Read Original Shona Union Bible 1949 Baiberi Magwaro Matȿene aMŋari Mika 5 Bible Online

Mika 5 - Original Shona Union Bible 1949 Baiberi Magwaro Matȿene aMŋari bible

Mika 5

¹Ɀino mucafanira kuʋuŋgana makaita mapoka, iwe mukunda wamapoka; muʋeŋgi wakatikomba, ʋacaroʋa mutoŋgi waIsraeri netȿimbo paɗama rake.

²Asi iwe Beti‐rehema Efrata, muɗuku kwaɀo pakati peɀuru ɀamazana ɀaJuda, kwauri kucandiɓuɗira mumŋe ucaʋa muɓati pakati paIsraeri; maɓuɗiro ake ndaakare, pamazuʋa akare‐kare.

³Naiɀoɀo ucaʋaisa kuʋaʋeŋgi ʋaʋo, kuȿikira paŋguʋa yokuɀara kwaiye unosurumuka; ipapo hama dzake, dzakasara, dzicadzoka naʋana ʋaIsraeri.

⁴Ucamira, ndokufudza makwai ake nesimba raJehova, noʋumambo bgezita raJehova Mŋari wake; ɀino ʋacagara ɀakanaka, nokuti ɀino ucaʋa mukuru kuȿikira kumigumo yenyika.

⁵Iye ucaʋa rugare rweɗu. Kana muAsiria acipinda munyika yeɗu, kana acitsika mudzimba dzeɗu dzoʋushe, ticamutsa ʋafudzi ʋanomŋe namacinda masere pakati paʋanhu kuti ʋarwe naye.

⁶Iʋo ʋacaparadza nyika yeAsiria nomunondo, nenyika yaNimrodi painopindwa napo; iye ucatirwira kumuAsiria, kana aciŋge acipinda nyika yeɗu nokutsika mukati memiganho yeɗu.

⁷Ipapo ʋakasara ʋaJakobo ʋacaʋa pakati pamarudzi mazhinji aʋanhu seɗoʋa rinobva kunaJehova, semvura inonaya paʋuswa, ɀisiŋgamiriri munhu kana kugarira ʋanakomana ʋaʋanhu.

⁸Ʋakasara ʋaJakobo ʋacaʋa pakati pendudzi pakati pamarudzi mazhinji aʋanhu, seshumba pakati pemhuka dzomuɗondo, seshumba ɗuku pakati pamapoka amakwai, inoti kana icipfuʋura’po, inotsika nokubvamburanya, kusina‐unorwira.

⁹Ruʋoko rwenyu ŋgarusimudzirwe kumsoro kwaʋadziʋisi ʋenyu, ʋaʋeŋgi ʋenyu ʋose ŋgaʋaparadzwe.

¹⁰Ɀino nezuʋa iro — ndiɀo ɀinotaura Jehova — ndicaparadza mabiza enyu pakati penyu, nokuputsa ŋgoro dzenyu;

¹¹ndicaparadza maguta enyika yenyu, nokukoromora nhare dzenyu dzose.

¹²Ndicaparadza ʋuroyi pamaʋoko enyu, hamuŋgazoʋi naʋafemberi;

¹³ndicaparadza mifananidzo yenyu yakaʋezwa neshoŋgwe dzenyu pakati penyu; hamuŋgazonamati maɓasa amaʋoko enyu;

¹⁴ndicadzura miti yenyu yakatsaurwa pakati penyu, ndicaparadza maguta enyu.

¹⁵Ndicatsiʋa marudzi asina‐kuterera ndiciita nokutsamŋa nehasha.