Read Original Shona Union Bible 1949 Baiberi Magwaro Matȿene aMŋari Amosi 6 Bible Online

Amosi 6 - Original Shona Union Bible 1949 Baiberi Magwaro Matȿene aMŋari bible

Amosi 6

¹Ʋanenhamo ʋagere ɀakanaka paZioni, naʋagere pakasimba mugomo reSamaria, iʋo ʋanhu ʋanembiri ʋorudzi rukuru pakati pamarudzi, kunoenda imba yaIsraeri!

²Pfuʋurirai Karne, muʋone; kubva ipapo endai Hamati, iro guta guru; ɀino muende Gati raʋaFiristia; iʋo ʋakakurira ʋushe bgoʋuno here? Nyika yaʋo ihuru kuneyenyu here?

³Iyemi, munoti zuʋa rakaipa riciri kure, mucisweɗedza ɀigaro panoitwa nesimba;

⁴imi, munoʋata pamibeda yenyaŋga dzenzou, mucizamura paʋuʋato bgenyu, mucidya makwaiana amapoka, nemhuru dziri mukati mecirugu;

⁵munoimba nziyo dzisinamaturo mbira dziciridzwa, munoɀiitira ɀinoridzwa saDavidi;

⁶imi, munonwa waini nemidziyo yokuɓayira, mucizora mafuta akaiȿo‐naka; asi hamunehanya nokukuʋadzwa kwaJosefa.

⁷Naiɀoɀo ɀino ʋacatapxa noʋokutaŋga ʋanotapxa; ipapo ruzha rwaʋanozamura rucapfuʋura.

⁸Ishe Jehova wakapika naiye amene‐ndiɀo ɀinotaura Jehova, iye Mŋari wehondo — aciti: Ndinosema kuɀikudza kwaJakobo, ndinoʋeŋga dzimba dzaʋo dzoʋushe; naiɀoɀo ndinoisa guta neɀose ɀiri’mo kuʋaʋeŋgi ʋaʋo.

⁹Ɀino kana ʋarume ʋanegumi ʋakasara muimba imŋe ʋacafa.

¹⁰Kana hama yomunhu wakafa iciʋuya kumutora, iye unozomupisa, icibvisa mafupa mumba, ikati kunouri mukati‐kati meimba: Kucinomumŋe newe here? iye akati: Kwete! ipapo ucati: Nyarara, nokuti haɀina‐kufanira kuti tireʋe zita raJehova.

¹¹Nokuti tarirai, Jehova unoraira, iye ucakoromora imba huru, neimba ɗuku icaita mitswe.

¹²Ko mabiza aŋgamhanya paruware here? Ko paŋgarimŋa neŋombe here? Nokuti makashandura kururamisa mukakuita nduru, neɀiɓereko ɀokururama mukaɀiita gaʋakaʋa;

¹³iyemi, munofarira cinhu cisinamaturo, muciti: Hatinakuɀiwanira nyaŋga nesimba reɗu here?

¹⁴Nokuti tarirai, ndicakumutsirai rumŋe rudzi, imi imba yaIsraeri‐ndiɀo ɀinotaura Jehova, iye Mŋari wehondo; rucakutambudzai kubva paʋanopinda paHamati kuȿikira kurukoʋa rwerenje.