Read Original Shona Union Bible 1949 Baiberi Magwaro Matȿene aMŋari Mika 2 Bible Online

Mika 2 - Original Shona Union Bible 1949 Baiberi Magwaro Matȿene aMŋari bible

Mika 2

¹Ʋanenhamo ʋanofuŋga ɀakaipa ʋaciita ɀisakarurama panhoʋo dzaʋo! Ʋanoɀiita maŋgwanani kana kwoedza, nokuti simba rokuɀiita riri mumaʋoko aʋo.

²Ʋanociʋa minda, ndokuipamba, nedzimba, ndokuɀitorera idzo; ʋanomanikidza murume neimba yake, murume nenhaka yake.

³Naiɀoɀo ɀanzi naJehova: Tarirai, ndinofuŋgira rudzi urwu ɀakaipa, hamuŋgagoni kubvisa mitsipa yenyu paɀiri, hamuŋgafambi namanyawi, nokuti iŋguʋa yakaipa.

⁴Nezuʋa iro ʋacataura mufananidzo pamsoro penyu, nokucema nokucema kwokurira, ʋaciti: Takaparadzwa cose, iye unopa ʋamŋe mugoʋe waʋanhu ʋaŋgu, haiwa wanditorera ini sei! Minda yeɗu unoigoʋera ʋanomumukira.

⁵Saka iwe ucashaiwa munhu unokukandira rwonzi rwokuyera nhaka yako paʋuŋgano yaJehova.

⁶Regai kuprofita — ndiɀo ɀaʋanoprofita iʋo. Kana ʋasiŋgaprofiti pamsoro peɀinhu iɀi, kushoʋora kwaʋo hakuŋgaperi.

⁷Nhai imi munonzi imba yaJakobo, Mŋeya waJehova wafupiswa here? Ndiwo maɓasa ake here? Ko mashoko aŋgu haaŋgaitiri ɀakanaka unofamba nokururama here?

⁸Asi mazuʋa ano ʋanhu ʋaŋgu ʋakandimukira somuʋeŋgi; munobvisa jasi paŋguʋo dzaʋanopfuʋura haʋo norugare ʋasiŋgaɗi kurwa.

⁹Munodziŋga ʋakadzi ʋaʋanhu ʋaŋgu padzimba dzaʋo dzinofadza; munoterera ʋana ʋaʋo ʋaɗuku mbiri yaŋgu nokusiŋgaperi.

¹⁰Simukai, muende, nokuti haizi nɀimbo yokuzorora pano, nemhaka yetȿina inoparadza nokuparadza kwakaipa kwaɀo.

¹¹Kana munhu ari’po, unofambira mhepo nenhema, unoreʋa nhema aciti: Ndicakuprofitera ɀewaini neɀinonwiwa ɀinoɓata, ndiye ucaʋa muprofita waʋanhu aʋa.

¹²Ɀirokwaɀo ndicakuʋuŋganidzai imi mose, imi Jakobo; ɀirokwaɀo ndicaʋuŋganidza ʋakasara ʋaIsraeri; ndicaʋaisa pamŋe cete samakwai mucirugu, seɓoka ramakwai pakati pamafuro awo; ʋacaita ruzha rukuru nokuwanda kwaʋanhu.

¹³Mupasanuri wakaʋatuŋgamirira; ʋakapasanura, ʋakapfuʋurira kusuʋo, ʋakaɓuɗa na’po; mambo waʋo wakaʋatuŋgamirira, Jehova ari pamberi paʋo.