Read Original Shona Union Bible 1949 Baiberi Magwaro Matȿene aMŋari Hagai 2 Bible Online

Hagai 2 - Original Shona Union Bible 1949 Baiberi Magwaro Matȿene aMŋari bible

Hagai 2

¹Nomŋedzi wecinomŋe, nezuʋa ramakumi maʋiri nerimŋe romŋedzi, shoko raJehova rakaȿika nomuprofita Hagai, riciti:

²Ɀino citaura naZerubaberi mŋanakomana waSheartieri, muɓati waJuda, naJoshua mŋanakomana waJehozadaki, muprista mukuru, naʋanhu ʋose ʋakasara, uti:

³Ndiani wakasara pakati penyu, wakaɗeya kuʋona imba ino pakubginya kwayo kwokutaŋga? Ɀino munoiʋona yakaɗiniko? Pakuʋona kwenyu haina‐kuita sapasina here?

⁴Asi ɀino ciʋa nesimba, iwe Zerubaberi — ndiɀo ɀinotaura Jehova; newe Joshua mŋanakomana waJehozadaki, muprista mukuru, iʋa nesimba; nemi ʋanhu ʋose ʋenyika, iʋai nesimba, muɓate — ndiɀo ɀinotaura Jehova; nokuti ndinemi — ndiɀo ɀinotaura Jehova wehondo.

⁵Ndiro shoko resuŋgano yandakaita nemi, ŋguʋa yamakaɓuɗa Egipita, mŋeya waŋgu ucigere pakati penyu; regai kutya.

⁶Nokuti ɀanzi naJehova wehondo: Kamŋe cete, kwasara ciŋguʋa ciɗuku, ndicazunuŋgusa ɗeŋga rose, nenyika neguŋgwa, nenyika yakawoma;

⁷ndicazunuŋgusa ndudzi dzose; ɀose ɀinoɗikanwa nendudzi dzose ɀicaʋuya; ndicazadza imba ino nokubginya — ndiɀo ɀinotaura Jehova wehondo.

⁸Sirveri ndeyaŋgu, nendarama ndeyaŋgu — ndiɀo ɀinotaura Jehova wehondo.

⁹Kubginya kwokupedzisira kweimba ino kucapfuʋura kwokutaŋga — ndiɀo ɀinotaura Jehova wehondo; panɀimbo ino ndicapa rugare — ndiɀo ɀinotaura Jehova wehondo.

¹⁰Nezuʋa ramakumi maʋiri namanna romŋedzi wepfumbamŋe, negore recipiri raDariusi, shoko raJehova rakaȿika nomuprofita Hagai, riciti:

¹¹Ɀanzi naJehova wehondo: Cibvunza ʋaprista pamsoro pomurairo, uti:

¹²Kana munhu acitakura nyama tȿene mumupendero weŋguʋo yake, akagunɀa nomupendero ciŋgwa, kana ɀakaɓikwa, kana waini, kana mafuta, kana ɀokudya ɀipi neɀipi, ko ɀaʋa ɀitȿene here? Ʋaprista ʋakapindura, ʋakati: Kwete.

¹³Ipapo Hagai akati: Kana munhu, wakaȿiɓiswa nemhaka yokuɓata citunha, akagunɀa cinhu cimŋe caiɀoɀi, ko caȿiɓiswa here? Ʋaprista ʋakapindura, ʋakati: Caȿiɓiswa.

¹⁴Ipapo Hagai akapindura, akati: Ndiɀo ɀakaita ʋanhu aʋa norudzi urwu pamberi paŋgu — ndiɀo ɀinotaura Jehova; ndiɀo ɀakaita ɀose ɀaʋanoita namaʋoko aʋo, ʋuye ɀaʋanoɓayira’po ɀakaȿiɓiswa.

¹⁵Ɀino fuŋgai henyu kubva pazuʋa ranhasi mucidzokera shure, ibge rimŋe ricigere kuiswa pamsoro pebge mutembere yaJehova.

¹⁶Neŋguʋa iyo yose kana munhu aciŋge aȿika pamurwi weɀiyo ɀeɀiyero ɀinamakumi maʋiri, ɀaiŋgoʋa’po ɀinegumi; kana munhu akaȿika paciȿiniro cewaini aciti ndinocera hari dzinamakumi mashanu, dzaiŋgoʋa’po dzinamakumi maʋiri.

¹⁷Ndakakuroʋai nenyunje nokuvuva necimvuramabge pamaɓasa ose amaʋoko enyu; asi hamuna‐kutendeʋukira kwandiri — ndiɀo ɀinotaura Jehova.

¹⁸Cifuŋgai henyu kubva pazuʋa ranhasi mucidzokera shure, kubva pazuʋa ramakumi maʋiri namanna romŋedzi wepfumbamŋe, kubva pazuʋa rakateyiwa nheyo dzetembere yaJehova, fuŋgai iɀoɀo.

¹⁹Ko mbeu ici’mo muɗura here? Ɀirokwaɀo, muzambiriŋga nomuʋonde nomutamba nomuorivi haɀina‐kuɓereka; kubva pazuʋa rino ndicakuropafadzai.

²⁰Ɀino shoko raJehova rakaȿika rwecipiri kunaHagai nezuʋa ramakumi maʋiri namanna romŋedzi, riciti:

²¹Taura naZerubaberi, muɓati waJuda, uti: Ndicazunuŋgusa ɗeŋga rose nenyika;

²²ndicawisira pasi ɀigaro ɀoʋushe; ndicaparadza simba roʋushe bgendudzi; ndicawisira pasi ŋgoro naʋanofamba nadzo; mabiza naʋanoataȿa acawira pasi, mumŋe nomumŋe nomunondo wehama yake.

²³Nezuʋa iro — ndiɀo ɀinotaura Jehova wehondo — ndicakutora iwe, Zerubaberi, muranda waŋgu, mŋanakomana waSheartieri — ndiɀo ɀinotaura Jehova — ndicakuita secisimbiso; nokuti ndakakusanaŋgura — ndiɀo ɀinotaura Jehova wehondo.