Read Original Shona Union Bible 1949 Baiberi Magwaro Matȿene aMŋari Numeri 5 Bible Online

Numeri 5 - Original Shona Union Bible 1949 Baiberi Magwaro Matȿene aMŋari bible

Numeri 5

¹Ɀino Jehova wakataura naMosesi, akati:

²Raira ʋana ʋaIsraeri kuti ʋaɓuɗise pakati pemisasa ʋose ʋanamaperembudzi, naʋose ʋanehosha yokuyerera, naʋose ʋakaȿiɓiswa naʋakafa.

³Munofanira kuɓuɗisa ʋose, ʋarume naʋakadzi; muʋaɓuɗise kunze kwemisasa, kuti ʋarege kuȿiɓisa misasa yaʋo, yandigere pakati payo.

⁴Ʋana ʋaIsraeri ʋakaita saiɀoɀo; ʋakaʋaɓuɗisa kunze kwemisasa; seɀakataura Jehova naMosesi, ndiɀo ɀakaita ʋana ʋaIsraeri.

⁵Ɀino Jehova akataura naMosesi, akati:

⁶Taura naʋana ʋaIsraeri, uti: Kana murume kana mukadzi aciŋge atadza nokutadza kwaʋanhu, akatadzira Jehova, munhu uyu akaʋa nemhoȿa;

⁷ipapo unofanira kureʋurura ɀiʋi ɀake ɀaakaita, ndokuripira mhoȿa yake yose, aciwedzera ceshanu cayo, ndokupa iye waakatadzira.

⁸Kana munhu uyo asinehama, iŋgaripirwa pamsoro pemhoȿa iyo, muripo wemhoȿa, unoripirwa Jehova, unofanira kuʋa womuprista; kunze kwegondobge rokuyananisira, raanofanira kuyananisirwa naro.

⁹Neɀipiriso ɀinotsaurwa paɀinhu ɀitȿene ɀose ɀaʋana ʋaIsraeri, ɀaʋanoʋuya naɀo kumuprista, ɀinofanira kuʋa ɀake.

¹⁰Ɀinhu ɀakatsaurwa ɀomunhu mumŋe nomumŋe ɀinofanira kuʋa ɀake; cinhu cipi necipi cinopiwa muprista nomunhu cinofanira kuʋa cake.

¹¹Jehova akataura naMosesi, akati:

¹²Taura naʋana ʋaIsraeri, uti kwaʋari: Kana mukadzi womurume upi noupi akacinya, akamutadzira,

¹³mumŋe murume akaʋata naye, ɀikaʋanzwa kumurume wake, ɀikasazikanwa, iye akaȿiɓiswa, asi ʋakashaiwa capupu, naiye asina‐kuɓatwa aciita iɀoɀo:

¹⁴murume wake akaɓatwa nomŋeya weshuŋgu, akaʋa neshuŋgu nomukadzi wake, wakaȿiɓiswa; kana ɀimŋe akaɓatwa nomŋeya weshuŋgu, akaʋa neshuŋgu nomukadzi wake, usina‐kuȿiɓiswa;

¹⁵ipapo murume unofanira kuʋuya nomukadzi wake kumuprista, aciʋuya ʋo necipo cake pamsoro pake, cinoti, cegumi coʋupfu bgebari; haafaniri kuɗira mafuta pamsoro pabgo, kana kuisa ɀinonhuwira pamsoro pabgo; nokuti ico cipiriso coʋupfu ceshuŋgu, cipiriso coʋupfu cokuraŋgaridza, cinoraŋgaridza ɀakaipa.

¹⁶Ɀino muprista unofanira kumusweɗedza, ndokumuisa pamberi paJehova.

¹⁷Ipapo muprista unofanira kutora mvura tȿene mumudziyo wevu, muprista agotora ʋo guruʋa riri pasi mutabernakeri, ndokuriisa mumvura.

¹⁸Ɀino muprista unofanira kuisa mukadzi pamberi paJehova, ndokusunuŋgura vudzi romusoro womukadzi, ndokuisa cipiriso cokuraŋgaridza mumaʋoko ake, ico cipiriso coʋupfu ceshuŋgu; muprista ndokuɓata muruʋoko rwake mvura inoʋaʋisa, inoʋuyisa kutuka.

¹⁹Ipapo muprista unofanira kumupikisa, aciti kumukadzi: Kana kusinomurume wakaʋata newe, kana usina‐kutsaukira kuneɀakaipa, uri pasi pomurume wako, usunuŋgurwe hako pamvura iyi inoʋaʋisa, inoʋuyisa kutuka;

²⁰asi kana wakatsauka, uri pasi pomurume wako, ukaȿiɓiswa, mumŋe murume asati ari murume wako aciŋge aʋata newe,

²¹ɀino muprista unofanira kupikisa mukadzi mhiko inoʋuyisa kutuka, muprista ndokuti kumukadzi: Jehova ŋgaakuite cipiko cemhiko pakati porudzi rwako, kana Jehova aciwondisa hudyu yako nokuɀimbisa ɗumbu rako;

²²mvura iyi inoʋuyisa kutuka icapinda muʋura bgako, ndokuɀimbisa ɗumbu rako, nokuwondisa hudyu yako; ɀino mukadzi unofanira kuti: Ameni, ameni.

²³Ipapo muprista unofanira kunyora kutuka uku parugwaro, ndokukusuka nemvura inoʋaʋisa.

²⁴Ɀino unofanira kunwisa mukadzi mvura inoʋaʋisa, inoʋuyisa kutuka; mvura inoʋuyisa kutuka inofanira kupinda mukati make, imuʋaʋise.

²⁵Ɀino muprista unofanira kutora cipiriso coʋupfu ceshuŋgu paruʋoko rwomukadzi, ndokuzuŋguzira cipiriso coʋupfu pamberi paJehova, ndokuʋuya naco kuartari;

²⁶muprista ndokutora tsama imŋe yecipiriso coʋupfu, kuti ciʋe cokuraŋgaridza caco, ndokubgupisa paartari, ndokunwisa mukadzi mvura iyo pashure.

²⁷Ɀino kana amunwisa mvura iyo, kana aciŋge aȿiɓiswa, atadzira murume wake, mvura iyo inoʋuyisa kutuka icapinda maari, ikamuʋaʋisa, ɗumbu rake ricaɀimba, nehudyu yake icawonda; mukadzi uyu ucaʋa cituko pakati porudzi rwake.

²⁸Asi kana mukadzi uyo asina‐kuȿiɓiswa, akanaka hake, ucasunuŋgurwa hake, akaʋa nemimba ɀe.

²⁹Ndiwo murairo weshuŋgu, kana mukadzi ari pasi pomurume wake, akacinya, akaȿiɓiswa;

³⁰kana ɀimŋe murume aciŋge aɓatwa nomŋeya weshuŋgu, aneshuŋgu nomukadzi wake; ipapo unofanira kuisa mukadzi pamberi paJehova, muprista agomuitira nomurairo uyu wose.

³¹Murume haaŋgaʋi nemhoȿa, asi mukadzi unofanira kuʋa nemhoȿa yake.