Read Original Shona Union Bible 1949 Baiberi Magwaro Matȿene aMŋari Hagai 1 Bible Online

Hagai 1 - Original Shona Union Bible 1949 Baiberi Magwaro Matȿene aMŋari bible

Hagai 1

¹Negore recipiri ramambo Dariusi, nomŋedzi wecitanhatu, pazuʋa rokutaŋga romŋedzi, shoko raJehova rakaȿika nomuprofita Hagai kunaZerubaberi mŋanakomana waSheartieri, muɓati waJuda, nokunaJoshua mŋanakomana waJehozadaki, muprista mukuru, riciti:

²Jehova wehondo unotaura, aciti: Ʋanhu aʋa ʋanoti: Ŋguʋa icigere kuȿika, iyo ŋguʋa yokuʋakwa kweimba yaJehova.

³Ipapo shoko raJehova rakaȿika nomuprofita Hagai, riciti:

⁴Ko ɀino iŋguʋa yamuŋgagara imi mudzimba dzenyu dzakashoŋgedzwa namatanda, imba ino riri ɗoŋgo here?

⁵Ɀino ɀanzi naJehova wehondo: Cerekedzai ɀamakaita.

⁶Makakusha ɀizhinji, asi makaceka ɀishoma; munodya, asi hamuguti; munonwa, asi hamuguŋgwi; munofuka, asi hakunaunodziyirwa; unoɓatira muɓairo unoɓatira kuti aɀiceŋgete muhomboɗo yakabvoʋoka.

⁷Ɀanzi naJehova wehondo: Cerekedzai ɀamakaita.

⁸Kwirai mugomo, muʋuye namatanda, muʋake imba iyi; ini ndicaifarira, ʋuye ini ndicakudzwa — ndiɀo ɀinotaura Jehova.

⁹Makafuŋga kuwana ɀizhinji, tarirai, ɀakaŋgoita ɀishoma; makati maɀiisa kumusha, ini ndikafuridzira pamsoro paɀo. Nemhaka yeiko? — ndiɀo ɀinotaura Jehova wehondo. Nemhaka yeimba yaŋgu riri ɗoŋgo, mumŋe nomumŋe wenyu acimhanyira kumba kwake.

¹⁰Saka ɗeŋga rakaramba nedoʋa nemhaka yenyu, nenyika inoramba neɀiɓereko ɀayo.

¹¹Ndakaɗana kuwoma kuʋuye panyika, napamakomo, napaɀiyo, napawaini itȿa, napamafuta, napaneɀinoɓerekwa nevu, napaʋanhu, napaɀipfuwo, napamaɓasa ose amaʋoko aʋanhu.

¹²Ipapo Zerubaberi mŋanakomana waSheartieri, naJoshua mŋanakomana waJehozadaki, muprista mukuru, naʋanhu ʋose ʋakaŋga ʋasara, ʋakateerera inzwi raJehova Mŋari waʋo, namashoko omuprofita Hagai, seɀaakaŋga atumŋa naJehova Mŋari waʋo; ʋanhu ʋakatya pamberi paJehova.

¹³Ipapo Hagai, nhume yaJehova, wakataura naʋanhu seɀaakarairwa neshoko rakatumŋa naJehova, akati: Ndinemi — ndiɀo ɀinotaura Jehova.

¹⁴Jehova akamutsa mŋeya waZerubaberi mŋanakomana waSheartieri, muɓati waJuda, nomŋeya waJoshua mŋanakomana waJehozadaki, muprista mukuru, nomŋeya waʋanhu ʋose ʋakaŋga ʋasara, ʋakaʋuya ʋakaɓata paimba yaJehova wehondo, Mŋari waʋo,

¹⁵nezuʋa ramakumi maʋiri namanna romŋedzi wecitanhatu, negore recipiri ramambo Dariusi.