Read Original Shona Union Bible 1949 Baiberi Magwaro Matȿene aMŋari Amosi 3 Bible Online

Amosi 3 - Original Shona Union Bible 1949 Baiberi Magwaro Matȿene aMŋari bible

Amosi 3

¹Inzwai shoko iri rakataurwa naJehova pamsoro penyu, imi ʋana ʋaIsraeri, pamsoro porudzi rwose rwandakaɓuɗisa panyika yeEgipita, ndiciti:

²Ndimi moga ʋandakaziʋa pakati pamarudzi ose enyika; naiɀoɀo ndicakuroʋai pamsoro peɀakaipa ɀenyu ɀose.

³Ko ʋaʋiri ʋaŋgafamba pamŋe cete ʋasina‐kumbotenderana here?

⁴Ko shumba iŋgaʋomba muɗondo isinacayakaruma here? Ko shumba ɗuku iŋgarira muɓako rayo isina‐cayakaɓata here?

⁵Ko shiri iŋgawira pasi mumusuŋgo paisina‐kudzikirwa rugombe here? Ko musuŋgo uŋgaurukira kumsoro usina‐cawakaɓata here?

⁶Ko hwamanda iŋgaridzwa muguta, ʋanhu ʋakasatya here? Ko guta riŋgawirwa neɀakaipa, Jehova asina‐kuɀiita here?

⁷Ɀirokwaɀo, Ishe Jehova haaŋgaiti cinhu, asina‐kumboziʋisa ʋaranda ʋake ʋaprofita ɀakaʋanzika ɀake.

⁸Shumba yaʋomba; ndiani uŋgarega kutya? Ishe Jehova wakataura; ndiani uŋgarega kuprofita?

⁹Paridzirai mudzimba dzoʋushe paAshdodi, nomudzimba dzoʋushe munyika yeEgipita, muti: Ʋuŋganai pamakomo eSamaria, muʋone ɓope guru riri’po, nokumanikidzwa kuri mukati maro.

¹⁰Nokuti haʋaziʋi kuita ɀakarurama — ndiɀo ɀinotaura Jehova — iʋo ʋanoʋuŋganidza kumanikidza nokupamba mudzimba dzaʋo dzoʋushe.

¹¹Naiɀoɀo ɀanzi naShe Jehova: Muʋeŋgi uri’po, pose‐pose panyika; iye ucakubvisira simba rako, ʋuye dzimba dzako dzoʋushe dzicapambga.

¹²Ɀanzi naJehova: Mufudzi seɀaanobvuta pamuromo weshumba makumbo maʋiri kana cipande cenzeʋe, saiɀoɀo ʋana ʋaIsraeri ʋacabvutwa ʋo, iʋo ʋagere Samaria pamuceto woʋuʋato, ʋuye pamitsamiro yemiceka yesiriki yomubeda.

¹³Inzwai, mupupurire imba yaJakobo — ndiɀo ɀinotaura Ishe Jehova, Mŋari wehondo.

¹⁴Nokuti nezuʋa randicaroʋa Israeri pamsoro pokuɗarika kwaʋo, ndicaroʋa ʋo maartari eBeti‐eri; nyaŋga dzeartari dzicagurwa nokuwira pasi.

¹⁵Ndicaputsa dzimba dzecando pamŋe cete nedzimba dzezhezha; dzimba dzenyaŋga dzenzou dzicaparadzwa, ʋuye dzimba huru dzicapera — ndiɀo ɀinotaura Jehova.