋeMemfisi ʋacaʋaʋiga; rukato rucaʋatorera ɀinhu ɀaʋo ɀesirveri ɀinofadza; minzwa icaʋa mumatente aʋo.

⁷Mazuʋa okurobga aȿika, mazuʋa okutsiʋa aȿika; Israeri ʋacaɀiziʋa; muprofita iɓenzi, munhu unomŋeya unopeŋga, nemhaka yokuwanda kweɀakaipa ɀenyu, ʋuye nokuti ruʋeŋgo rukuru.

⁸Efraimi mushori kunaMŋari waŋgu; kana ari muprofita, rugombe rwomuteyi weshiri ruri munzira dzake dzose, noruʋeŋgo muimba yaMŋari wake.

⁹Ʋakaɀishatisa ɀikuru kwaɀo, sapamazuʋa eGibea; ucaraŋgarira ɀakaipa ɀaʋo, ucaʋaroʋa pamsoro peɀiʋi ɀaʋo.

¹⁰Ndakawana Israeri ʋakaita samazambiriŋga murenje; ndakaʋona madziɓaɓa enyu ʋakaita seɀiɓereko ɀakataŋga kuibva pamuʋonde paŋguʋa yawo yokuɓereka yokutaŋga; asi ʋakaȿika paBaari‐peori, ʋakaɀiisa kuneɀinonyadzisa, ʋakaitwa ɀinonyaŋgadza ʋacifanana neɀaiɗikanwa naʋo.

¹¹Kana ʋari Efraimi, kukudzwa kwaʋo kucabururuka seshiri; kuɓereka hakuŋgaʋi’po, kana kukurirwa, kana kunaka pamuʋiri.

¹²Kunyaŋge ʋakarera ʋana ʋaʋo, ndicaʋatorera iʋo, kuȿikira kusisinomunhu; ɀirokwaɀo, ʋacaʋa nenhamo ʋo, kana ini ndaʋasiya.

¹³Seɀandakatsaura Tire, Efraimi ʋakasimŋa pakanaka; asi Efraimi ʋacaɓuɗisira muʋurayi ʋana ʋaʋo.

¹⁴Ciʋapai, Jehova — mucaʋapeiko? Ciʋapai ɀiɀaro ɀinoshaya namazamu asinomukaka.

¹⁵Ɀakaipa ɀaʋo ɀose ɀiri paGirgari, nokuti ndi’po pandakaʋaʋeŋga; nemhaka yeɀakaipa ɀaʋanoita ndicaʋadziŋga paimba yaŋgu, handicaʋaɗi; macinda aʋo ose akandimukira.

¹⁶Efraimi ʋarobga, mudzi waʋo wawoma, haʋaŋgazoɓereki ɀiɓereko; ɀirokwaɀo, kunyaŋge ʋakaɓereka, ndicaʋuraya ʋaɗikanwa ʋakaɓerekwa neɀiɀaro ɀaʋo.

¹⁷Mŋari waŋgu ucaʋarasha, nokuti haʋana‐kumunzwa; ʋacaʋa ʋadzuŋgairi pakati pamarudzi aʋanhu.