Read Original Shona Union Bible 1949 Baiberi Magwaro Matȿene aMŋari Jona 3 Bible Online

Jona 3 - Original Shona Union Bible 1949 Baiberi Magwaro Matȿene aMŋari bible

Jona 3

¹Ɀino shoko raJehova rakaȿika rwecipiri kunaJona, riciti:

²Simuka, uende Nineve, riya guta guru, undoriparidzira ɀandicakuraira kuti uparidze.

³Ipapo Jona akasimuka, akaenda Nineve, seɀaakarairwa neshoko raJehova. Ɀino Nineve raiʋa guta guru‐guru, rwendo rwamazuʋa matatu kurupoteredza.

⁴Jona akataŋga kupinda muguta, acifamba rwendo rwezuʋa rimŋe, akaɗana, aciti: Kwasara mazuʋa anamakumi manna, ipapo Nineve ricaparadzwa.

⁵Ʋanhu ʋeNineve ʋakatenda Mŋari, ʋakatara ŋguʋa yokuɀinyima ɀokudya, ʋakafuka masaga, kubva kuʋakuru pakati paʋo kuȿikira kuʋaɗuku pakati paʋo.

⁶Shoko rikaȿika kunamambo weNineve, akasimuka pacigaro cake coʋushe, akabvisa ŋguʋo yake, akafuka saga, nokugara mumaɗota.

⁷Akaraira, akaparidza muNineve rose cireʋo camambo necaʋakuru ʋake, aciti: Ʋanhu kana ɀipfuwo, kana ŋombe kana makwai, ŋgaɀirege kutoŋgoraʋira cinhu, ŋgaɀirege kufura kana kunwa mvura;

⁸asi ʋanhu neɀipfuwo ŋgaɀifukidzwe masaga, ŋgaʋaɗane kunaMŋari nesimba; ŋgaʋatendeʋuke mumŋe nomumŋe panzira yake yakaipa napakuita nesimba namaʋoko ake.

⁹Ndianiko uŋgaziʋa, ɀimŋe Mŋari uŋgadzoka akaɀiɗemba, akadzoka pakutsamŋa kwake kukuru, tikarega kuparadzwa?

¹⁰Mŋari akaʋona ɀaʋakaita, kuti ʋakatendeʋuka panzira yaʋo yakaipa, Mŋari akaɀiɗemba pamsoro peɀakaipa ɀaakati ndicaʋaitira; akasaɀiita.