Read Original Shona Union Bible 1949 Baiberi Magwaro Matȿene aMŋari Numeri 1 Bible Online

Numeri 1 - Original Shona Union Bible 1949 Baiberi Magwaro Matȿene aMŋari bible

Numeri 1

¹Ɀino Jehova wakataura naMosesi murenje reSinai, patente rokusoŋgana, nezuʋa rokutaŋga romŋedzi wecipiri negore recipiri rokuɓuɗa kwaʋo Egipita, akati:

²Ʋereŋga ʋuŋgano yose yaʋana ʋaIsraeri, mhuri dzaʋo, nedzimba dzamadziɓaɓa aʋo, namazita aʋarume ʋose, mumŋe nomumŋe.

³Iwe naAroni muʋereŋge mapoka aʋo, ʋanamakore anamakumi maʋiri naʋanopfuʋura, ʋose pakati paʋaIsraeri ʋanogona kundorwa.

⁴Munofanira kuenda nomurume worudzi rumŋe norumŋe, mukuru weimba yamadziɓaɓa ake.

⁵Ndiwo mazita aʋarume ʋanofanira kukuɓatsirai: WokwaRubeni, Erizuri, mŋanakomana waShedeuri.

⁶WokwaSimeoni, Sherumieri, mŋanakomana waZurishadai.

⁷WokwaJuda, Nashoni, mŋanakomana waAminadabi.

⁸WokwaIsakari, Netaneri, mŋanakomana waZuari.

⁹WokwaZeburuni, Eriabi, mŋanakomana waHeroni.

¹⁰Ʋokuʋana ʋaJosefa: WokwaEfraimi, Erishama, mŋanakomana waAmihudi; wokwaManase, Gamarieri, mŋanakomana waPedazuri.

¹¹WokwaBenjamini, Abidani, mŋanakomana waGideoni.

¹²WokwaDani, Ahiezeri, mŋanakomana waAmishadai.

¹³WokwaAsheri, Pagieri, mŋanakomana waOkrani.

¹⁴WokwaGadi, Eriasafi, mŋanakomana waDeueri.

¹⁵WokwaNaftari, Ahira, mŋanakomana waEnani.

¹⁶Ndiʋo ʋakaɗanwa paʋuŋgano, ari macinda amarudzi amadziɓaɓa aʋo, ʋakuru ʋedzimba dzaʋaIsraeri.

¹⁷Ɀino Mosesi naAroni ʋakatora ʋarume aʋa ʋarebga mazita aʋo,

¹⁸ʋakakoka ʋuŋgano yose nezuʋa rokutaŋga romŋedzi wecipiri, iʋo ʋakaʋarondedzera marudzi aʋo, mhuri dzaʋo, nedzimba dzamadziɓaɓa aʋo, namazita aʋose ʋakaŋga ʋanamakore anamakumi maʋiri naʋanopfuʋura, mumŋe nomumŋe.

¹⁹Akaʋaʋereŋga murenje reSinai, seɀakaŋga ɀarairwa Mosesi naJehova.

²⁰Ʋokuʋana ʋaRubeni, mŋanakomana weɗaŋgwe waIsraeri naʋana ʋaʋo, ʋakaʋereŋgwa mhuri dzaʋo, nedzimba dzamadziɓaɓa aʋo, namazita aʋo, mumŋe nomumŋe, ʋarume ʋose ʋakaŋga ʋanamakore makumi maʋiri naʋanopfuʋura, ʋose ʋaigona kundorwa,

²¹ʋakaʋereŋgwa kwaʋari, ʋorudzi rwaRubeni ʋakaȿika ɀuru ɀinamakumi manna neɀitanhatu namazana mashanu.

²²Ʋokuʋana ʋaSimeoni, namarudzi aʋo, ʋakaʋereŋgwa mhuri dzaʋo, nedzimba dzamadziɓaɓa aʋo, ʋose ʋakaʋereŋgwa kwaʋari namazita aʋo, ʋose ʋakaŋga ʋanamakore makumi maʋiri naʋanopfuʋura, ʋose ʋaigona kundorwa,

²³ʋakaʋereŋgwa kwaʋari, ʋorudzi rwaSimeoni, ʋakaȿika ɀuru ɀinamakumi mashanu neɀipfumbamŋe namazana matatu.

