Read Original Shona Union Bible 1949 Baiberi Magwaro Matȿene aMŋari Joere 1 Bible Online

Joere 1 - Original Shona Union Bible 1949 Baiberi Magwaro Matȿene aMŋari bible

Joere 1

¹Shoko raJehova, rakaȿika kunaJoere mŋanakomana waPetueri.

²Inzwai cinhu ici, imi ʋatana, murereke nzeʋe dzenyu, imi mose mugere munyika ino. Ko ɀakaɗai ɀakamboitwa pamazuʋa enyu, kana pamazuʋa amadziɓaɓa enyu here?

³Ʋudzai ʋana ʋenyu iɀoɀo, ʋana ʋenyu ʋaʋudze ʋo ʋana ʋaʋo, naʋana ʋaʋo ʋaʋudze rumŋe rudzi runoteʋera.

⁴Ɀakasiyiwa nomuteteni, ɀakadyiwa nemhashu; ɀakasiyiwa nemhashu, ɀakadyiwa negwatakwata; ɀakasiyiwa negwatakwata, ɀakadyiwa nomupedzacose.

⁵Mukai, imi ʋakaɓatwa neɗoro, muceme; wuŋgudzai, imi mose munonwa waini, nemhaka yewaini inonaka, nokuti yabviswa pamiromo yenyu.

⁶Nokuti rumŋe rudzi rwaȿika panyika yaŋgu, rwakasimba, rusiŋgaʋereŋgwi; meno arwo meno eshumba, runameno makuru eshumbakadzi.

⁷Rwakaparadza muzambiriŋga waŋgu, nokuvuna muʋonde waŋgu; rwakauȿuʋura kwaɀo, nokuuwisira pasi; mataʋi awo aceneswa.

⁸Cemai semhandara yakaɀisuŋga ciʋuno namasaga nokuɗa kwomurume woʋumhandara bgayo.

⁹Cipiriso coʋupfu necipiriso cinonwiwa ɀabviswa paimba yaJehova; ʋaprista, iʋo ʋashumiri ʋaJehova, ʋanocema.

¹⁰Munda waparadzwa, nyika inocema; nokuti ɀiyo ɀaparadzwa, waini itȿa yapxa, mafuta apera.

¹¹Nyarai imi ʋarimi, wuŋgudzai imi ʋarimi ʋemizambiriŋga, nokuɗa kweɀiyo nebari; nokuti ɀakaɓerekwa neminda ɀaparadzwa.

¹²Muzambiriŋga waȿaʋa, muʋonde unoshaiwa simba; mutamba nomucindwe ʋo, nomuapuri, nemiti yose yomunda yawoma; mufaro waʋanakomana ʋaʋanhu wapera.

¹³Ɀisuŋgei ɀiʋuno namasaga, muceme imi ʋaprista; wuŋgudzai imi ʋashumiri ʋeartari; ʋuyai muʋate ʋusiku bgose makapfeka masaga, imi ʋashumiri ʋaMŋari waŋgu; nokuti cipiriso coʋupfu necipiriso cinonwiwa ɀadziʋiswa paimba yaMŋari wenyu.

¹⁴Tsaurai zuʋa rokuɀinyima ɀokudya, ɗanai ʋanhu kuʋuŋgano yakatarwa, kokerai ʋakuru naʋose ʋagere panyika kuimba yaJehova Mŋari wenyu, muɗane kunaJehova.

¹⁵Haiwa, zuʋa iro here! Nokuti zuʋa raJehova raʋa pedyo, ricaȿika riciparadza ricibva kunaWamasimba‐ose.

¹⁶Ko ɀokudya haɀinakubviswa pamberi peɗu, nomufaro nokufarisisa paimba yaMŋari weɗu here?

¹⁷Mbeu dzinoʋorera pasi pamaviŋga adzo; matura aparadzwa, tsapi dzaputswa; nokuti ɀiyo ɀafa.

¹⁸Ɀipfuwo ɀinogomera sei! Mapoka eŋombe akaŋganiswa, nokuti haɀicinamafuro; ɀirokwaɀo, mapoka amakwai aparadzwa.

¹⁹Haiwa, Jehova, ndinoɗana kwamuri, nokuti mŋoto wapedza mafuro erenje, muraɀo wapisa miti yose yokusaŋgo.

²⁰Ɀirokwaɀo, mhuka dzokusaŋgo dzinocemera kwamuri, nokuti hoʋa dzemvura dzapxa, ʋuye mŋoto wapedza mafuro erenje.