Read Original Shona Union Bible 1949 Baiberi Magwaro Matȿene aMŋari Zekaria 10 Bible Online

Zekaria 10 - Original Shona Union Bible 1949 Baiberi Magwaro Matȿene aMŋari bible

Zekaria 10

¹Kumbirai kunaJehova mvura neŋguʋa yemvura yokupedzisira, kunaiye Jehova unoita mheni; iye ucaʋapa mvura inonaya kwaɀo, mumŋe nomumŋe aʋe neɀinomera mumunda.

²Nokuti terafimi dzakataura ɀisinamaturo, ʋaʋuki ʋakaʋona nhema, ʋakaʋudza ʋanhu kurota kwenhema, ʋanoʋaraidza pasina; saka ʋanoɀiindira samakwai, ʋanotambudzika nokushaiwa mufudzi.

³Kutsamŋa kwaŋgu kwakamukira ʋafudzi, ndicaroʋa nhoŋgo; nokuti Jehova wehondo wakashanyira ɓoka rake, iyo imba yaJuda, ucaʋaita sebiza rake rakanaka pakurwa.

⁴Kwaari kucabva ibge rekona, kwaari mbambo, kwaari ʋuta bgehondo, kwaari ʋaɓati ʋose pamŋe cete.

⁵Ʋacaʋa semhare dzinotsika ʋaʋeŋgi ʋadzo pasi pakurwa mumatope enzira dzomumusha; ʋacarwa nokuti Jehova unaʋo; ʋataȿi ʋamabiza ʋacanyadziswa.

⁶Ndicasimbisa imba yaJuda, ndicaponesa imba yaJosefa, nokuʋadzosera ɀe, nokuti ndicaʋanzwira nyasha; ʋacaʋa saʋanhu ʋasina‐kurashwa neni; nokuti ndini Jehova Mŋari waʋo, ndicaʋanzwa.

⁷ƲaEfraimi ʋacaʋa semhare, mŋoyo yaʋo icafara saʋanhu ʋakaɓatwa newaini; ɀirokwaɀo ʋana ʋaʋo ʋacaɀiʋona, ʋakafara; mŋoyo yaʋo icafara munaJehova.

⁸Ndicaʋaridzira muridzo, ndiʋaʋuŋganidze; nokuti ndakaʋadzikinura; ʋacawanda seɀaʋaiwanda kare.

⁹Ndicaʋakusha pakati pendudzi dzaʋanhu; ʋacandiraŋgarira kunyika dziri kure; ʋacararama pamŋe cete naʋana ʋaʋo, ʋakadzoka.

¹⁰Ndicaʋadzosa ɀe panyika yeEgipita, ndicaʋaʋuŋganidza ndiciʋabvisa paAsiria; ndicaʋaȿitsa kunyika yeGireadi neRebanoni; ʋacashaiwa pokugara.

¹¹Ucafamba nomuguŋgwa rokutambudzika, ucaroʋa mafuŋgu muguŋgwa, pakadzika pose muNairi pacapxa; kuɀikudza kweAsiria kucaɗeredzwa, tȿimbo yoʋushe yeEgipita icabviswa.

¹²Ndicaʋasimbisa munaJehova, ʋacafamba muzita raŋgu — ndiɀo ɀinotaura Jehova.