Read Original Shona Union Bible 1949 Baiberi Magwaro Matȿene aMŋari Mika 6 Bible Online

Mika 6 - Original Shona Union Bible 1949 Baiberi Magwaro Matȿene aMŋari bible

Mika 6

¹Cinzwai ɀino ɀinorebga naJehova: Simuka, ita nharo pamberi pamakomo, ɀikomo ŋgaɀinzwe inzwi rako.

²Cinzwai, imi makomo, rukaʋe rwaJehova, nemi nheyo dzenyika dzinogara dziri’po; nokuti Jehova unorukaʋe naʋanhu ʋake, ucaita nharo naIsraeri.

³Nhai, imi ʋanhu ʋaŋgu, ndakakuiteiko? Ndakakunetsai neiko? Ndipindurei.

⁴Nokuti ndakakuɓuɗisai panyika yeEgipita, ndikakudzikinurai paimba yoʋuranda, ndikatuma pamberi penyu Mosesi naAroni naMiriami.

⁵Haiwa, ʋanhu ʋaŋgu, raŋgarirai ɀino ɀakaraŋganwa naBaraki mambo waMoabi, ʋuye ɀaakapindurwa naBarami mŋanakomana waBeori; raŋgarirai ɀakaitwa kubva paShitimi kuȿikira Girgari, kuti muziʋe ɀakarurama ɀamakaitirwa naJehova.

⁶Ndicaʋuya nei pamberi paJehova, ndicikotamira pamberi paMŋari wokumsoro? Ndicaʋuya pamberi pake neɀiɓayiro ɀinopiswa, nemhuru dzakaita gore rimŋe here?

⁷Ko Jehova uŋgafadzwa namakondobge anecuru cezana, kana nenzizi dzamafuta dzineɀuru ɀinegumi here? Ndiŋgamuʋigira ɗaŋgwe raŋgu pamsoro pokuɗarika kwaŋgu, ico ciɓereko comuʋiri waŋgu pamsoro peɀiʋi ɀomŋeya waŋgu here?

⁸Iye wakakuziʋisa, iwe munhu, kuti ɀakanaka ndeɀipi; cinotȿakwa naJehova kwauri cinyiko, asi kuti uite ɀakarurama, uɗe ʋunyoro, ʋuye ufambe uciɀininipisa pamberi paMŋari wako?

⁹Inzwi raJehova rinoɗana kuguta, wakacenjera ucatya zita renyu; tererai shamhu, nowakairaira.

¹⁰Ko fuma yeɀakashata ici’po muimba yowakashata here, ʋuye ciyero cakatapudzwa cinonyaŋgadza here?

¹¹Ko ndiŋgaʋa wakacena kana ndineɀiyero ɀakashata, nehomo yeɀiyereso ɀinonyeŋgera here?

¹²Nokuti ʋafumi ʋeguta ʋazere nokuita nehasha, ʋagere’mo ʋakareʋa nhema, rurimi rwaʋo mumuromo waʋo runonyeŋgera.

¹³Saka neni ʋo ndakakuroʋai ʋaŋga rakaipa kwaɀo; ndakakuitai ɗoŋgo nokuɗa kweɀiʋi ɀenyu.

¹⁴Mucadya, asi hamuŋgaguti, kushoʋorwa kwenyu kucaʋa pakati penyu; mucabvisa nhumbi dzenyu, asi hamuŋgadziceŋgeti, idzo dzamunoceŋgeta, ndicadziparadzisa nomunondo.

¹⁵Mucakusha, asi hamuŋgaceki, mucaȿina maoriʋi, asi hamugazori mafuta, mucaȿina mazambiriŋga, asi hamuŋganwi waini.

¹⁶Nokuti ɀakatemŋa naOmri ɀinoceŋgetwa, namaɓasa ose eimba yaAhabi, imi munofamba nokuraŋgarira kwaʋo, kuti ndikuitei ɗoŋgo imi, naʋagere’mo cinhu cinoridzirwa muridzo; imi mucaʋa nemhoȿa yokushoʋorwa kwaʋanhu ʋaŋgu.