Read Original Shona Union Bible 1949 Baiberi Magwaro Matȿene aMŋari Numeri 14 Bible Online

Numeri 14 - Original Shona Union Bible 1949 Baiberi Magwaro Matȿene aMŋari bible

Numeri 14

¹Ɀino ʋuŋgano yose yakacema ɀikuru; ʋanhu ʋakacema ʋusiku ibgobgo.

²Ʋana ʋaIsraeri ʋose ʋakapopotera Mosesi naAroni, ʋuŋgano yose ikati kwaʋari: Haiwa, Ƌai takafira heɗu munyika yeEgipita! Ƌai takafira heɗu murenje rino!

³Jehova wakaʋuyireiko nesu munyika ino, tiʋurawe nomunondo? Ʋakadzi ʋeɗu naʋana ʋeɗu ʋacatapxa. Hakuzaiʋa nani kuti tidzokere Egipita here?

⁴Ʋakataurirana, ʋakati: Ŋgatiɀitȿakire mukuru, tidzokere Egipita.

⁵Ipapo Mosesi naAroni ʋakawira pasi neɀiso ɀaʋo pamberi peʋuŋgano yose yaʋana ʋaIsraeri.

⁶NaJoshua, mŋanakomana waNuni, naKarebi, mŋanakomana waJefune, ʋakaŋga ʋandoshore‐nyika pamŋe cete naʋamŋe, ʋakabvarura ŋguʋo dzaʋo,

⁷ʋakataura neʋuŋgano yose yaʋana ʋaIsraeri, ʋakati: Nyika yatakapfuʋura napakati payo kuishora, inyika yakanaka kwaɀo‐kwaɀo.

⁸Kana Jehova acifara nesu, ucatiisa kunyika iyo, nokutipa iyo; inyika inoyerera mukaka noʋuci.

⁹Asi regai kumukira Jehova, ʋuye musatya ʋanhu ʋenyika iyo, nokuti iʋo ɀokudya ɀeɗu; mumvuri waʋo wabviswa pamsoro paʋo, Jehova unesu, regai kutya.

¹⁰Asi ʋuŋgano yose yakati ʋatakwe namabge. Ipapo kubginya kwaJehova kwakaʋonekwa mutente rokusoŋgana naʋana ʋaIsraeri ʋose.

¹¹Ɀino Jehova akati kunaMosesi: Ʋanhu aʋa ʋacandiɀidza kuȿikira riniko? Ʋacaramba kunditenda ini kuȿikira riniko, neɀishamiso ɀose ɀandakaita pakati paʋo?

¹²Ndicaʋaroʋa neɗenda, nokuʋatorera nhaka yaʋo, ndikuite iwe rudzi runoʋakunda iʋo noʋukuru nesimba.

¹³Mosesi akati kunaJehova: ƲaEgipita ʋacaɀinzwa, nokuti makaɓuɗisa ʋanhu aʋa pakati paʋo nesimba renyu;

¹⁴ʋacaʋudza ʋanhu ʋagere munyika ino iɀoɀo; iʋo ʋakanzwa kuti imi Jehova muri pakati paʋanhu aʋa, nokuti imi Jehova munoʋonekwa naʋo pacena, gore renyu rinomira pamsoro paʋo, nemi munoʋatuŋgamirira masikati neshoŋgwe yegore, noʋusiku neshoŋgwe yomŋoto.

¹⁵Ɀino kana mukaʋuraya ʋanhu aʋa ʋose‐ʋose, ndudzi dzaʋanhu, dzakanzwa mukurumbira wenyu, dzicataura, dziciti:

¹⁶Jehova wakaŋga asiŋgagoni kuisa ʋanhu aʋa kunyika yaakaŋga aʋapikira, saka wakaʋaʋuraya murenje.

¹⁷Ɀino ndinokumbira kuti simba raShe waŋgu riʋe guru, seɀamakataura, muciti:

¹⁸Jehova unononoka kutsamŋa, unenyasha huru, unokaŋganwira ɀakaipa nokuɗarika; haaŋgatoŋgopembedzi munhu unemhoȿa; unoroʋa ʋana nokuɗa kweɀakaipa ɀamadziɓaɓa aʋo, kuȿikira kurudzi rwecitatu norwecinna.

¹⁹Ndinokumbira kuti mukaŋganwire henyu ɀakaipa ɀaʋanhu aʋa noʋukuru bgenyasha dzenyu, ʋuye seɀamakakaŋganwira ʋanhu aʋa kubva Egipita kuȿikira ɀino.

²⁰Ipapo Jehova akati: Ndakaŋganwira seɀawakumbira.

