Read Original Shona Union Bible 1949 Baiberi Magwaro Matȿene aMŋari Joere 2 Bible Online

Joere 2 - Original Shona Union Bible 1949 Baiberi Magwaro Matȿene aMŋari bible

Joere 2

¹Ridzai hwamanda paZioni, muridze mhere pagomo raŋgu dɀene; ʋose ʋagere panyika ŋgaʋaɗeɗere, nokuti zuʋa raJehova rinoʋuya, nokuti raʋa pedyo;

²ricaʋa zuʋa rerima nokuȿiɓa, zuʋa ramakore nerima guru, samambakwedza akawarirwa pamakomo; rucaʋuya ruri rudzi rukuru runesimba; rwakaɗaro haruna‐kumboʋa’po, ʋuye haruŋgazoʋi’po shure kwaʋo, kuȿikira pamakore amarudzi mazhinji aʋanhu.

³Mŋoto unoparadza pamberi paʋo, muraɀo unopfuta shure kwaʋo; nyika yakaita somunda weEdeni pamberi paʋo, ʋuye serenje rakaparadzwa shure kwaʋo; ɀirokwaɀo, hakuna‐wakapukunyuka kwaʋari.

⁴Pakuʋonekwa kwaʋo ʋakafanana namabiza; saʋataȿi ʋamabiza, ndiko kumhanya kwaʋo.

⁵Kuuruka kwaʋo pamsoro pamakomo kunoita somubvumo weŋgoro, somubvumo womuraɀo womŋoto unoparadza mashaŋga, saʋanhu ʋanesimba ʋakagadzirirwa kurwa.

⁶Kana ʋaciȿika, ʋanhu ʋose ʋanotya kwaɀo, ɀiso ɀose ɀinoceneruka.

⁷Ʋanomhanya saʋanhu ʋanesimba, ʋanokwira ruȿiŋgo saʋarwi, ʋanofamba mumŋe nomumŋe nenzira yake, haʋatoŋgotsauki pamisara yaʋo.

⁸Haʋasundidzirani, mumŋe nomumŋe unofamba negwara rake; ʋanopxanya napakati penhumbi dzokurwa, ʋasiŋgatsauki.

⁹Ʋanowira guta, ʋanomhanyira pamsoro poruȿiŋgo, ʋanokwira ʋacipinda mudzimba, ʋanopinda napamawindi sembava.

¹⁰Nyika inoɗeɗera pamberi paʋo, ɗeŋga rose rinobvunda, zuʋa nomŋedzi ɀinoȿiɓa, nyeredzi dzinodzora kupenya kwadzo.

¹¹Jehova unoɓuɗisa inzwi rake pamberi pehondo yake, nokuti hondo yake ihuru kwaɀo; nokuti muiti weɀaakataura unesimba; nokuti zuʋa raJehova iguru, rinotyisa kwaɀo, ndianiko uŋgatsuŋga naro?

¹²Kunyaŋge ɀakaɗaro — ndiɀo ɀinotaura Jehova — naɀino tendeʋukirai kwandiri nemŋoyo yenyu yose, muciɀinyima ɀokudya, mucicema nokuwuŋgudza;

¹³bvarurai mŋoyo yenyu, murege kubvarura ŋguʋo dzenyu, mutendeʋukire kunaJehova Mŋari wenyu; nokuti uneŋgoni nenyasha, unononoka kutsamŋa, unetsitsi zhinji, ʋuye unoɀiɗemba pakuitira ʋanhu ɀakaipa.

¹⁴Ndiani uŋgaziʋa, ɀimŋe uŋgadzoka akaɀiɗemba, akasiya mukomborero kana acibva, ɀimŋe cipiriso coʋupfu kana cipiriso cinonwiwa ɀamuŋgaʋigira Jehova Mŋari wenyu?

¹⁵Ridzai hwamanda paZioni, tsaurai zuʋa rokuɀinyima ɀokudya, ɗanai ʋanhu kuʋuŋgano yakatarwa;

¹⁶kokerai ʋanhu, natsai ʋuŋgano, kokerai ʋakuru, ʋuŋganidzai ʋana, naʋanomna pamazamu; cikomba ŋgaciɓuɗe paimba yaco nomŋeŋga paimba yake yokuʋata.

