Read Original Shona Union Bible 1949 Baiberi Magwaro Matȿene aMŋari Mika 7 Bible Online

Mika 7 - Original Shona Union Bible 1949 Baiberi Magwaro Matȿene aMŋari bible

Mika 7

¹Ndinenhamo ini! nokuti ndaʋa sapaŋguʋa kana ɀiɓereko ɀezhezha ɀakohwiwa, kana ɀakasara ɀamazambiriŋga ɀaʋuŋganidzwa; hakucinesumbu rimŋe riŋgadyiwa, mŋeya waŋgu unopaŋga ʋonde rinotaŋga kuibva.

²Ʋanhu ʋanoɗa Mŋari ʋakaparara panyika, hakucina‐ʋakarurama pakati paʋanhu; ʋose ʋakaʋandira kuteʋura ropa, mumŋe nomumŋe unovima hama yake nomumbure.

³Maʋoko aʋo anoŋgotȿaka ɀakaipa kuti ʋaɀiite nomŋoyo wose; macinda anokumbira, ʋatoŋgi ʋanoʋiŋga muɓairo; mukuru unotaura ɀakashata ɀiri mumŋoyo make; ʋanoɀiruka pamŋe cere saiɀoɀo.

⁴Wakanaka kupfuʋura ʋose wakaita sorukato, wakarurama kupfuʋura ʋose unopfuʋura ruzhowa rweminzwa; zuʋa renharirire dzenyu raȿika, iro zuʋa rokurobga kwenyu, ɀino kukaŋganiswa kwaʋo kucaʋa’po.

⁵Regai kuʋimba nowamunogara naye, regai kutenda shamŋari, dzora miromo yako kumukadzi uʋete pacifuʋa cako.

⁶Nokuti mŋanakomana unoɀidza ɓaɓa, mŋanasikana unomukira mai ʋake, nomukadzi womŋana ʋamŋene ʋake; ʋaʋeŋgi ʋomunhu ndiʋo ʋanhu ʋeimba yake.

⁷Asi kana ndiri’ni ndicatarira kunaJehova, ndicamirira Mŋari woruponeso rwaŋgu; Mŋari waŋgu ucandinzwa.

⁸Usafara pamsoro paŋgu iwe muʋeŋgi waŋgu; kana ndikawira pasi, ndicasimuka ɀe; kana ndigere murima, Jehova ucaʋa ciedza caŋgu.

⁹Ndicatakura kutsamŋa kwaJehova, nokuti ndakamutadzira, kuȿikira acindireʋerera mhoȿa yaŋgu, nokundiruramisira mhaka yaŋgu; ucandiɓuɗisira kuciedza, ndicaʋona kururama kwake.

¹⁰Ipapo muʋeŋgi waŋgu ucaɀiʋona, kunyara kucafukidza iye unoti kwandiri: Jehova Mŋari wako uripiko? Meso aŋgu acamuʋona; ɀino ucatsikirwa pasi samatope ari panzira dzomumusha.

¹¹Zuʋa rokuʋaka maȿiŋgo enyu ricaȿika, nezuʋa iro miganho icatarwa nokure.

¹²Nezuʋa iro ʋacaʋuya kwamuri, ʋacibva Asiria nokumaguta eEgipita, nokunyika inobva Egipita iciȿikira kuRwizi, nokubva kunerimŋe guŋgwa kuȿikira kunerimŋe guŋgwa, nokubva kunerimŋe gomo kuȿikira kunerimŋe gomo.

¹³Kunyaŋge ɀakaɗaro nyika icaʋa ɗoŋgo, nemhaka yaʋagere’mo, nemhaka yeɀiɓereko ɀamaɓasa aʋo.

¹⁴Fudzai ʋanhu ʋenyu netȿimbo yenyu, iwo makwai ari nhaka yenyu, anogara ari oga muɗondo pakati peKarmeri; ŋgaacere paBashani neGireadi, sapamazuʋa akare.

¹⁵Ndicaʋaratidza ɀinhu ɀinoshamisa sapamazuʋa okuɓuɗa kwenyu munyika yeEgipita.

¹⁶Marudzi aʋanhu acaɀiʋona akanyara pamsoro pesimba raʋo rose; ʋacafumbatira miromo yaʋo namaʋoko aʋo, nzeʋe dzaʋo hadziŋganzwi.

¹⁷Ʋacananɀa guruʋa senyoka; ʋacaɓuɗa panɀimbo dzaʋo dzokuʋanda ʋaciɗeɗera seɀinokambaira ɀenyika; ʋacaʋuya kunaJehova Mŋari weɗu ʋacitya, ʋacakutyai.

¹⁸Ndianiko Mŋari wakafanana nemi, unokaŋganwira ɀakaipa, unopfuʋura kuɗarika kwaʋakasara ʋenhaka yake? Haaŋgagari akatsamŋa nokusiŋgaperi, nokuti unofarira kuʋa nenyasha.

¹⁹Ucatinzwira tsitsi ɀe, ucatsika ɀakaipa ɀeɗu pasi petsoka dzake; mucakandira ɀiʋi ɀaʋo ɀose mukudzika kweguŋgwa.

²⁰Mucaitira Jakobo ɀokwaɗi yenyu, naAbrahama nyasha dzenyu, idzo dzamakapikira madziɓaɓa eɗu kubva pamazuʋa akare.