Read Original Shona Union Bible 1949 Baiberi Magwaro Matȿene aMŋari Habakuki 3 Bible Online

Habakuki 3 - Original Shona Union Bible 1949 Baiberi Magwaro Matȿene aMŋari bible

Habakuki 3

¹Munyeŋgetero womuprofita Habakuki, unoimbga neShigionoti.

²Haiwa, Jehova, ndakanzwa mashoko enyu, ndikatya; Haiwa, Jehova, mutsai ɓasa renyu pakati pamakore; Riziʋisei pakati pamakore; Pakutsamŋa kwenyu raŋgarirai nyasha.

³Mŋari unoʋuya acibva Temani, Naiye Mutȿene acibva pagomo reParani. Sera. Ʋumambo bgake ʋunofukidza ɗeŋga rose, Nyika izere nokurumbidzwa kwake.

⁴Kupenya kuri’po kwakafanana neciedza; Bgerazuʋa ʋunoɓuɗa paruʋoko rwake, Simba rake rinoʋanda’po.

⁵Hosha yakaipa inomutuŋgamirira, Mazimbe omŋoto anoɓuɗa patsoka dzake.

⁶Unomira aciyera nyika; Unotarira, ndokuparadza marudzi aʋanhu; Makomo asiŋgaperi anopararira; Ɀikomo ɀisiŋgaperi ɀinokotama; Nzira dzake ndedzekare‐kare.

⁷Ndinoʋona matente eKushani ari panhamo; Miceka yamatente enyika yeMidiani anoɗeɗera.

⁸Ko Jehova wakatsamŋira nzizi here? Hasha dzenyu dzakamukira nzizi here? Kutsamŋa kwenyu kwakamukira guŋgwa here, Ɀamunotaȿa mabiza enyu, Mucifamba neŋgoro dzenyu dzoruponeso?

⁹Ʋuta bgenyu bgakafukurwa kwaɀo; Shamhu dzakapikirwa neshoko renyu. Sera. Makaparura nyika nenzizi.

¹⁰Makomo akakuʋonai akatya, Kuɗira kwemvura kwakapfuʋura; Pakadzika pakaɓuɗisa inzwi rapo, Pakasimudzira maʋoko apo kumsoro.

¹¹Zuʋa nomŋedzi ɀakamira paʋugaro bgaɀo, Ɀiciʋona ciedza cemiseʋe yenyu icipfuʋura, Ɀiciʋona kupenya kwepfumo renyu rinobginya.

¹²Makatsika nyika makatsamŋa, Makapura ndudzi munehasha.

¹³Makaɓuɗa kuzoponesa ʋanhu ʋenyu, Kuzoponesa muzodziwa wenyu; Makakuʋadza musoro weimba yowakaipa, Mucifukura nheyo kuȿikira kumutsipa wayo. Sera.

¹⁴Makabvoʋora misoro yaʋarwi ʋake namapfumo ake; Ʋakaʋuya secampupuri kundiparadza; Kufara kwaʋo kwakaita sokwaʋanopedza ʋarombo pakaʋanda.

¹⁵Makatsika guŋgwa namabiza enyu, Iwo murwi wemvura zhinji.

¹⁶Ndakanzwa, muʋiri waŋgu ukaɗeɗera, Miromo yaŋgu yakaɗeɗera ndicinzwa inzwi; Kuʋora kwakapinda mumafupa aŋgu, ndikaɗeɗera pandakaŋga ndiri, Nokuti ndinofanira kumirira zuʋa renjodzi ndinyerere, Kana iye, unozorwa naʋanhu, aciʋawira.

¹⁷Nokuti kunyaŋge muʋonde ukasatuŋga maruʋa, Nemizambiriŋga ikashaiwa ɀiɓereko, Kunyaŋge kuɓereka kwomuorivi kukakona, Neminda ikasaɓereka ɀokudya; Kunyaŋge makwai akapera mucirugu, Neŋombe dzikashaikwa mumataŋga,

¹⁸Kunyaŋge ɀakaɗaro ndicafara kwaɀo munaJehova, Ndicaʋa nomufaro munaMŋari woruponeso rwaŋgu.

¹⁹Jehova Ishe isimba raŋgu, Unoita tsoka dzaŋgu dziʋe setsoka dzehadzi yenondo, Unondifambisa pamatunhu aŋgu akakwirira. Kumutuŋgamiriri wokuimba, nemiteŋgeranwa yaŋgu.