Read Original Shona Union Bible 1949 Baiberi Magwaro Matȿene aMŋari Numeri 35 Bible Online

Numeri 35 - Original Shona Union Bible 1949 Baiberi Magwaro Matȿene aMŋari bible

Numeri 35

¹Ɀino Jehova wakataura naMosesi pamapani eMoabi, paJoridani paJeriko, akati:

²Raira ʋana ʋaIsraeri, kuti ʋape ʋaRevi panhaka yaʋakagara iʋo, maguta maʋaŋgagara; munofanira ʋo kupa ʋaRevi ruwa runopoteredza maguta aʋo.

³Ʋanofanira kuʋa namaguta maʋaŋgagara; noruwa rwawo runofanira kuʋa rweŋombe dzaʋo, nefuma yaʋo, neɀipfuwo ɀaʋo ɀose.

⁴Ruwa rwamaguta, amunofanira kupa ʋaRevi, runofanira kutaŋga paruȿiŋgo rweguta ndokupoteredza guta kuȿika pamakubiti anecuru cimŋe kunhiʋi dzose.

⁵Munofanira kuyera kunze kweguta, kurutiʋi rwokumabvazuʋa makubiti aneɀuru ɀiʋiri, nokurutiʋi rwezasi makubiti aneɀuru ɀiʋiri, nokurutiʋi rwokumsoro makubiti aneɀuru ɀiʋiri, guta riri pakati. Ndirwo runofanira kuʋa ruwa rwamaguta aʋo.

⁶Maguta amunopa ʋaRevi anofanira kuʋa maguta matanhatu oʋutiziro, amunofanira kuʋapa, kuti muʋurayi atizire kwaari; kunze kwaiwayo munofanira kuʋapa maguta anamakumi manna namaʋiri.

⁷Maguta ose amunopa ʋaRevi anofanira kuʋa maguta anamakumi manna namasere, iwo noruwa rwawo.

⁸Kana ari maguta amunotora panhaka dzaʋana ʋaIsraeri, kunaʋanamazhinji munofanira kutora mazhinji, kunaʋanamashoma munofanira kutora mashoma; rudzi rumŋe norumŋe runofanira kupa ʋaRevi mamŋe maguta, seɀarwakapiwa nhaka yarwo.

⁹Ɀino Jehova akataura naMosesi, akati:

¹⁰Taura naʋana ʋaIsraeri, uti kwaʋari: Kana mayambuka Joridani, mukapinda munyika yeKanani,

¹¹munofanira kuɀisanaŋgurira maguta, aʋe maguta oʋutiziro kwamuri; kuti muʋurayi, unoʋuraya munhu asiŋgaiti nobgoni atizire’ko.

¹²Maguta iwayo anofanira kuʋa kwamuri ʋutiziro pamutsiʋi, kuti muʋurayi arege kufa, asinakumbotoŋgwa pamberi peʋuŋgano.

¹³Maguta amunoʋapa, anofanira kuʋa kwamuri maguta matanhatu oʋutiziro.

¹⁴Munofanira kuʋapa maguta matatu mhiri kwaJoridani, namamŋe maguta matatu munofanira kuʋapa munyika yeKanani; ndiwo anofanira kuʋa maguta oʋutiziro.

¹⁵Maguta iwayo matanhatu anofanira kuʋa ʋutiziro kuʋana ʋaIsraeri, nokumŋeni, nokumutorwa ugere pakati paʋo; kuti mumŋe nomumŋe wakaʋuraya munhu, asina‐kuita nobgoni, atizire’ko.

¹⁶Asi kana aciŋge amuroʋa nenhumbi yeɗare, akafa, waʋa muʋurayi; ɀino muʋurayi unofanira kuʋurawa ɀirokwaɀo.

¹⁷Kana aciŋge amuʋuraya nebge riri muruʋoko rwake, riŋgaʋuraya munhu, akafa, waʋa muʋurayi; ɀino muʋurayi unofanira kuʋurawa ɀirokwaɀo.

¹⁸Kana aciŋge amuroʋa nenhumbi yamatanda iri muruʋoko rwake, iŋgaʋuraya munhu, akafa, waʋa muʋurayi; muʋurayi unofanira kuʋurawa ɀirokwaɀo.

¹⁹Mutsiʋi weropa ndiye unofanira kuʋuraya muʋurayi amene; kana akasoŋgana naye, unofanira kumuʋuraya.

²⁰Kana aciŋge amusunda acimuʋeŋga, kana kumuposhera, amuʋandira, akafa;

²¹kana ɀimŋe akamuroʋa noruʋoko, acimuʋeŋga, akafa, wakamuroʋa unofanira kuʋurawa ɀirokwaɀo; muʋurayi; mutsiʋi weropa, unofanira kuʋuraya muʋurayi, kana akasoŋgana naye.

²²Asi kana aciŋge amusunda kamŋe‐kamŋe, asinakumuʋeŋga, kana kumuposhera necinhu, asina‐kumuʋandira,

²³kana nebge, riŋgaʋuraya munhu, akarikanda pamsoro pake, asiŋgamuʋoni, akafa, iye asinakumuʋeŋga, kana kutȿaka kumukuʋadza;

²⁴ɀino ʋuŋgano inofanira kutoŋga mhoȿa pakati pomukuʋadzi nomutsiʋi weropa nemirairo iyi:

²⁵Ipapo ʋuŋgano inofanira kurwira muʋurayi paruʋoko rwomutsiʋi weropa, ʋuŋgano igomudzosera kuguta rake roʋutiziro, kwaakaŋga atizira; ɀino iye unofanira kugara’mo kuȿikira muprista mukuru afa, iye wakazodzwa namafuta matȿene.

²⁶Asi kana ŋguʋa ipi neipi muʋurayi akaɗarika muganho weguta rake roʋutiziro, kwaakaŋga atizira,

²⁷mutsiʋi weropa akamuwana kunze kwomuganho weguta rake roʋutiziro, mutsiʋi weropa akaʋuraya muʋurayi uyo, iye haaŋgaʋi nemhoȿa yeropa rake;

²⁸nokuti waifanira kugara muguta rake roʋutiziro kuȿikira muprista mukuru afa; asi kana muprista mukuru afa, muʋurayi unofanira kudzokera kunyika yake.

²⁹Iɀi ɀinofanira kuʋa kwamuri murairo wokutoŋga nawo kuȿikira kumarudzi enyu ose kwamunogara kwose.

³⁰Aninani unoʋuraya munhu, muʋurayi unofanira kuʋurawa nokupupura kweɀapupu; asi capupu cimŋe hacifaniri kupupurira munhu akaʋurawa.

³¹Ʋuye hamufaniri kugamucira dzikinuro pamsoro poʋupenyu bgomuʋurayi, unofanira kuti aʋurawe; asi unofanira kuʋurawa ɀirokwaɀo.

³²Musagamucira dzikinuro pamsoro pomunhu wakatizira kuguta roʋutiziro, kuti adzokere kugara munyika yake, kuȿikira muprista afa.

³³Naiɀoɀo hamufaniri kuȿiɓisa nyika mamugere, nokuti ropa rinoȿiɓisa nyika; nyika haiŋgayananisirwi pamsoro peropa rakateʋurirwa’mo, asi kwoga neropa romunhu wakariteʋura.

³⁴Musaȿiɓisa nyika mamugere, mandigere ʋo ini; nokuti ini Jehova ndigere pakati paʋana ʋaIsraeri.