Read Original Shona Union Bible 1949 Baiberi Magwaro Matȿene aMŋari Obadia 1 Bible Online

Obadia 1 - Original Shona Union Bible 1949 Baiberi Magwaro Matȿene aMŋari bible

Obadia 1

¹Ɀakaʋonekwa naObadia. Ɀanzi naShe Jehova pamsoro paEdomi: Takanzwa mashoko akabva kunaJehova, nhume yatumŋa pakati pamarudzi, iciti: Simukai, ŋgatiʋamukire kuzorwa naʋo.

²Tarirai, ndakakuitai ʋaɗuku pakati pamarudzi, makaɀidzwa kwaɀo.

³Kuɀikudza kwemŋoyo yenyu kwakakunyeŋgerai, iyemi, mugere mumikaha yamatombo, munoʋugaro bgakakwirira, ʋanoti mumŋoyo yaʋo: Ndianiko uŋgatiwisira pasi?

⁴Kunyaŋge mukabururukira kumsoro segondo, ʋuye kunyaŋge ɗendere renyu rakaiswa pakati penyeredzi, ndicakuwisirai’po pasi — ndiɀo ɀinotaura Jehova.

⁵Ƌai mbava dzaiȿika kwamuri, kana makororo ʋusiku (haiwa, makaparadzwa sei!) haʋazaiɓa kuȿikira ʋariŋganiswa here? Ƌai ʋatanhi ʋamazambiriŋga ʋaiȿika kwamuri, haʋazaisiya mamŋe mazambiriŋga ari’po here?

⁶Ɀinhu ɀaEsau ɀakanɀerwa sei! Fuma yaʋo, yakaʋanzwa, yakafukunurwa sei!

⁷Ʋanhu ʋose ʋaiʋa nesuŋgano nemi, ʋakakuperekedzai kuȿikira kumuganho; ʋanhu, ʋaigara norugare nemi, ʋakakunyeŋgerai, ʋakakukundai; ʋanodya ɀokudya ɀenyu, ʋanokuteyerai musuŋgo pasi penyu, haʋanenjere mukati maʋo.

⁸Ko handiŋgaparadzi nezuʋa iro ʋacenjeri pakati paEdomi, nenjere pagomo raEsau here? — ndiɀo ɀinotaura Jehova.

⁹Mhare dzako, iwe Temani, dzicavunduka, kuti ʋose ʋapere nokuʋurawa pagomo raEsau.

¹⁰Ucafukidzwa nokunyara nemhaka yokuti wakamukira munuŋuna wako simba, ucaparadzwa nokusiŋgaperi.

¹¹Nezuʋa ramakaŋga mumire’po makatarisana naʋo, nezuʋa raʋakatorerwa fuma yaʋo naʋatorwa, ʋasi ʋenyika iyo ʋacipinda masuʋo aʋo, ʋacikanda mijenya pamsoro peJerusarema, nemi ʋo makaŋga makaita somumŋe waʋo.

¹²Asi regai kutarira zuʋa romunuŋuna wenyu, mucifarira zuʋa renjodzi yaʋo, murege kufara pamsoro paʋana ʋaJuda nezuʋa rokuparadzwa kwaʋo; ʋuye regai kutaura muciɀikudza nezuʋa rokumanikidzwa kwaʋo.

¹³Regai kupinda pasuʋo raʋanhu ʋaŋgu nezuʋa renhamo yaʋo; regai kutarira njodzi yaʋo nezuʋa renhamo yaʋo, regai kuʋatorera fuma yaʋo nezuʋa renhamo yaʋo.

¹⁴Regai kumira pamharadzano, kuti muparadze ʋanhu ʋaʋo ʋanopukunyuka; regai kuisa kuʋaʋeŋgi ʋaʋo ʋanhu ʋaʋo ʋakasara nezuʋa rokumanikidzwa kwaʋo.

¹⁵Nokuti zuʋa raJehova rasweɗera kumarudzi ose; seɀamakaitira ʋamŋe, mucaitirwa ʋo saiɀoɀo; ɀamakaita ɀicadzokera pamisoro yenyu.

¹⁶Nokuti seɀamakanwa pagomo raŋgu dɀene, saiɀoɀo marudzi ose acaramba acinwa; ɀirokwaɀo, ʋacanwa, nokumedza, ʋacaita saʋasina‐kumboʋa’po.

¹⁷Asi pagomo reZioni ndi’po pacaʋa naʋakapukunyuka, ricaʋa gomo dɀene; imba yaJakobo icadzoserwa nhaka yayo.

¹⁸Imba yaJakobo icaʋa mŋoto, imba yaJosefa muraɀo womŋoto, ʋuye imba yaEsau mashaŋga; ʋacapisa ʋamŋe pakati paʋo, nokuʋapedza; hakucinaʋacasarira imba yaEsau, nokuti Jehova wakataura iɀoɀo.

¹⁹Ʋokurutiʋi rwezasi ʋacatora gomo raEsau, ʋokumapani ʋacatora nyika yaʋaFiristia; ʋacatora nyika yaEfraimi nenyika yeSamaria; Benjamini ʋacatora nyika yeGireadi.

²⁰Ʋatapxa ʋehondo iyi yaʋana ʋaIsraeri, ʋagere pakati paʋaKanani, ʋacatora nyika kuȿikira Zarefati; ʋatapxa ʋeJerusarema, ʋari Sefaradi, ʋacatora maguta okurutiʋi rwezasi.

²¹Ʋaponesi ʋacakwira pagomo reZioni kuzotoŋga gomo raEsau; ʋushe ʋucaʋa bgaJehova.