Read Original Shona Union Bible 1949 Baiberi Magwaro Matȿene aMŋari Amosi 2 Bible Online

Amosi 2 - Original Shona Union Bible 1949 Baiberi Magwaro Matȿene aMŋari bible

Amosi 2

¹Ɀanzi naJehova: Nemhaka yokuti Moabi ʋakaɗarika katatu, ɀimŋe kanna, handiŋgadzori kurobga kwaʋo; nokuti ʋakapisa mafupa amambo waEdomi kuȿikira aita maɗota.

²Asi ndicatuma mŋoto kuʋaMoabi, ucapedza dzimba dzoʋushe dzeKerioti; Moabi ʋacafa neɓope nokuɗanidzira ʋuye nokurira kwehwamanda;

³ndicaparadza ʋatoŋgi pakati paʋo, nokuʋuraya macinda aʋo ose pamŋe cete naʋo — ndiɀo ɀinotaura Jehova.

⁴Ɀanzi naJehova: Nemhaka yokuti Juda ʋakaɗarika katatu, ɀimŋe kanna, handiŋgadzori kurobga kwaʋo; nokuti ʋakaramba murairo waJehova, ʋakasaceŋgeta mitemo yake, ʋakarashiswa nenhema dzaʋo dzakateʋerwa namadziɓaɓa aʋo.

⁵Asi ndicatuma mŋoto kunaJuda, ucapedza dzimba dzoʋushe dzeJerusarema.

⁶Ɀanzi naJehova: Nemhaka yokuti Israeri ʋakaɗarika katatu, ɀimŋe kanna, handiŋgadzori kurobga kwaʋo; nokuti ʋakateŋgesa ʋakarurama nesirveri, ʋuye unoshaiwa, ʋacipiwa shaŋgu mbiri;

⁷ndiʋo ʋanoshuʋa kuʋona guruʋa rapasi pamusoro womurombo, ʋacitsausa nzira yomunhu munyoro; munhu naɓaɓa ʋake ʋacienda ʋose kumusikana mumŋe, kuti ʋamhure zita raŋgu dɀene;

⁸ʋanoʋata pasi pamaartari ose paŋguʋo dzakatorwa dziciitwa ruɓatso, ʋanonwa waini yaʋakaripiswa mumba maMŋari waʋo.

⁹Kunyaŋge ɀakaɗaro ndakaparadza ʋaAmori pamberi paʋo, iʋo ʋakaŋga ʋakareɓa semisidari, ʋanesimba semiouki; kunyaŋge ɀakaɗaro ndakaparadza ɀiɓereko ɀaʋo kumsoro nemidzi yaʋo pasi.

¹⁰Ndakakuɓuɗisai ʋo munyika yeEgipita, ndikakufambisai murenje makore makumi manna, kuti mundopiwa nyika yaʋaAmori.

¹¹Ndakamutsa ʋo ʋaprofita pakati paʋanakomana ʋenyu, naʋaNaziri pakati pamajaya enyu. Ha ndiɀo here, imi ʋana ʋaIsraeri?

¹²Asi makapa ʋaNaziri waini ʋanwe, nokuraira ʋaprofita, muciti: Regai kuprofita.

¹³Tarirai, ndicakutsikirirai pasi, seɀinotsikirira ŋgoro izere nemŋanda.

¹⁴Unomhanyisa ucakoniwa kutiza, unesimba haaŋgasimbisi simba rake, kunyaŋge nemhare haiŋgaɀirwiri.

¹⁵Kunyaŋge unoɓata ʋuta haaŋgamiri, unetsoka dzinomhanyisa haaŋgaɀirwiri; kunyaŋge wakataȿa biza haaŋgarwiri ʋupenyu bgake;

¹⁶unomŋoyo mukuru pakati pemhare ucatiza akashama nezuʋa iro — ndiɀo ɀinotaura Jehova.