Read Original Shona Union Bible 1949 Baiberi Magwaro Matȿene aMŋari Numeri 13 Bible Online

Numeri 13 - Original Shona Union Bible 1949 Baiberi Magwaro Matȿene aMŋari bible

Numeri 13

¹Ɀino Jehova wakataura naMosesi, akati:

²Tuma ʋarume kuti ʋandoshora nyika yeKanani, yandicapa ʋana ʋaIsraeri; utume mumŋe worudzi rumŋe norumŋe rwamadziɓaɓa aʋo, ʋose ʋaʋe ʋakuru pakati paʋo.

³Mosesi akaʋatuma, ʋakabva murenje reParani, nokuraira kwaJehova, ʋose ʋaʋo ʋari ʋarume ʋaiʋa ʋakuru ʋaʋana ʋaIsraeri.

⁴Ndiwo mazita aʋo: Ʋokurudzi rwaRubeni, Shamua, mŋanakomana waZakuri.

⁵Ʋokurudzi rwaSimeoni, Shafati, mŋanakomana waHori.

⁶Ʋokurudzi rwaJuda, Karebi, mŋanakomana waJefune.

⁷Ʋokurudzi rwaIsakari, Igari, mŋanakomana waJosefa.

⁸Ʋokurudzi rwaEfraimi, Hoshea, mŋanakomana waNuni.

⁹Ʋokurudzi rwaBenjamini, Parti, mŋanakomana waRafu.

¹⁰Ʋokurudzi rwaZeburuni, Gadieri, mŋanakomana waSodi.

¹¹Ʋokurudzi rwaJosefa, irwo rudzi rwaManase, Gadi, mŋanakomana waSusi.

¹²Ʋokurudzi rwaDani, Amieri, mŋanakomana waGemari.

¹³Ʋokurudzi rwaAsheri, Seturi, mŋanakomana waMikaeri.

¹⁴Ʋokurudzi rwaNaftari, Nabi, mŋanakomana waVofsi.

¹⁵Ʋokurudzi rwaGadi, Geueri, mŋanakomana waMaki.

¹⁶Ndiwo mazita aʋarume ʋakatumŋa naMosesi kundoshora nyika. Mosesi akatumidza Hoshea, mŋanakomana waNuni, zita rinonzi Joshua.

¹⁷Mosesi akaʋatuma kundoshora nyika yeKanani, akati kwaʋari: Endai nenzira iyi yeZasi, mukwire mumakomo;

¹⁸mundoʋone‐nyika, kuti yakaɗiniko, naʋanhu ʋagere’mo, kana ʋanesimba, kana ʋasina, kana ʋari ʋashoma, kana ʋari ʋazhinji;

¹⁹nenyika ʋo yaʋagere’mo, kuti yakaɗiniko, kana yakanaka, kana yakaipa; namaguta maʋagere, kuti akaɗiniko, kana ʋagere mumisasa kana munhare;

²⁰nevu, kuti rakaɗiniko, kana rakaʋorera kana risinakuʋorera, kana panemiti kana pasinemiti; tsuŋgai mŋoyo, mugoʋuya neɀiɓereko ɀenyika iyo. Ɀino yaiʋa ŋguʋa yokutaŋga kuibva kwamazambiriŋga.

²¹Naiɀoɀo ʋakakwira ʋakandoshorenyika, ʋacibva murenje reZini, kuȿikira Rehobi, paʋanopinda Hamati.

²²Ʋakapinda neZasi, ʋakaȿika Hebroni; ipapo pakaŋga panaAhimani naSheshai naTarmai, ʋanakomana ʋaAnaki. (Pakuʋakwa Hebroni rakataŋgira Zoani paEgipita namakore manomŋe.)

²³Ʋakandoȿika pamupata weEshkori, ʋakatema ɗaʋi raiʋa nesumbu rimŋe ramazambiriŋga, ʋakaritakura paɗanda pakati paʋanhu ʋaʋiri; ʋakaʋuya ʋo namatamba namaʋonde.

²⁴Nɀimbo iyo ʋakaitumidza mupata weEshkori nokuɗa kwesumbu rakatemŋa’po naʋana ʋaIsraeri.

²⁵Mazuʋa anamakumi manna akati apera, ʋakadzoka pakushore‐nyika.

²⁶Ʋakaȿika kunaMosesi naAroni neʋuŋgano yose yaʋana ʋaIsraeri, murenje reParani paKadeshi, ʋakaʋaʋudza mashoko nokuʋaratidza iʋo neʋuŋgano yose ɀiɓereko ɀenyika iyo.

²⁷Ʋakamuʋudza, ʋakati: Takaenda kunyika iyo kwamakatituma; ɀirokwaɀo inoyerera mukaka noʋuci; iɀi ndiɀo ɀiɓereko ɀayo.

²⁸Asi ʋanhu ʋagere munyika iyo ʋanesimba, maguta akakombga namaȿiŋgo, makuru kwaɀo; ʋuye, takaʋona’po ʋana ʋaAnaki.

²⁹ƲaAmareki ʋagere munyika neceZasi, naʋaHeti, naʋaJebusi, naʋaAmori ʋagere mumakomo; ʋaKanani ʋagere paguŋgwa, nokurutiʋi rwaJoridani.

³⁰Ipapo Karebi akanyaradza ʋanhu pamberi paMosesi, akati: Ŋgatikwire pakarepo, tindoitora, nokuti tinogona kwaɀo kuikunda.

³¹Asi ʋamŋe ʋarume ʋakaŋga ʋakwira naye, ʋakati: Hatigoni kukwira kundorwa naʋanhu aʋo, nokuti ʋanotikurira nesimba.

³²Naiɀoɀo ʋakaʋuya kuʋana ʋaIsraeri neshoko rakaipa pamsoro penyika iyo, yaʋakaŋga ʋaenda kundoishora, ʋaciti: Nyika iyo yatakapfuʋura napakati payo kuishora, inyika inopedza ʋanhu ʋagere’mo; ʋanhu ʋose ʋatakaʋona’mo ʋaiʋa ʋarume ʋakakura kwaɀo.

³³Takaʋona’po ʋanhu ʋarefu, ʋana ʋaAnaki, ʋanobva paʋarefu; kana ticiɀifananidza, takaŋga takaita semhashu, ndoɀatakaŋga takaita kwaʋari ʋo.