Read Original Shona Union Bible 1949 Baiberi Magwaro Matȿene aMŋari Numeri 8 Bible Online

Numeri 8 - Original Shona Union Bible 1949 Baiberi Magwaro Matȿene aMŋari bible

Numeri 8

¹Ɀino Jehova wakataura naMosesi, akati:

²Taura naAroni, uti kwaari: Kana ucimisa mŋenje, mŋenje minomŋe inofanira kuvenekera pamberi pecigadziko.

³Aroni akaita saiɀoɀo; akamisa mŋenje yaco, kuti ivenekere pamberi pecigadziko, seɀakarairwa Mosesi naJehova.

⁴Cigadziko cakaŋga cakaitwa kuɗai: Cakaŋga cakaitwa nendarama yakapambadzirwa; kuȿikira pasi paco napamaruʋa aco cakaŋga cakaitwa nendarama yakapambadzirwa; nomufananidzo wakakaŋga wakaratidzwa Mosesi naJehova, ndiɀo ɀaakaita cigadziko.

⁵Jehova akataura naMosesi, akati:

⁶Bvisa ʋaRevi pakati paʋana ʋaIsraeri, uʋanatse.

⁷Pakuʋanatsa unofanira kuʋaitira kuɗai: Sasa pamsoro paʋo mvura inosuka ɀiʋi, ugoʋaraira kuti ʋaʋeʋurwe muʋiri waʋo wose neciȿo, ʋasuke ŋguʋo dzaʋo, nokuɀinatsa.

⁸Ɀino ʋanofanira kutora nzombe ɗuku, necipiriso cayo coʋupfu, ʋupfu bgakatsetseka, bgakakanyiwa namafuta; newe utore imŋe nzombe ɗuku, ciʋe cipiriso ceɀiʋi.

⁹Ɀino uise ʋaRevi pamberi petente rokusoŋgana, ndokukoka ʋuŋgano yose yaʋana ʋaIsraeri.

¹⁰Unofanira kuisa ʋaRevi pamberi paJehova, ʋana ʋaIsraeri ʋagoisa maʋoko aʋo pamsoro paʋaRevi.

¹¹Ɀino Aroni unofanira kuzuŋguzira ʋaRevi pamberi paJehova, ʋaʋe cipiriso cinozuŋguzirwa nokuɗa kwaʋana ʋaIsraeri, kuti ʋagare’po kuzoɓate‐ɓasa raJehova.

¹²Ɀino ʋaRevi ʋanofanira kuisa maʋoko aʋo pamisoro yenzombe ɗuku, iwe ugoɓayira Jehova imŋe ciʋe cipiriso ceɀiʋi, neimŋe ciʋe cipiriso cinopiswa, kuti uyananisire ʋaRevi.

¹³Ɀino unofanira kuisa ʋaRevi pamberi paAroni naʋanakomana ʋake, ugoʋazuŋguzira ʋaʋe cipiriso cinozuŋguzirwa kunaJehova.

¹⁴Unofanira kubvisa ʋaRevi saiɀoɀo pakati paʋana ʋaIsraeri, kuti ʋaRevi ʋaʋe ʋaŋgu.

¹⁵Ɀino shure kwaiɀoɀo ʋaRevi ʋanofanira kupinda kuzoɓate‐ɓasa patente rokusoŋgana; unofanira kuʋanatsa nokuʋazuŋguzira ʋaʋe cipiriso cinozuŋguzirwa.

¹⁶Nokuti ndakaʋapiwa ini cose pakati paʋana ʋaIsraeri; ndakaɀitorera iʋo panɀimbo yaʋose ʋanotaŋga kuzarura ciɀaro, iwo mataŋgwe aʋana ʋaIsraeri ʋose.

¹⁷Nokuti mataŋgwe ose aʋana ʋaIsraeri ndaaŋgu, kana aʋanhu, kana eɀipfuwo; ndakaɀitsaurira iwo nomusi wandakaʋuraya mataŋgwe ose munyika yeEgipita.

¹⁸Ndakatora ʋaRevi panɀimbo yamataŋgwe ose pakati paʋana ʋaIsraeri,

¹⁹Aroni naʋanakomana ʋake ndikaʋapa ʋaRevi pakati paʋana ʋaIsraeri, kuti ʋaɓate ɓasa raʋana ʋaIsraeri patente rokusoŋgana, nokuyananisira ʋana ʋaIsraeri, kuti hosha irege kuʋa’po pakati paʋana ʋaIsraeri, kana ʋana ʋaIsraeri ʋacisweɗera kuimba tȿene.

²⁰Mosesi naAroni neʋuŋgano yose yaʋana ʋaIsraeri ʋakaitira ʋaRevi saiɀoɀo; ɀose seɀakarairwa Mosesi naJehova pamsoro paʋaRevi, ʋana ʋaIsraeri ʋakaʋaitira saiɀoɀo.

²¹ƲaRevi ʋakaɀinatsa paɀiʋi ɀaʋo, ʋakasuka ŋguʋo dzaʋo, Aroni akaʋazuŋguzira pamberi paJehova ʋaʋe cipiriso cinozuŋguzirwa; Aroni akaʋayananisira kuti aʋanatse.

²²Ɀino shure kwaiɀoɀo ʋaRevi ʋakapinda kuzoɓate‐ɓasa patente rokusoŋgana pamberi paAroni napamberi paʋana ʋake; seɀakarairwa Mosesi naJehova pamsoro paʋaRevi, ndiɀo ɀaakaʋaitira.

²³Jehova akataura naMosesi, akati:

²⁴Ndiwo murairo waʋaRevi: Aʋo ʋaȿika pamakore makumi maʋiri namashanu, naʋanopfuʋura, ʋanofanira kupinda kuzorwa namaɓasa etente rokusoŋgana;

²⁵asi kana ʋaȿika makore anamakumi mashanu ʋanofanira kurega ɓasa iri; haʋacafaniri kuɓata;

²⁶asi ʋaŋgaɓatsirana haʋo nehama dzaʋo patente rokusoŋgana, kuti ʋariceŋgete, asi ŋgaʋarege kuɓate‐ɓasa. Ndiɀo ɀaunofanira kuitira ʋaRevi pamsoro pamaɓasa aʋo.