²¹Asi ɀirokwaɀo, noʋupenyu bgaŋgu, ʋuye nyika yose ɀaicazara nokubginya kwaJehova,

²²ʋarume aʋa ʋose ʋakaʋona kubginya kwaŋgu neɀiratidzo ɀaŋgu, ɀandakaita muEgipita nomurenje, ʋakandiidza ɀino runegumi, ʋasiŋgatereri inzwi raŋgu,

²³ɀirokwaɀo, haʋaŋgaʋoni nyika yandakapikira madziɓaɓa aʋo; hakunomumŋe waʋakandiɀidza ucaiʋona,

²⁴asi muranda waŋgu Karebi, nokuti wakaŋga anomumŋe mŋeya mukati make, akanditeʋera nomŋoyo wose, ndiye wandicapinza munyika maakambopinda; icaʋa yaʋana ʋake.

²⁵Ɀino ʋaAmareki naʋaKanani ʋaigara mumupata uyo; maŋgwana dzokai, muende kurenje nenzira inoenda kuGuŋgwa Dɀuku.

²⁶Ɀino Jehova wakataura naMosesi naAroni, akati:

²⁷Ʋuŋgano iyi yakaipa icaramba icindinyunyutira kuȿikira riniko? Ndakanzwa kunyunyuta kwaʋana ʋaIsraeri, kwaʋanondinyunyutira nako.

²⁸Uti kwaʋari: Ɀanzi naJehova: Ɀirokwaɀo, noʋupenyu bgaŋgu, seɀamakataura munzeʋe dzaŋgu, ndiɀo ɀandicakuitirai.

²⁹Ɀitunha ɀenyu ɀicawira murenje rino; imi mose makaʋereŋgwa, nokuwanda kwenyu kwose, ʋose ʋanamakore makumi maʋiri naʋanopfuʋura, ʋakandinyunyutira,

³⁰ɀirokwaɀo, imi hamuŋgapindi munyika yandakupikirai, ndiciti, ndicakugarisai’mo, asi Karebi, mŋanakomana waJefune, naJoshua, mŋanakomana waNuni.

³¹Asi ʋana ʋenyu ʋamakati ʋacatapxa, ndiʋo ʋandicapinza; iʋo ʋacaziʋa nyika yamakaramba imi.

³²Asi kana muri’mi, ɀitunha ɀenyu ɀicawira murenje rino.

³³Ʋana ʋenyu ʋacadzuŋgaira saʋafudzi murenje makore anamakumi manna, ʋacirobga nokuɗa kwokupata kwenyu, kuȿikira ɀitunha ɀenyu ɀaparadzwa murenje.

³⁴Samazuʋa amakaŋga mucishora nyika nawo, iwo mazuʋa anamakumi manna, saiɀoɀo mucaʋa nemhoȿa yokutadza kwenyu, zuʋa rimŋe nerimŋe ricaita gore rimŋe, ndiwo makore anamakumi manna, mugoziʋa kuti ndakakufuratirai.

³⁵Ini Jehova, ndakataura iɀoɀo, ndicaitira saiɀoɀo ʋuŋgano iyi yose yakaipa, yakaʋuŋgana kuzorwa neni; ʋacaparadzwa murenje rino, ʋacafira’po.

³⁶Ɀino ʋarume ʋakaŋga ʋatumŋa naMosesi kundoshora nyika, ʋaya ʋakadzoka ʋonyunyutisa ʋuŋgano yose pamsoro pake, ɀaʋakaʋuya namashoko akaipa pamsoro penyika iyo,

³⁷ʋarume aʋo ʋakaŋga ʋaʋuya neshoko rakaipa pamsoro penyika iyo, ʋakafa neɗenda pamberi paJehova.

³⁸Asi Joshua, mŋanakomana waNuni, naKarebi, mŋanakomana waJefune, ʋakasara ʋari ʋapenyu paʋarume ʋaya ʋakandoshora nyika.

³⁹Ɀino Mosesi wakaʋudza ʋana ʋaIsraeri mashoko iwaya ose; ʋanhu ʋakacema kwaɀo,

⁴⁰ʋakafumira maŋgwanani, ʋakakwira kumusoro wegomo, ʋakati: Tarirai, tiri pano heɗu, ticandokwira kwatakarairwa naJehova, nokuti tatadza.

⁴¹Mosesi akati: Munoɗarikireiko murairo waJehova, nokuti mucaʋona nhamo.

⁴²Musakwira, nokuti Jehova haazi pakati penyu; kuti murege kuparadzwa naʋaʋeŋgi ʋenyu.

⁴³Nokuti ʋaAmareki naʋaKanani ʋari mberi kwenyu ipapo; mucaʋurawa nomunondo, nokuti makadzoka pakuteʋera Jehova, naiɀoɀo Jehova haaŋgaʋi nemi.

⁴⁴Kunyaŋge ɀakaɗaro ʋakaidza haʋo kukwira kumusoro wegomo nokuɀikudza kwaʋo; asi areka yesuŋgano yaJehova hainakubva pamisasa, naiye Mosesi ʋo.

⁴⁵Ipapo ʋaAmareki naʋaKanani ʋakaŋga ʋagere mugomo iro ʋakaɓuruka, ʋakaʋaparadza nokuʋadziŋgirira kuȿikira paHorma.