Read Original Shona Union Bible 1949 Baiberi Magwaro Matȿene aMŋari Habakuki 2 Bible Online

Habakuki 2 - Original Shona Union Bible 1949 Baiberi Magwaro Matȿene aMŋari bible

Habakuki 2

¹Ndicandomira panɀimbo yaŋgu yokutaririra, ndicaɀiisa parutura rwaŋgu, ndicatarira ndiʋone ɀaacataura neni, ʋuye ɀandiŋgapindura pamsoro pokucema kwaŋgu.

²Jehova akandipindura, akati: Nyora ɀawaratidzwa, ɀiʋonekwe kwaɀo pamahwendefa, kuti ɀigone kurabga nounomhanya.

³Nokuti ɀakaratidzwa iɀi ndeɀeŋguʋa yakatarwa, ɀoʋaʋarira kuguma, haɀiŋgareʋi nhema; kunyaŋge ɀikanonoka, uɀimirire, nokuti ɀicaʋuya ɀirokwaɀo, haɀiŋgaiti ŋguʋa huru.

⁴Tarirai, mŋeya waʋo unamanyawi, hauna‐kururama mukati maʋo; asi wakarurama ucararama nokutenda kwake.

⁵Ʋuye ɀe, ɀirokwaɀo, waini inonyeŋgera, murume unoɀikudza, usiŋgagari kumba kwake, wakashamisa kukara kwake seSheori, wakafanana norufu; haaŋgaguti, asi unoɀiʋuŋganidzira marudzi ose, unoɀikokerera marudzi ose aʋanhu.

⁶Ko aʋa ʋose haʋaŋgaimbi rwiyo pamsoro pake, nokumuɗaɗira necirabge, ʋaciti: Unenhamo unowanza ɀisati ɀiri ɀake! Kuȿikira riniko? Ʋuye unoɀiremedza noʋuɓatso!

⁷Ʋacakurumai haʋaŋga simuki pakarepo, ʋanokumanikidzai haʋaŋgamuki here, imi mukapambga naʋo?

⁸Imi ɀamakapamba marudzi mazhinji, ʋose ʋakasara ʋamarudzi aʋanhu ʋacakupambai imi, nemhaka yeropa raʋanhu, ʋuye nemhaka yokuti makaitira nyika simba, neguta naʋose ʋagere’mo.

⁹Unenhamo unoɀiwanira imba yake fuma yakaipa, kuti aise ɗendere rake kwakakwirira, kuti arwirwe paruʋoko rweɀakaipa!

¹⁰Makaraŋganira imba yenyu ɀinonyadza, ɀamakaparadza marudzi mazhinji aʋanhu, mukatadzira mŋeya wenyu.

¹¹Nokuti ibge ricaɗanidzira riri paruȿiŋgo, ɗanda riri muɗeŋga ricapindura.

¹²Unenhamo unoʋaka musha neropa, unoʋamba guta neɀakaipa!

¹³Tarirai, haɀina‐kubva kunaJehova wehondo here kuti ʋanhu ʋaɓatire mŋoto, ʋuye kuti marudzi aʋanhu aɀinetse nokuɗa kweɀisinamaturo?

¹⁴Nokuti nyika yose icazadzwa nokuziʋa kubginya kwaJehova, mvura seɀainofukidza pasi peguŋgwa.

¹⁵Unenhamo unopa wokwake ɀinoɓata aɀinwe, unoveŋganisira’mo ʋuturu bgenyu, mucimudakisa ʋo, kuti muʋone kushama kwaʋo!

¹⁶Maɀigutisa neɀinonyadzisa panɀimbo yeɀinokudzwa; cinwai nemi ʋo, muʋe sousina‐kudziŋgiswa; mukombe worudyi rwaJehova ucaȿikira kwamuri, ɀinonyadzisa ɀakaipa ɀicaʋuya pamsoro pokukudzwa kwenyu.

¹⁷Nokuti ɀakaipa ɀakaitirwa Rebanoni ɀicakufukidzai imi, ʋuye kuparadzwa kweɀipfuwo kwakaɀityisa; nemhaka yeropa raʋanhu, nemhaka yeɀakaipa ɀakaitirwa nyika, neguta, naʋose ʋagere’mo.

¹⁸Mufananidzo wakaʋezwa unoɓatsireiko, ɀawaʋezwa nomuʋezi wawo; kana mufananidzo wakaʋumbga, iwo mudzidzisi wenhema, iye wakauʋumba ɀaanoʋimba nawo, ɀaakaita ɀifananidzo ɀisiŋgagoni kutaura?

¹⁹Unenhamo unoti kuɗanda: Muka! kana kubge risiŋgagoni kutaura: Simuka! Ɀinhu iɀi ɀiŋgadzidzisa here? Tarirai, ɀakanamirwa nendarama nesirveri, asi hakunomŋeya mukati maɀo napaɗuku.

²⁰Asi Jehova uri mutembere yake tȿene, nyika yose ŋgairambe inyerere pamberi pake.