Read Original Shona Union Bible 1949 Baiberi Magwaro Matȿene aMŋari Zefania 2 Bible Online

Zefania 2 - Original Shona Union Bible 1949 Baiberi Magwaro Matȿene aMŋari bible

Zefania 2

¹Ʋuŋganai, ɀirokwaɀo ʋuŋganai, imi rudzi rusiŋganyari;

²cireʋo cisati caɓereka, zuʋa risati rapfuʋura sehundi, kutsamŋa kukuru kwaJehova kusati kwaʋuya pamsoro penyu, zuʋa rokutsamŋa kwaJehova risati raʋuya pamsoro penyu.

³Tȿakai Jehova, imi mose ʋanyoro ʋenyika, imi makaceŋgeta mitemo yake; tȿakai kururama, tȿakai ʋunyoro; ɀimŋe muŋgaʋandika nezuʋa rokutsamŋa kwaJehova.

⁴Nokuti Gaza ricasiyiwa, Ashkeroni ricaitwa ɗoŋgo; ʋacadziŋga Ashdodi masikati makuru, Ekroni ricadzurwa.

⁵Ʋanenhamo ʋagere panyika iri paguŋgwa, irwo rudzi rwaʋaKereti! Shoko raJehova rinokutuka, iwe Kanani, nyika yaʋaFiristia; ndicakuparadza, kuti parege kuzoʋa unogara’po.

⁶Mhenderekedzo dzeguŋgwa dzicaʋa mafuro anamapako aʋafudzi neɀirugu ɀamakwai.

⁷Mhenderekedzo dzicaʋa dzaʋakasara ʋeimba yaJuda; ʋacafudza’po makwai aʋo; ʋacaʋata pasi maɗekwana mudzimba dzeAshkeroni; nokuti Jehova Mŋari waʋo ucaʋashanyira nokudzosa kutapxa kwaʋo.

⁸Ndakanzwa kuɀidza kwaMoabi, nokutuka kwaʋana ʋaAmoni, kwaʋakaɀidza nako ʋanhu ʋaŋgu, ʋaciita manyawi pamuganho waʋo.

⁹Naiɀoɀo noʋupenyu bgaŋgu — ndiɀo ɀinotaura Jehova wehondo, Mŋari waIsraeri: Ɀirokwaɀo, Moabi ʋacaita seSodoma, naʋana ʋaAmoni seGomora, nyika yorukato, namakomba omunyu, namatoŋgo nokusiŋgaperi; ʋanhu ʋaŋgu ʋakasara ʋacaʋaita cinhu cakatapxa, ʋakasara ʋorudzi rwaŋgu ʋacaʋagara nhaka.

¹⁰Ndiɀo ɀaʋacapiwa nokuɗa kwokuɀikudza kwaʋo, nokuti ʋakaɀidza ʋanhu ʋaJehova wehondo nokuɀikudza kwaʋari.

¹¹Jehova ucaʋatyisa kwaɀo, nokuti ucaparadza ʋamŋari ʋose ʋenyika; ʋanhu ʋacamunamata iye, mumŋe nomumŋe acibva panɀimbo yake, naiɀo ɀiwi ɀose ɀendudzi.

¹²Nemi ʋo ʋeEtiopia, mucaʋurawa nomunondo waŋgu.

¹³Ucatambanudzira ruʋoko rwake kurutiʋi rwokumsoro, ndokuparadza Asiria; Nineve ucariita ɗoŋgo, riwome serenje.

¹⁴Ɀipfuwo ɀicaʋata pasi mukati maro, idzo mhuka dzamarudzi ose; hukurwizi nenuŋgu ɀicaʋata pamisoro yembiru dzaro; inzwi rokurira kwaɀo ricanzwika pamawindi; kuparadzwa kucaʋa’po paɀikumbaridzo; nokuti wakafukunura ɀakaʋezwa ɀemisidari.

¹⁵Iri ndiro guta raigara nomufaro risinehanya, raiti mumŋoyo maro: Ndini, hakucinomumŋe kunze kwaŋgu! Haiwa, raitwa ɗoŋgo sei, nɀimbo inoʋata mhuka! Mumŋe nomumŋe unopfuʋura napo ucaridza muridzo, acizunuŋgusa ruʋoko rwake.