¹⁷Ʋaprista, iʋo ʋashumiri ʋaJehova, ŋgaʋaceme pakati peɓiraʋira neartari, ʋati: Haiwa, Jehova, regai ʋanhu ʋenyu, musaisa nhaka yenyu pakushoʋorwa, kuti marudzi aʋanhu aʋaseke; ʋaŋgareʋereiko pakati pamarudzi aʋanhu, ʋaciti: Mŋari waʋo uripiko?

¹⁸Ipapo Jehova akaʋa negodo pamsoro penyika yake, akanzwira ʋanhu ʋake tsitsi.

¹⁹Jehova akapindura, akati kuʋanhu ʋake: Tarirai, ndicakutumirai ɀiyo, newaini itȿa, namafuta, mugoguta naɀo; handicakuitiyi cinhu cinoshoʋorwa pakati pamarudzi;

²⁰asi ndicabvisa kure nemi hondo inobva kurutiʋi rwokumsoro, ndiciidziŋgira kunyika yakawoma yakaparadzwa, rutiʋi rwayo rwapamberi rwakatarira kuguŋgwa rokumabvazuʋa, norutiʋi rwayo rweshure kuguŋgwa rokumaʋirazuʋa; kunhuwa kwayo kucakwira, norwema rwayo rwakaipa rucakwira, nokuti yakaita ɀinhu ɀikuru.

²¹Rega hako kutya, iwe nyika, fara ufarisise; nokuti Jehova wakaita ɀinhu ɀikuru.

²²Regai kutya, imi mhuka dzesaŋgo; nokuti mafuro erenje anoɓukira, nokuti miti inoɓereka ɀiɓereko ɀayo, miʋonde nemizambiriŋga ɀinoʋigira ʋanhu simba raɀo.

²³Naiɀoɀo farai, imi ʋana ʋeZioni, mufarisise munaJehova Mŋari wenyu; nokuti unokupai mudzidzisi wokururama, ʋuye unokunisirai mvura, mvura yokutaŋga nemvura yokuteʋerera, nomŋedzi wokutaŋga.

²⁴Mapuriro acazara neɀiyo, ʋuye ɀiȿiniro ɀicapafuma waini namafuta.

²⁵Ndicakudzoserai ɀe makore amakadyirwa nemhashu, negwatakwata, nomupedzacose, nomuteteni, iyo hondo yaŋgu huru yandakatuma pakati penyu.

²⁶Mucadya ɀakawanda, mukaguta, mukarumbidza zita raJehova Mŋari wenyu, wakakuitirai ɀinoshamisa; ʋanhu ʋaŋgu haʋaŋgatoŋgonyadziswi nokusiŋgaperi.

²⁷Ipapo mucaziʋa kuti ndiri pakati paIsraeri, kuti ndini Jehova Mŋari wenyu, ʋuye kuti hakunomumŋe; ʋanhu ʋaŋgu haʋaŋgatoŋgonyadziswi nokusiŋgaperi.

²⁸Ɀino shure kwaiɀoɀo ndicaɗurura Mŋeya waŋgu pamsoro penyama yose; ʋanakomana ʋenyu naʋanasikana ʋenyu ʋacaprofita, ʋatana ʋenyu ʋacarota hope, namajaya enyu acaʋona ɀiratidzo;

²⁹ndicaɗurura ʋo Mŋeya waŋgu pamsoro paʋaranda napamsoro paʋashandiri namazuʋa iwayo.

³⁰Ndicaratidza ɀishamiso kuɗeŋga napanyika, ɀinoti: Ropa nomŋoto neshoŋgwe dzoʋutsi.

³¹Zuʋa ricashanduka rima, mŋedzi ucashanduka ropa, zuʋa guru raJehova rinotyisa risati raȿika.

³²Ɀino aninani unoɗana zita raJehova ucarwirwa; nokuti pagomo reZioni napaJerusarema ndi’po pacaʋa naʋakapukunyuka, seɀakataura Jehova, napakati paʋakasara ndi’po pacaʋa ʋakaɗanwa naJehova.