²⁴Ʋokuʋana ʋaGadi, naʋana ʋaʋo, ʋakaʋereŋgwa mhuri dzaʋo, nedzimba dzamadziɓaɓa aʋo, namazita aʋo, ʋose ʋakaŋga ʋanamakore makumi maʋiri naʋanopfuʋura, ʋose ʋaigona kundorwa,

²⁵ʋakaʋereŋgwa kwaʋari, ʋorudzi rwaGadi, ʋakaȿika ɀuru ɀinamakumi manna neɀishanu namazana matanhatu namakumi mashanu.

²⁶Ʋokuʋana ʋaJuda, naʋana ʋaʋo, ʋakaʋereŋgwa mhuri dzaʋo, nedzimba dzamadziɓaɓa aʋo, namazita aʋo, ʋakaŋga ʋanamakore makumi maʋiri naʋanopfuʋura, ʋose ʋaigona kundorwa,

²⁷ʋakaʋereŋgwa kwaʋari, ʋorudzi rwaJuda, ʋakaȿika ɀuru ɀinamakumi manomŋe neɀinna namazana matanhatu.

²⁸Ʋokuʋana ʋaIsakari, naʋana ʋaʋo, ʋakaʋereŋgwa mhuri dzaʋo, nedzimba dzamadziɓaɓa aʋo, namazita aʋo, ʋakaŋga ʋanamakore makumi maʋiri naʋanopfuʋura, ʋose ʋaigona kundorwa,

²⁹ʋakaʋereŋgwa kwaʋari, ʋorudzi rwaIsakari, ʋakaȿika ɀuru ɀinamakumi mashanu namazana manna.

³⁰Ʋokuʋana ʋaZeburuni, naʋana ʋaʋo, ʋakaʋereŋgwa mhuri dzaʋo, nedzimba dzamadziɓaɓa aʋo, namazita aʋo, ʋakaŋga ʋanamakore makumi maʋiri naʋanopfuʋura, ʋose ʋaigona kundorwa,

³¹ʋakaʋereŋgwa kwaʋari, ʋorudzi rwaZeburuni, ʋakaȿika ɀuru ɀinamakumi mashanu neɀinomŋe namazana mashanu.

³²Ʋokuʋana ʋaJosefa, iʋo ʋana ʋaEfraimi, naʋana ʋaʋo, ʋakaʋereŋgwa mhuri dzaʋo, nedzimba dzamadziɓaɓa aʋo, namazita aʋo, ʋakaŋga ʋanamakore makumi maʋiri, ʋose ʋaigona kundorwa,

³³ʋakaʋereŋgwa kwaʋari, ʋorudzi rwaEfraimi, ʋakaȿika ɀuru ɀinamakumi manna namazana mashanu.

³⁴Ʋokuʋana ʋaManase, naʋana ʋaʋo, ʋakaʋereŋgwa mhuri dzaʋo, nedzimba dzamadziɓaɓa aʋo, namazita aʋo, ʋakaŋga ʋanamakore makumi maʋiri naʋanopfuʋura, ʋose ʋaigona kundorwa,

³⁵ʋakaʋereŋgwa kwaʋari, ʋorudzi rwaManase, ʋakaȿika ɀuru ɀinamakumi matatu neɀiʋiri namazana maʋiri.

³⁶Ʋokuʋana ʋaBenjamini, naʋana ʋaʋo, ʋakaʋereŋgwa mhuri dzaʋo, nedzimba dzamadziɓaɓa aʋo, namazita aʋo, ʋakaŋga ʋanamakore makumi maʋiri naʋanopfuʋura, ʋose ʋaigona kundorwa,

³⁷ʋakaʋereŋgwa kwaʋari, ʋorudzi rwaBenjamini, ʋakaȿika ɀuru ɀinamakumi matatu neɀishanu namazana manna.

