Read Original Shona Union Bible 1949 Baiberi Magwaro Matȿene aMŋari Numeri 30 Bible Online

Numeri 30 - Original Shona Union Bible 1949 Baiberi Magwaro Matȿene aMŋari bible

Numeri 30

¹Ɀino Mosesi wakataura naʋakuru ʋamarudzi aʋana ʋaIsraeri, akati: Ndico cinhu cakarairwa naJehova:

²Kana munhu aciŋge apikira Jehova mhiko, kana kuɀisuŋga nokupika, haafaniri kushandura shoko rake; unofanira kuita ɀose ɀakaɓuɗa mumuromo make.

³Nomukadzi ʋo, kana aciŋge apikira Jehova, kana kuɀisuŋga nokusuŋga kwokupika, aciri mumba maɓaɓa ʋake, aciri musikana;

⁴ɓaɓa ʋake ʋakanzwa kupika kwake, nokuɀisuŋga kwaakaɀisuŋga nako, ɓaɓa ʋake ʋakamunyararira haʋo, ipapo kupika kwake kwose kucaʋa nesimba, nokusuŋga kwake kwose, kwaakaɀisuŋga nako, kucaʋa nesimba.

⁵Asi kana ɓaɓa ʋake ʋakamudziʋisa nomusi waʋanoɀinzwa nawo, kupika kwake kwose, nokuɀisuŋga kwake kwose, kwaakaɀisuŋga nako, hakuŋgaʋi nesimba; Jehova ucamukaŋganwira, nokuti ɓaɓa ʋake ʋamudziʋisa.

⁶Kana akawanikwa nomurume acakasuŋgwa nokupika kwake, kana namashoko aakareʋa asina‐kuraŋgarira ɀakanaka, aakaɀisuŋga nawo;

⁷murume wake akaɀinzwa, akamunyararira hake nomusi waanoɀinzwa nawo, ipapo kupika kwake kucaʋa nesimba, nokuɀisuŋga kwake, kwaakaɀisuŋga nako, kucaʋa nesimba.

⁸Asi kana murume wake akamudziʋisa nomusi waanoɀinzwa nawo, ipapo iye unokonesa kupika kwake, kwaakaɀisuŋga nako, namashoko aakareʋa asina‐kuraŋgarira ɀakanaka, aakaɀisuŋga nawo; Jehova ucamukaŋganwira.

⁹Asi kupika kwecirikadzi, kana kwomukadzi wakarambga nomurume wake, cinhu cipi necipi caakaɀisuŋga naco, ɀicaʋa nesimba kwaari.

¹⁰Kana aciŋge apika ari mumba momurume wake, kana kuɀisuŋga nokupika,

¹¹murume wake akaɀinzwa, akamunyararira, asiŋgamudziʋisi, ipapo kupika kwake kucaʋa nesimba, nokuɀisuŋga kwose, kwaakaɀisuŋga nako, kucaʋa nesimba.

¹²Asi kana murume wake akaɀikonesa kwaɀo nomusi waakaɀinzwa nawo, ipapo ɀose ɀakaɓuɗa mumuromo make pakupika kwake, kana kuɀisuŋga kwake, haɀiŋgaʋi nesimba; murume wake waɀikonesa; Jehova ucamukaŋganwira.

¹³Mhiko dzose, nokupika kwose kwaanoɀisuŋga nako kucema pamŋeya wake, murume wake uŋgaɀisimbisa, kana murume wake uŋgaɀikonesa.

¹⁴Asi kana murume wake akamunyararira cose zuʋa rimŋe nerimŋe, ipapo unosimbisa mhiko dzake dzose nokuɀisuŋga kwake kwose, kwaakaɀisuŋga nako; waɀisimbisa, nokuti wamunyararira nomusi waakaɀinzwa nawo.

¹⁵Asi kana akazoɀikonesa kwaɀo, aɀinzwa hake, iye unofanira kuʋa nemhoȿa yake.

¹⁶Ndiyo mitemo yakarairwa Mosesi naJehova, pakati pomurume nomukadzi wake, napakati paɓaɓa nomŋanasikana waʋo, aciri musikana paimba yaɓaɓa ʋake.