Read Original Shona Union Bible 1949 Baiberi Magwaro Matȿene aMŋari Numeri 10 Bible Online

Numeri 10 - Original Shona Union Bible 1949 Baiberi Magwaro Matȿene aMŋari bible

Numeri 10

¹Ɀino Jehova wakataura naMosesi, akati:

²Uɀiitire hwamanda mbiri dzesirveri; unofanira kudziita nesirveri yakapambadzirwa; idzo dzinofanira kukuɓatsira kuɗana ʋuŋgano nokuraira kuti mapoka afambe.

³Kana ʋacidziridza ʋuŋgano yose inofanira kuʋuŋgana kwauri pamukoʋa wetente rokusoŋgana.

⁴Kana ʋaciridza imŋe cete, ɀino macinda ʋari ʋakuru ʋeɀuru ɀaʋaIsraeri ʋanofanira kuʋuŋgana kwauri.

⁵Kana muciridzisa, mapoka okurutiʋi rwamabvazuʋa anofanira kusimuka, ʋafambe.

⁶Kana muciridzisa rwecipiri mapoka okurutiʋi rwezasi anofanira kusimuka, ʋafambe; ʋanofanira kuridzisa kana ʋofamba nzendo.

⁷Asi kana ʋuŋgano icifanira kuʋuŋganidzwa, munofanira kuridza, asi musaridzisa.

⁸Ʋanakomana ʋaAroni, ʋaprista, ndiʋo ʋanofanira kuridza hwamanda; ŋgaɀiʋe tsika kwamuri nokusiŋgaperi kuȿikira kumarudzi enyu ose.

⁹Kana mucindorwa munyika yenyu nomuʋeŋgi unokumanikidzai, munofanira kuridzisa nehwamanda; ipapo mucaraŋgarirwa pamberi paJehova Mŋari wenyu, mugoponeswa paʋaʋeŋgi ʋenyu.

¹⁰Ʋuye nomusi wamunofara nawo, napamitambo yenyu yakatarwa, napakutaŋga kwemŋedzi yenyu, munofanira kuridza hwamanda pamsoro peɀipiriso ɀenyu ɀinopiswa, napamsoro peɀiɓayiro ɀeɀipiriso ɀokuyananisa, kuti Jehova akuraŋgarirei naɀo; ndini Jehova Mŋari wenyu.

¹¹Ɀino negore recipiri, nomŋedzi wecipiri, nezuʋa ramakumi maʋiri romŋedzi, gore rakasimudzwa pamsoro petabernakeri yecipupuriro.

¹²Ipapo ʋana ʋaIsraeri ʋakasimuka murenje reSinai, kuzofamba nzendo dzaʋo; gore rikandomira murenje reParani.

¹³Ʋakataŋga kufamba seɀaʋakarairwa naJehova nomuromo waMosesi.

¹⁴Pakutaŋga mureza weɓoka raʋana ʋaJuda wakasimuka namapoka aʋo; ɓoka rake rakaŋga ricirairwa naNashoni, mŋanakomana waAminadabi.

¹⁵Ƃoka rorudzi rwaʋana ʋaIsakari rakaŋga ricirairwa naNetaneri, mŋanakomana waZuari.

¹⁶Ƃoka rorudzi rwaZeburuni rakaŋga ricirairwa naEriabi, mŋanakomana waHeroni.

¹⁷Ɀino tabernakeri yakabviswa, ʋanakomana ʋaGershoni naʋanakomana ʋaMerari, ʋatakuri ʋetabernakeri, ʋakasimuka.

¹⁸Ɀino mureza weɓoka raRubeni wakasimuka namapoka aʋo; ɓoka rake rakaŋga ricirairwa naErizuri, mŋanakomana waShedeuri.

¹⁹Ƃoka rorudzi rwaʋana ʋaSimeoni rakaŋga ricirairwa naSherumieri, mŋanakomana waZurishadai.

²⁰Ƃoka rorudzi rwaʋana ʋaGadi rakaŋga ricirairwa naEriasafi, mŋanakomana waDeureri.

²¹Ɀino ʋaKohati ʋakasimuka, ʋakatakura imba tȿene; ʋamŋe ʋakamisa tabernakeri iʋo ʋacigere kuȿika.

²²Ɀino mureza weɓoka raʋana ʋaEfraimi wakasimuka namapoka aʋo; ɓoka rake rakaŋga ricirairwa naErishama, mŋanakomana waAmihudi.

²³Ƃoka rorudzi rwaʋana ʋaManase rakaŋga ricirairwa naGamarieri, mŋanakomana waPedashuri.

²⁴Ƃoka rorudzi rwaʋana ʋaBenjamini rakaŋga ricirairwa naAbidani, mŋanakomana waGideoni.

²⁵Ipapo mureza weɓoka raʋana ʋaDani, ndiʋo ʋokupedzisira pamapoka ose, ʋakasimuka namapoka aʋo; ɓoka rake rakaŋga ricirairwa naAhiezeri, mŋanakomana waAmishadai.

²⁶Ƃoka rorudzi rwaʋana ʋaAsheri rakaŋga ricirairwa naPagieri, mŋanakomana waOkrani.

²⁷Ƃoka rorudzi rwaʋana ʋaNaftari rakaŋga ricirairwa naAhira, mŋanakomana waEnani.

²⁸Ndiko kufamba kwaʋana ʋaIsraeri namapoka aʋo; ʋakasimuka.

²⁹Ɀino Mosesi akati kunaHobabi, mŋanakomana waReueri, muMidiani, mukarabga waMosesi: Toenda kunɀimbo iyo yakanzi naJehova, ndicakupai iyo; endai nesu, tigokuitirai ɀakanaka, nokuti Jehova wakataura ɀakanaka pamsoro paʋaIsraeri.

³⁰Iye akati kwaari: Handiŋgaendi, asi ndicaenda haŋgu kunyika yaŋgu nokuhama dzaŋgu.

³¹Iye akati: Ndinonyeŋgetera kuti murege henyu kutisiya, ɀamunoziʋa mudzikirwe wamatente eɗu murenje, mucaʋa meso eɗu.

³²Kana mukaenda nesu, kana Jehova akatiitira ɀakanaka ɀipi neɀipi, ticakuitirai iɀoɀo ʋo.

³³Ɀino ʋakasimuka pagomo raJehova, ʋakafamba mazuʋa matatu; areka yesuŋgano yaJehova ikaʋatuŋgamirira mazuʋa matatu, kuʋatȿakira pokuzorora.

³⁴Gore raJehova rikaʋa pamsoro paʋo masikati pakusimuka kwaʋo pamisasa.

³⁵Ɀino areka yakati yasimuka, Mosesi akati: Simukai Jehova, ʋaʋeŋgi ʋenyu ŋgaʋaparadzwe; naʋanokuʋeŋgai ŋgaʋatize pamberi penyu.

³⁶Ɀino pakuzorora kwayo, akati: Dzokai Jehova, kuɀuru ɀinegumi ɀeɀuru ɀaʋaIsraeri.