³⁸Ʋokuʋana ʋaDani, naʋana ʋaʋo, ʋakaʋereŋgwa mhuri dzaʋo, nedzimba dzamadziɓaɓa aʋo, namazita aʋo, ʋakaŋga ʋanamakore makumi maʋiri naʋanopfuʋura, ʋose ʋaigona kundorwa,

³⁹ʋakaʋereŋgwa kwaʋari, ʋorudzi rwaDani, ʋakaȿika ɀuru ɀinamakumi matanhatu namazana manomŋe.

⁴⁰Ʋokuʋana ʋaAsheri, naʋana ʋaʋo, ʋakaʋereŋgwa mhuri dzaʋo, nedzimba dzamadziɓaɓa aʋo, namazita aʋo, ʋakaŋga ʋanamakore makumi maʋiri naʋanopfuʋura, ʋose ʋaigona kundorwa,

⁴¹ʋakaʋereŋgwa kwaʋari, ʋorudzi rwaAsheri, ʋakaȿika ɀuru ɀinamakumi manna necuru cimŋe, namazana mashanu.

⁴²Ʋokuʋana ʋaNaftari, naʋana ʋaʋo, ʋakaʋereŋgwa mhuri dzaʋo, nedzimba dzamadziɓaɓa aʋo, namazita aʋo, ʋakaŋga ʋanamakore makumi maʋiri naʋanopfuʋura, ʋose ʋaigona kundorwa,

⁴³ʋakaʋereŋgwa kwaʋari, ʋorudzi rwaNaftari, ʋakaȿika ɀuru ɀinamakumi mashanu neɀitatu namazana manna.

⁴⁴Ndiʋo ʋakaʋereŋgwa, ʋakaʋereŋgwa naMosesi naAroni, namacinda aʋaIsraeri; ʋaiʋa ʋarume ʋanegumi naʋaʋiri, mumŋe nomumŋe panɀimbo yeimba yaɓaɓa ʋake.

⁴⁵Naiɀoɀo ʋose ʋakaʋereŋgwa ʋaʋana ʋaIsraeri nedzimba dzamadziɓaɓa aʋo, ʋakaŋga ʋanamakore makumi maʋiri naʋanopfuʋura, ʋose ʋaigona kundorwa pakati paʋaIsraeri,

⁴⁶ʋose ʋakaʋereŋgwa ʋakaȿika ɀuru ɀinamazana matanhatu neɀitatu namazana mashanu namakumi mashanu.

⁴⁷Asi ʋaRevi, norudzi rwamadziɓaɓa aʋo, haʋana‐kuʋereŋgwa pakati paʋo.

⁴⁸Nokuti Jehova wakaŋga ataura naMosesi, akati:

⁴⁹Asi ʋorudzi rwaRevi ʋoga usaʋaʋereŋga, usaʋaʋereŋgera pakati paʋana ʋaIsraeri;

⁵⁰asi ʋaRevi uʋagadze, ʋaʋe ʋatariri ʋetabernakeri yecipupuriro, nenhumbi dzayo dzose, neɀose ɀayo; ndiʋo ʋanofanira kutakura tabernakeri, nenhumbi dzayo dzose, nokushumira’po, nokukomba tabernakeri nemisasa yaʋo.

⁵¹Ɀino kana tabernakeri icipfuʋura mberi, ʋaRevi ndiʋo ʋanofanira kuibvisa; ʋuye kana tabernakeri icidzikwa ɀe, ʋaRevi ndiʋo ʋanofanira kuiʋaka; munhu usina‐kufanira unosweɗera’ko, unofanira kuʋurawa.

⁵²Ʋana ʋaIsraeri ʋanofanira kudzika matente aʋo, mumŋe nomumŋe pamisasa yoʋokwake, mumŋe nomumŋe pamureza woʋokwake, ʋaciita mapoka aʋo.

⁵³Asi ʋaRevi ʋanofanira kudzika matente aʋo ʋacikomba tabernakeri yecipupuriro, kuti ʋuŋgano yaʋana ʋaIsraeri irege kutsamŋirwa; ʋaRevi ʋanofanira kuɓata maɓasa etabernakeri yecipupuriro.

⁵⁴Ʋana ʋaIsraeri ʋakaita saiɀoɀo; Mosesi seɀaakarairwa naJehova, ndiɀo ɀaʋakaita.