Read Original Shona Union Bible 1949 Baiberi Magwaro Matȿene aMŋari Amosi 4 Bible Online

Amosi 4 - Original Shona Union Bible 1949 Baiberi Magwaro Matȿene aMŋari bible

Amosi 4

¹Inzwai shoko iri, imi mhou dzeBashani, dziri mugomo reSamaria, imi munomanikidza ʋarombo, munopxanya ʋanoshaiwa, munoti kumadzishe enyu: Ʋuyai neɀokunwa tinwe.

²Ishe Jehova wakapika noʋutȿene bgake, aciti: Tarirai, mazuʋa acaʋuya pamsoro penyu, aʋacakukweʋai neɀikokoʋono, ʋuye ʋakasara ʋenyu neɀiredzo ɀehoʋe.

³Mucaɓuɗa napakakoromoka, mumŋe nomumŋe paakatarisana napo; mucarashirwa Harmoni — ndiɀo ɀinotaura Jehova.

⁴Ʋuyai Beti‐eri, muɗarike; ʋuyai Girgari, muwedzere kuɗarika; ʋuyai neɀiɓayiro ɀenyu maŋgwanani ose, ʋuye ɀegumi ɀenyu pazuʋa rimŋe nerimŋe retatu;

⁵ʋuyai neciɓayiro cokuʋoŋga ceɀakaʋiriswa, muraire ɀipiriso ɀomŋoyo, muɀiparidze; nokuti ndiɀo ɀinokufadzai, imi ʋana ʋaIsraeri — ndiɀo ɀinotaura Ishe Jehova.

⁶Ndakakupai ʋo meno akacena pamaguta enyu ose, nokushaiwa ɀokudya panɀimbo dzenyu dzose; kunyaŋge ɀakaɗaro hamuna‐kudzokera kwandiri — ndiɀo ɀinotaura Jehova.

⁷Ndakakunyimai ʋo mvura, kukohwa kucigere mŋedzi mitatu; ndikainisa paguta rimŋe, ndikasainisa panerimŋe guta; imŋe nɀimbo ikanisirwa mvura, nɀimbo isina‐kunisirwa mvura ikawoma.

⁸Naiɀoɀo ʋanhu ʋamaguta maʋiri kana matatu ʋakadzuŋgairira kunerimŋe guta kundonwa mvura, ʋakasaguŋgwa; kunyaŋge ɀakaɗaro hamuna‐kudzokera kwandiri — ndiɀo ɀinotaura Jehova.

⁹Ndakakuroʋai nenyunje nokuvuva; muteteni wakapedza minda yenyu mizhinji, neminda yenyu yemizambiriŋga, nemiʋonde yenyu, nemiorivi yenyu; kunyaŋge ɀakaɗaro hamuna‐kudzokera kwandiri — ndiɀo ɀinotaura Jehova.

¹⁰Ndakatuma pakati penyu hosha yakaipa seɀaɀakaitwa Egipita; majaya enyu ndakaaʋuraya nomunondo, ndikatapa mabiza enyu; ndakaȿitsa kunhuwa kwemisasa yenyu imo mumhino dzenyu; kunyaŋge ɀakaɗaro hamuna‐kudzokera kwandiri — ndiɀo ɀinotaura Jehova.

¹¹Ndakaparadza maguta pakati penyu, Mŋari seɀaakaparadza Sodoma neGomora, imi mukaita secitsika cakabvutwa pamŋoto; kunyaŋge ɀakaɗaro hamuna‐kudzokera kwandiri — ndiɀo ɀinotaura Jehova.

¹²Saka ndicakuitirai iɀi, imi Israeri; ɀino ɀandicakuitirai iɀi, ɀigadzirei kusoŋgana naMŋari wenyu, imi Israeri.

¹³Nokuti tarirai, iye, unoʋumba makomo, unosika mhepo, unoziʋisa munhu ɀiri mumuraŋgariro wake, unoshandura maŋgwanani rikaʋa rima, unotsika panɀimbo dzenyika dzakakwirira, Jehova Mŋari wehondo, ndiro zita rake.