Read Original Shona Union Bible 1949 Baiberi Magwaro Matȿene aMŋari Numeri 9 Bible Online

Numeri 9 - Original Shona Union Bible 1949 Baiberi Magwaro Matȿene aMŋari bible

Numeri 9

¹Ɀino Jehova wakataura naMosesi murenje reSinai pamŋedzi wokutaŋga wegore recipiri rokuɓuɗa kwaʋo panyika yeEgipita, akati:

²Ʋana ʋaIsraeri ʋanofanira kutamba paseka paŋguʋa yayo yakatarwa.

³Nezuʋa regumi namanna romŋedzi uno, maɗekwana, munofanira kuitamba paŋguʋa yayo yakatarwa; munofanira kuitamba muciterera mitemo yayo yose nemirairo yayo yose.

⁴Ipapo Mosesi akataura naʋana ʋaIsraeri, kuti ʋatambe paseka.

⁵Iʋo ʋakatamba paseka nomŋedzi wokutaŋga, nezuʋa regumi namanna romŋedzi, maɗekwana, murenje reSinai; ɀose seɀakarairwa Mosesi naJehova, ndiɀo ɀakaita ʋana ʋaIsraeri.

⁶Ɀino kwakaŋga kunaʋamŋe ʋarume ʋakaŋga ʋasina‐kunaka nokuɗa kwecitunha comunhu, naiɀoɀo ʋakaŋga ʋasiŋgagoni kudya paseka nomusi iwoyo; naiɀoɀo ʋakaʋuya kunaMosesi naAroni nomusi iwoyo;

⁷ʋarume aʋa ʋakati kwaari: Hatina‐kunaka nokuɗa kwecitunha comunhu; tiŋgadziʋiswa seiko kupa cipo caJehova neŋguʋa yaco yakatarwa pakati paʋana ʋaIsraeri?

⁸Mosesi akati kwaʋari: Mirai, ndinzwe ɀinorairwa naJehova pamsoro penyu.

⁹Jehova akataura naMosesi, akati:

¹⁰Taura naʋana ʋaIsraeri, uti: Kana mumŋe wenyu, kana waʋana ʋenyu, aciŋge aʋa usina‐kunaka nokuɗa kwecitunha, kana ɀimŋe ari kurwendo ruri kure, kunyaŋge ɀakaɗaro unofanira kutamba paseka yaJehova.

¹¹Iʋo ʋanofanira kuidya nomŋedzi wecipiri, nezuʋa regumi namanna, maɗekwana; ʋanofanira kuidya neciŋgwa cisina‐kuʋiriswa nemiriʋo inoʋaʋa.

¹²Haʋafaniri kusiya ɀimŋe kuȿikira maŋgwana, kana kuvuna fupa rimŋe rayo, asi ʋanofanira kuitamba ʋaciterera mitemo yose yepaseka.

¹³Asi kana munhu akanaka hake, asati ari parwendo, akasadya paseka, munhu uyo unofanira kubviswa pakati porudzi rwake; ɀaasinakupa cipo caJehova paŋguʋa yakatarwa, munhu uyo ucaʋa neɀiʋi ɀake.

¹⁴Kana ari mutorwa ugere nemi, akaɗa kudya paseka yaJehova, unofanira kuidya aciterera mutemo wepaseka, nomurairo wayo; munofanira kuʋa nomutemo mumŋe, womutorwa nomunhu wakaɓerekwa munyika.

¹⁵Nomusi wokumiswa kwetabernakeri, gore rakafukidza tabernakeri, iro tente recipupuriro; maɗekwana rakaŋga riri pamsoro petabernakeri rakaita somŋoto kuȿikira maŋgwana.

¹⁶Ɀakaŋga ɀakaɗaro ŋguʋa dzose; gore rakaifukidza, asi ʋusiku rakaŋga rakaita somŋoto.

¹⁷Ɀino ŋguʋa dzose kana gore ricisimudzwa pamsoro peTente, shure kwaiɀoɀo ʋana ʋaIsraeri ʋaifamba; paindomira gore, ipapo ʋana ʋaIsraeri ʋaidzika matente aʋo;

¹⁸seɀaʋairairwa naJehova, ʋana ʋaIsraeri ʋaifamba, seɀaʋairairwa naJehova ʋaidzika matente aʋo; ŋguʋa yose kana gore rimire pamsoro petabernakeri, iʋo ʋairambira mumatente aʋo.

¹⁹Kana gore ricirambira pamsoro petabernakeri mazuʋa mazhinji, ʋana ʋaIsraeri ʋaiceŋgeta ɀaʋakaŋga ʋarairwa naJehova, ʋakasafamba.

²⁰Dzimŋe ŋguʋa gore raigara pamsoro petabernakeri mazuʋa mashomanene; ɀino seɀairaira Jehova ʋairamba ʋagere pamatente aʋo, ʋuye seɀairaira Jehova ʋaifamba.

²¹Dzimŋe ŋguʋa gore raiʋa’po kubva maɗeko kuȿikira maŋgwana; ɀino kana gore ricisimudzwa maŋgwana, ʋaifamba; kana masikati kana ʋusiku, kana gore ricisimudzwa, ʋaifamba.

²²Kana gore rikaramba riri pamsoro petabernakeri mazuʋa maʋiri, kana mŋedzi, kana gore, ricimira pamsoro payo, ʋana ʋaIsraeri ʋairamba ʋagere mumatente aʋo, ʋasiŋgafambi; asi kana rasimudzwa, ʋaifamba.

²³Seɀaʋairairwa naJehova, ʋaidzika matente aʋo; seɀaʋairairwa naJehova, ʋaifamba; ʋaiceŋgeta ɀaʋakaŋga ʋarairwa naJehova, seɀakaraira Jehova nomuromo waMosesi.