Read Original Shona Union Bible 1949 Baiberi Magwaro Matȿene aMŋari Numeri 19 Bible Online

Numeri 19 - Original Shona Union Bible 1949 Baiberi Magwaro Matȿene aMŋari bible

Numeri 19

¹Ɀino Jehova wakataura naMosesi naAroni, akati:

²Ndiwo murairo wakarairwa naJehova, aciti: Taura naʋana ʋaIsraeri ʋaʋuye kwauri netsiru dɀuku risinemhoȿa, risina‐kuremara, risina‐kumboiswa joko.

³Ɀino munofanira kuripa Ereazari muprista, iye ariɓuɗise kunze kwemisasa, rigoʋurawa pamberi pake.

⁴Ipapo Ereazari muprista unofanira kutora ropa raro nomunwe wake, nokusasa ropa raro kanomŋe kurutiʋi rwemberi rwetente rokusoŋgana;

⁵ɀino tsiru rinofanira kupiswa pamberi pake; ɗebge raro, nenyama yaro, neropa raro, pamŋe cete namaɀiɀi aro, ɀinofanira kupiswa.

⁶Ɀino muprista unofanira kutora rutanda rwomusidari nehisopi, nomuceka mutȿuku, ndokuɀikandira pakati pomŋoto unopisa tsiru.

⁷Ipapo muprista unofanira kusuka ŋguʋo dzake, nokushambidza muʋiri wake nemvura, ndokuzopinda mumisasa, muprista agoʋa usina‐kunaka kuȿikira maɗeko.

⁸Nomunhu unoripisa unofanira kusuka ŋguʋo dzake nemvura, nokushambidza muʋiri wake nemvura, agoʋa usina‐kunaka kuȿikira maɗeko.

⁹Ɀino mumŋe munhu wakanaka unofanira kuʋuŋganidza maɗota etsiru, ndokuaceŋgeta kunze kwemisasa panɀimbo yakanaka, kuti aceŋgeterwe ʋuŋgano yaʋana ʋaIsraeri, kuzoita nawo mvura yokunatsa nayo; cipiriso ceɀiʋi.

¹⁰Ɀino iye wakaʋuŋganidza maɗota etsiru, unofanira kusuka ŋguʋo dzake, agoʋa usina‐kunaka kuȿikira maɗeko; unofanira kuʋa mutemo usiŋgaperi kuʋana ʋaIsraeri nokuʋatorwa ʋagere pakati paʋo.

¹¹Munhu unoɓata citunha comunhu upi noupi, unofanira kuʋa usina‐kunaka mazuʋa manomŋe.

¹²Iye unofanira kuɀinatsa nayo nezuʋa retatu, agoʋa wakanaka nezuʋa recinomŋe; asi kana asiŋgaɀinatsi nezuʋa retatu, haaŋgaʋi wakanaka nezuʋa recinomŋe.

¹³Aninani unoɓata wakafa, ciri citunha comunhu upi noupi wakafa, akasaɀinatsa, unoȿiɓisa tabernakeri yaJehova; munhu uyo unofanira kubviswa pakati paʋaIsraeri; mvura inonatsa ɀaisinakusaswa pamsoro pake, unofanira kuʋa usina‐kunaka; tȿina yake iciri kwaari.

¹⁴Ndiwo murairo kana munhu akafa mutente: Mumŋe nomumŋe unopinda mutente, nomumŋe nomumŋe uri mutente, ucaʋa usina‐kunaka mazuʋa manomŋe.

¹⁵Nemidziyo yose yakashama, isinecifunhiro cakasuŋgirwa, icaʋa isina‐kunaka.

¹⁶Aninani unoɓata munhu wakaʋurawa kusaŋgo nomunondo, kana citunha, kana fupa romunhu, kana bgiro, ucaʋa usina‐kunaka mazuʋa manomŋe.

¹⁷Ɀino munhu usina‐kunaka unofanira kundotorerwa maɗota ecipiriso ceɀiʋi cakapiswa, mvura inoyerera igoɗirwa pamsoro pawo mumudziyo,

¹⁸ɀino munhu wakanaka unofanira kutora hisopi, ndokuinyika mumvura, ndokuisasa patente, napanhumbi dzose, napaʋanhu ʋose ʋaiʋa’po, napamunhu wakaɓata fupa, kana wakaŋga aʋurawa, kana wakafa, kana bgiro;

¹⁹ɀino munhu wakanaka unofanira kusasa munhu usina‐kunaka nezuʋa retatu nerecinomŋe; nezuʋa recinomŋe unofanira kumunatsa; ɀino iye unofanira kusuka ŋguʋo dzake, nokuɀishambidza nemvura, agoʋa wakanaka maɗeko.

²⁰Asi kana munhu akaȿiɓiswa akasaɀinatsa, munhu uyo unofanira kubviswa pakati peʋuŋgano, nokuti waȿiɓisa imba tȿene yaJehova; mvura inonatsa haina‐kusaswa pamsoro pake; haana‐kunaka.

²¹Unofanira kuʋa mutemo usiŋgaperi kwaʋari. Munhu unosasa mvura inonatsa, unofanira kusuka ŋguʋo dzake; naiye unoɓata mvura inonatsa, ucaʋa usina‐kunaka kuȿikira maɗeko.

²²Neɀose ɀinoɓatwa nomunhu usina‐kunaka, ɀicaʋa ɀisina‐kunaka; nomunhu unoɀiɓata ucaʋa usina‐kunaka kuȿikira maɗeko.