Read Original Shona Union Bible 1949 Baiberi Magwaro Matȿene aMŋari Numeri 17 Bible Online

Numeri 17 - Original Shona Union Bible 1949 Baiberi Magwaro Matȿene aMŋari bible

Numeri 17

¹Ɀino Jehova wakataura naMosesi, akati:

²Taura naʋana ʋaIsraeri, utore kwaʋari tȿimbo, imŋe paimba imŋe neimŋe yamadziɓaɓa aʋo, tȿimbo dzinegumi nembiri, pamacinda aʋo ose nedzimba dzamadziɓaɓa aʋo; ɀino unofanira kunyora zita romumŋe nomumŋe patȿimbo yake.

³Asi zita raAroni unofanira kurinyora patȿimbo yaRevi; nokuti kunofanira kuʋa netȿimbo imŋe yomukuru mumŋe nomumŋe wedzimba dzamadziɓaɓa aʋo.

⁴Ɀino unofanira kudziceŋgeta mutente rokusoŋgana pamberi peareka yecipupuriro, pandinosoŋgana nemi.

⁵Ipapo munhu wandicatsaura, tȿimbo yake icaɓuka, kuti ndigumise kunyunyuta kwaʋana ʋaIsraeri kwaʋanokunyunyutira nako.

⁶Ɀino Mosesi akataura naʋana ʋaIsraeri, macinda aʋo ose akamupa tȿimbo, imŋe yomucinda mumŋe nomumŋe nedzimba dzamadziɓaɓa aʋo, ndidzo tȿimbo gumi nembiri; netȿimbo yaAroni yakaŋga iri pakati petȿimbo dzaʋo.

⁷Mosesi akaceŋgeta tȿimbo idzo pamberi paJehova mutente recipupuriro.

⁸Fume maŋgwana Mosesi akapinda mutente recipupuriro, ʋonei tȿimbo yaAroni yeimba yaRevi yakaŋga yaɓuka, yaʋa namaɓukira, yaɓuɗisa maruʋa, yaɓereka maamanda akaŋga aibva.

⁹Ipapo Mosesi akaɓuɗisa tȿimbo dzose pamberi paJehova kuʋanhu ʋaIsraeri ʋose; ʋakatarira, mumŋe nomumŋe akatora tȿimbo yake.

¹⁰Jehova akati kunaMosesi: Dzosera tȿimbo yaAroni pamberi pecipupuriro, iceŋgetwe ciʋe ciratidzo caʋanhu ʋakandimukira; kuti ugumise kundinyunyutira kwaʋo, ʋarege kufa.

¹¹Mosesi akaita saiɀoɀo; seɀaakarairwa naJehova, ndiɀo ɀaakaita.

¹²Ʋana ʋaIsraeri ʋakataura naMosesi, ʋakati: Tarira, tofa, topera, topera tose.

¹³Mumŋe nomumŋe unosweɗera, unosweɗera kutabernakeri yaJehova, unofa; ɀino ticafa tose kanhi?